هو جنس طيييش
في السلك
بابكر سلك
هو جنس طيييش
*أمس قيلت بحوش المريخ
*حيث التوتر والإنفعال
*تتنامي الأحداث في المريخ نمواً سالباً نحو هاوية يستحيل الخروج منها
*السواق الحريف بعرف يمرق كيف من العقبة
*والسواق الأشتر بكبها في العقبة
*الكبة الياها
*وعقبة سوداكال تمثل الإمتحان الحقيقي لسواقين الخلا
*الناس السايقين الناس بالخلا
*المهم
*مؤسف جداً أن تكون المعركة بين (النيل) و (التحرير)
*وهذا ماكنا نخافه ونحاول إبعاده عن مجتمع المريخ
*لكن عقبة المريخ وسواقين الخلا فرضوا ذلك واقعاً في الإستاد والحوش
*وحقو نقيف هنا بشدة
*لأني سمعت بأضاني أمس ما يحزب المعركة ويعنصرها
*ادركوا تلك المعركة
*فمجالس الإدارات في عهد ديمقراطية الحركة الرياضية لا يتم تغييرها بإنقلاب عسكري
*ولى زمن الإنقلابات وتدخلات الطرف التالت
*الكلام ده قلناهو كتييير لكن كلام القصير ما بنسمع
*المهم
*أكتب قبل مباراتنا
*وبعد طيران الهلال
*طيش المجموعة
*هو جنس طيش
*طيش لي بهناك
*وعلى الإخوة الأهلة الشرفاء الإستعداد للمحاولة رقم مية وواحد لمحو الصفر الدولي
*صفر ثقيل ثقالة
*ولايوق
*لاصق في الهلال ده أكتر من لصقة (الهاء) في الهلال
*ده صفر شنو الثقيل ده
*فريق مستقر وسوباط ودولار وتركي وغربال ويطير!
*أمال لو كنتوا عايشين مشاكلنا دي كان جيتوا الكم يا محمد عبد الماجد؟؟؟؟
*المهم
*زي ما قلت أكتب قبل كورتنا
*أتوقعها حلا وحمار
*فمشكلة المريخ ليست فنية
*ولكنها مشكلة إستقرار تسببت فيها عقبة المريخ وسواقين الخلا
*يستخلص المريخ من عقبته ومن سواقين الخلا مع بعض
*فديمقراطية المريخ قادرة على فرض نفسها على من ينكرها ويستنكرها
*ويكفيها فخراً أن من أنكر ٢٠١٩ عاد ليعترف ب٢٠١٩
*بل ويتمسك به
*شوية صبر ويضرب بنا مثل للإعجاب من إستكتر واستنكر ديمقراطيتنا علينا
*انزلوا من بصات سواقين الخلا عشان ما يكبوا بيكم البصات في عقبة المريخ
*واركبوا معنا بص الديمقراطية الثابت الزابط العارف الطريق حفرة حفرة ويدرك كيف يتخطى جميع الحفر في طريقه لمحطته الأخيرة
*معقولة
*فرار وساطور وسكين من جهة
*وعضلات مستأجرة في الجهة الأخرى
*وعكاكيز وده كلو في إستاد المريخ؟؟؟؟؟
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شفت يا والينا
*أعدينا أنفسنا لرمضان سنة كاملة يا أخينا
*سنة جوع
*سنة عطش
*سنة فلس
*سنة لا مويه
*سنة لا كهربا
*سنة صبر جد يا أخينا
*وهو رمضان شنو غير جوع وعطش وسخانة وصبر على ده كلو ويقين يا والينا
*لكن ما تعتمدوا على اليقين اللدينا
*لأنو صبرنا بقى ماشي بجاز المصافي يا أخينا
سلك كهربا
ننساك كيف والكلب قال بمناسبة جاز المصافي..الجاز وين؟؟؟؟؟الجاز دي بتشمل الزول والبترول
وإلى لقاء
اخجلوا انا المجموعه الفيها اجمالى الاهداف المسجله كلهاة21 انت فريقك الماطيش براه ماخد فى مجموعتو ١٥ هدف شدة ما طيش لمن جاى طيش المجموعات كلها اختشو وشوف مشاكلكم حلوها اولا وبعدين اسالوا من الهلال ونتائجو
الحمد لله الذي ارانا فيكم عجائب قدرته حتي يفسد شماتتكم يابني دلقون. ثلاثية حارقة ومشروب فيتا مخلوط بالحنظل وطليق للحنة الفيتاوية افسدت عليكم الشماتة الدلقونية والحمد لله رب العالمين. نحن طيش مجموعتنا لكن الموز ابو نقطة طيش افريقيا قاطبة.
