هلال الامم الافريقية !!
لهيب النار
هاشم الطيب .
هلال الامم الافريقية !!
# قندول عيش حجم عائلي شنقل الريكا وعند التقا وضح ما هو سوي ُبُتاب خالي من حبة العيش وعضي الغرايري أصابع الندم !! # المريخ الزعيم في ستاد بترودار نسبة الاستحواذ خمسه وتسعين في الميه والكورة لم تبرح منطقة جزاء الجيبوتي وبين الثلاث خشبات عصية علي رمضان ونوح مما يجعل الأيادي علي القلوب !!! # الغريق قدام وليس هم بعجائز سولار .
# نقول مبروووك لكن الهجوم يحتاج إلى ترميم واعادة صقل هجوم قدام القون وعاجز عن ايداع الكوره داخل الشباك الغرايري عليك بتجويد شغل الفراوده. … # كما يقول العسكر ورا مأمن ود المصطفي سداد الدروب والتمر وأعوانه قافلين الطريق والنص الرشيد كلام معدوم بس الهجوم يحتاج للسمكره .!!! # هلال الساحل يحتاج للسند الدعم من الجميع حكومة الولايه وأهل الثغر واتحادهم الشيله التقيله علي الاتحاد العام … @ الهلال فاز علي سان جورج الاثيوبي بشق الانفس بعد ما جماهيره فقدت الأمل لكن ربنا اكرمهم بركلة جزاء ليصل لدوري ال «32» مع شقيقه التوم لكن حكاية اللاعبين المحترفين الأكثر من ولاد البلد في فرقنا الكبيره حكايه لا تسر وخطورتها تصب علي فرقنا الوطنيه قرار فتح الباب للأجانب قرار غير موفق ودولارات مرميه في امر لا فائدة مرتجاة منهم وحكاية قون محترف لو كان ياشين مرفوضه تماماً … مستمع لإذاعة الرياضية من مارنجان اتهم المدرب السوداني غير مؤهل حرام عليك يا زول وين مازدا وبرهان ومحسن !!؟
هههههه ديل مؤهلون حرام عليك يا زول مازدا وبرهان ومحسن ديل عندهم ورق عمليا الزومه الصاعد حديثا ممكن يدربه لاعب قديم لكم ما بجيب مازدا تاهيل شنو اما علامات وبرهان مدربين فرق صغيره اول مره يدربوا في الممتاز علي مستوي انديه القمه كرشهم غارويتو قال ما بعرفوا يرصوا علامات وينو التاهيل مدربين حتي ما مؤهلين لمنتخب الناشئين مدرب ما ضعد بفريقه لدور الاربعه في البطولات الافريقيه وشال الدوري اكتر من مره في السودان ماف مدربين
كويس انت يا عمنا فاتح التعليقات لأنك واثق من نفسك واسلوبك البعيد عن الحقد اما ناس قريعتي راحت البتاع الاسمه مين كده صالح قافلين التعليقات لعلمهم بالردود القويه علي مقالاتهم وده دليل علي انهم جبناء ولا يستطيع المواجهه يعني دلقان وكمان جبان
اولا ابارك ليك اخوي ابو عمار المغوار تأهل الهلال العظيم واتفق معاك انه الاستاذ هاشم الطيب رجل “طيب” ويستاهل كل التقدير والاحترام لانه اسلوبه بعيد عن الحقد والكراهية. ويشهد الله اني خاطبت ناس صحيفتنا المحترمة “كورة سودانية” عن السبب وراء قفل التعليقات على مقالات “ايهاب الكضاب” “تداعيات فالصو” وانه من حقنا الرد عليها. اما فوزنا على الاحباش فقد كان فوز مستحق لاننا كنا نعرف من الاول بانه المباراة لن تكون نزهة. وتقديرا واحتراما ليك وللاستاذ هاشم الطيب لن ابادر بالرد على الحاقدين اللي حاولوا التقليل من فوز الهلال والايهام للناس بانه كان نتيجة تآمر من الحكم كما ظلوا يقولون دائما ولا غرابة في ذلك لانه “كل اناء بما فيه ينضح” ولك تحياتي ومبروك مجددا.
بذمتك مازدا و برهان و مخسن ?? مدربين ….يا شيخنا كرة. الفوووو فووووو دى كورة …فى فترات من المباريات لازم تلعب..تلعب جد مو. فووووو فووووو و بعدين مازدا لمن كان لاعب يضيع ضربة جزاء كانت كفيلة لحين لقاء مع الزمالك فى القاهرة ..و أعتقد هذه السنة فاز فيها. الزمالك بكاس افريقيا. ….فاقد الشئ لا يعطيه ..يجب الخروج من الفهم. الضيق و لا شنو
مازدا الفاسدة ومحسن ما يقدر يرص العلامات حد قول قارزيتو وبرهان البيان بالعمل الآن لكن فرقنا القومية يحتاج لتدريب عالي برازيلي وانجليزي وكشافين حواري واكاديميات حسب الفئات السنية من 10 سنوات الى 15 ثم من 16 – 18 سنة تأسيس واحتراف خلاص 18 سنة مفروض يكون اتقن جميع مهارات الكرة وصار محترف على الاقل محلي مع المنتخب واعمار المنتخب الرديف من 18-21 والثاني من 22-28 سنة نهائي كحد اقصى 28 سنة نهائي ولو كان رونالدينهو عمره تجاوز 28 سنة خلاص صار خردة محلي فقط
والسودان يحتاج حكام نخبة واكاديميات في جميع الرياضات ومحتاج كوادر في الكاف والفيفيا تخصص مختلف
واعلام وقنوات متخصصة في الرياضة تملأ العين لماذا تم تدمير قناة الهلال من العليقي والكاردينال لماذا لم يتم الاتفاق مع الكاردينال كاستثمار بين النادي والشيطان لعمل ثلاث قنوات او قناة الهلال الاولى والثانية لنقل المباريات المحلية والعالمية خاصة الافريقية