أضغط نجمة وشيل اللجنة ونفرتنا ماشة مرتابات

0
916

تغريدة واتساب
بقلم : معاذ ابومؤيد
أضغط نجمة وشيل اللجنة
ونفرتنا ماشة مرتابات

الي كل شفوت القروبات
والي كل صفوه ينبض في قلبه حب الكيان
الي كل مريخي انسان
الضياع والتفكيك اسم الفيلم الذي تقوم بانتاجه لجنة تسيير المريخ
وعايزين يهدموا صرح المريخ
بتصرفات لاتمت لادارة كرة القدم باي صفة…
والمنتظر خير ولا منتظر اي فرج قريب عليه تعلم الصبر من مدرب الفريق ايمال !!
والمحتاج يمرض او يتعب نفسه ان يتابع كل يوم تصرفات التسيير
والآن حان وقت الجد والعمل،،،
••••••••••••••••••••••••••
التسيير الان في انتظار نفرات القروبات المالية
ونحن نقول ليكم نحن في انتظار كشف برواتب اللاعبين واستقالتكم مع المرفقات
سنفوت الفرصة عليكم وحتستمر القروبات في الدعم علي ان يتم تسليمها للاعبين امام اعين الاعلام والكميرات،،،
علي كل قروب او اتنين تحضير مبلغ النفرة وتسليمها للاعبي الفريق في يوم يحدد من قبل القروبات،،،
طالما لجنة التسيير رفضت المؤسسيه عليها ان تتقبل تصرفات مؤسسيه القروبات
مللنا من تصرفاتكم الصبيانيه واهمال لاعبي كرة القدم وهي اساس النادي
إهمال مالي
وإهمال الاصابات
لذلك سنراعي انسانيتنا ونراعي حقوق لعيبتنا ،،
سنشرك كبار المريخ في تصرفاتنا وامس الرسالة واضحة من ودالياس،،،
لن ننتظر حتى نسمع انسحاب الفريق من مباراه لعدم توفر المال!!
••••••••••••••••••••••••••
لن نهون حتى يسهل الهوان علينا
كل أعضاءالمجلس رافضين الاستمرارماعدا شخصين او ثلاث يسعون للدمارالشمال !!!
ولو المريخ مسجل تركه في اوراق احد منكم فلتظهروها في الاعلام !!
ونرحل نحن قبل ان ترحلوا انتم!!! لن نرتضي كل يوم انسحاب بعض المشجعين من المشهد الرياضي
ولن ننادي في الفاضي
سنعمل علي ارض الواقع…
وسنثبت للاعبي الفريق والمدرب ان وراهم جمهور في صفهم ،،
سنعمل بمؤسسية المدرجات
وسننجح وسنتفوق علي الادارات،،
••••••••••••••••••••••••••
اتيتم علي غفلة من الزمان لادارة اجمل وافضل كيان ،،
عاملتونا كالاطفال
انتحلتم شخصية افتح ياسمسم ابوابك وحاولتم شغلنا عن الواقع المعاش!!!
لكن هيهات ان تستمر فصول الدراما التركية الطويلة والسخيفة ونحن نرى معشوقنا يضيع من بين ايدينا !!
المريخ كيان،،
في جسد انسان،،
والانسان دا هو الجمهور الفنان،،،
لو تخيلتم لي لحظة انكم تلعبون علي عقولنا سنقولها لكم بالفم المليان
فاتكم القطار
الان كل المدرج واعي وعارف وشايف ضياع الكيان!!!
والمريخ في فراغ اداري الان
اسماءكم فقط موجودة في الخارطة معنا والتاريخ لن ينسى اسواء حقبة هي حقبة اداراتكم للكيان ،،
ستحفر في زاكرتنا مهما حيينا،،،
••••••••••••••••••••••••••
ختاما
وداعا ياظلام الهم
وداعا لكم ولكن قبل الرحيل سيكون هناك جرد حساب!!!
••••••••••••••••••••••••••
ونحن علي المدرج ندعم ونشجع ونتفرج وسوف ندير الكيان من مالنا الخاص ومن المدرجات ،،
وسنتفوق علي الجميع في ادارة الملفات ،،
المريخ عشق وانتماء وحياة
لن نكون في حالة استرخاء ونحن نشوف كل مااسس من اعوام سابقة يذهب مع الرياح!!
دمار مع سبق الاصرار والترصد
انتو مفتكرين إدارة المريخ لعب عيااااال!!!
شفوت المدرجات لابد من جمع مال المرتبات
والمريخ سيسير ولن نتوقف في محطة التسيير !!
اجبرنا الزمن علي ان ننصرف من التشجيع للتمويل !!
شفوت المدرج المرحلة القادمة تطلب وقفتنا خلف فريق الكرة فقط من دعم وتشجيع ،،،
لن يذهب جنية واحد للادارة لانو الشغله بقت حسادة وثقالة وعدم احساس !!
••••••••••••••••••••••••••
همسة اخيرة
كبار المريخ المدرج الان في انتظاركم والمريخ الكيان في انتظاركم !!
كبار المريخ ليس ود الياس وحده
اظهروا الان !!!
لن نقفز من مركب المريخ
البنطو هم من ركبوا غلط في مركبنا!!
سيقفزون بكل استحياء!!
لانهم سيكون مغصوب عليهم!!
المريخ وطن شاااامخ،،،؟
وطن عاااااتي ،،،
وطن بنريدوا يوماااااااااتي،،،
من همة علي الكيان فل يقف دراعا واقي له
المريخ الان في قمة الفراغ الاداري!!

ومن اراد خلق الفتن وتدمير الكيان انزل في اقرب محطة عشان مانعريك امام الشارع العام !!
والناس المزروعه في القروبات للتطبيل لمجلس التسيير انتم مكشوفين يااحباب!!
التجمع مسيطر علي عقولكم ياشباب!!
••••••••••••••••••••••••••
خارج النص
لن تسير وحدك يامريخ ونحن نتفرج علي الطعنات الموجهة لجسدك من اعضاء لجنة التسيير
ستنهض طالما هناك شفوت عاشقين
ستقيف علي قدميك ولن نواجهه المستحيل
سنغير الواقع وسترون ذلك بالحكمة والعقل وليس بالواتساب والتنديد فقط !!!!!
مركب المريخ يسع فقط للحبايب والمريدين والمحبين للنجمه وشعارها الاحمر والاصفر،،،،
ارحلوا بهدؤ لانو مجتمعنا مجتمع صفوي،،،،
ادارة كرة القدم عايزة صرف وانتم محتاجين الدعم !!
كل القروبات غيرت صورة البروفايل برحيلكم !!
عمرها ماحصلت في مجتمعنا الصفوي!!
ودعوات للتجمع في النادي!!
ياناس التجمع ريحتكم فاحت وجابت التهابات للانووف!!
#الرسالة واضحة #
(اضغط نجمة وشيل اللجنة)
ورسالة لشفوت القروبات في ناس التطبيل المنتشرين وناس معسول الكلام!!!
••••••••••••••••••••••••••

 

تغريدة واتساب

المشاركة

أكتب رد

أدخل تعليقك من فضلك!
أدخل إسمك هنا من فضلك