هههههههههه والله يا عمك تنقو انت تحفة. لو نحن طيش المجموعة انت طيش “المجموعات” ومباراتكم الاخيرة اخدتوا فيها 3 مع الرأفة. سؤال اتمنى انو يكون عندك الشجاعة عشان تجاوب عليه بصراحة: كاسك اللي صدعتنا بيهو هل اخدته من الاهلي المصري ولا الترجي التونسي ولا من فريق جزائري ولا مغربي ولا من مازيمبي ولا من فريق من جنوب افريقيا؟
لو انا في مكانك والله ما بفتح خشمي بكلمك لكن صحيح الاختشوا ماتوا.
أخينا صاح سلك ، فصاحتك دي كان تصبر بيها شوية “لبعد تسعة”.بعد نهاية مباراتكم الإنبرشتوا فيها وشربتوا الفيتا للطيش يا أطيش مننا وطيش لي طيش يفرق .الهلال بأربع نقاط وانتوا بنقطتين يبقى الفصاحة في شنوووو!بالله عليكم الله إرتفعوا لمستوى الأحداث شوية وخلوا عصبية الرجرجة والدهماء دي.ألعبوا دوركم التوعوي في الوسط الإخترتوا تعملوا فيه لترقية الحس الرياضي المعافى وروجوا للإخاء والمحبة بدلا عن هذه الطريقة التي تأتي أقرب عواقبها الكارثية مايعيشه المجتمع المريخي هذه الأيام من إنشقاق وتشرذم وتوترات إن انفجرت لن تبقي ولن تذر.
مع خالص الود والتقدير لكم .
عبدالرحمن التوم.
ياود التجاني عمك تنقو واتباعه ينطبق عليهم المثل القائل الحيلة قليلة والخشم بليلة. طياشة دائمة وبعد ده كلو استهتار بسيد بلدهم الذي فتح لهم استاده وستر حالهم من لعب مبارياتهم خارج السودان وبعد ده فصاحة لسان وقلة احسان. والبراميل الفارغة تحدث ضجيجا اكثر.
الشفقة تطير يا عمك تنقو، ومصيبتكم لسانكم طويل وعملكم قليل، والبشوفكم يقول خشيته النهائي بعد ما غلبتوا صن داونز، وبالجد كنا بنتمناكم في المجموعة بتاعتنا عشان كل تتفرتقوا رخ رخ، وسدوكل يشيل رخ والكاهن الأعظم أليخماو يشيل ليهو رخ وباقي الرخات نوزعها على إتحاد أعضاء الفلول 😆😆😆
فعلا كانت حلا وحمار يا تنقو، تلاتة مسامير حنيزات وأحلي رمضانية 😝😝😝
فعلا ود كامل نظرته كانت بعيدة في الصيدة !!
هو كأس الدلاقين دا كأس … أربع مباريات ووصلوا النهائي قابلوا فريق مافي زول سمع بيهو حتى مدربهم وغلبوه بضربة جزاء ظالمة هنا في أم درمان … والفريق النيجيري القابلوه ليوم الليلة ما في زول سمع بيه وين .. وياها المشاركة الوحيدة له في تاريخه ولم يشارك إلى اليوم في بطولة ،،، فصاحة لسان شايلين ليهم شوال أقوان وحايمين بيهو من مطار لمطار .. الاختشوا ماتوا ،،، كان الله في عونكم ،،،
?????????One man shaw al halil
ون مان سو الهليل رش ؟؟؟؟؟؟
القون التالت 4 لاعبين انفردوا بحارس التمهيداب
… في اسرع هجمة مرتدة في تاريخ كرة القدم.
يا عمك تنقو لا الهلال والا المريخ فيهم واحد شال ليهو كأس تابع للاتحاد الافريقى ما تكضب علينا ساى بل بالعكس الهلال هو أفضل منكم لانو وصل إلى المباره النهائيه مرتين فى كأس الابطال.