ابا خليفة

في السلك

بابكر سلك

ابا خليفة

*خرجنا امام اهلي الخرتوم
*وده مابعني اننا سنخرج امام اهلي ليبيا
*تحضرني قصة عن الخليفة عبدالله رضي الله عنه
*كان رجلا شرسا وذكيا وفطنا
*يروي الناس عنه قصصا كتيرة
*منها ان احد المقربين قال ليهو
*ماشاء الله ابا خليفة كل الناس تخاف منو
*الخليفة قال ليهو ماكل الناس تخاف من ابا خليفة
*في ناس تخاف من ابا خليفة ماتخاف من الله
*وفي ناس تخاف من الله ماتخاف من ابا خليفة
*،وفي ناس لاتخاف من الله(العياذ بالله)ولاتخاف من ابا خليفة
*ونوريك
*امشي لي فلان قول ليهو ابا خليفة قال ليك تعال اسي
*صاحبنا مشي وجا معاهو فلان النادوهو
*الخليفه قال ليهو لقيتو بعمل في شنو؟
*قال ليهو لقيتو بتوضا
*الخليفة عاين لي (كرعين ) الزول لقي واحدة غبشة
*مالحق يتم وضوهو
*قال لي صاحبنا ده يخاف ابا خليفه مايخاف الله
*امشي نادي فلان
*الراجل مشي وجا
*قال للخليفة فلان قال ليك يتوضا ويصلي ركعتين ويجيك
*الخليفه قال ليهو ده يخاف الله مايخاف ابا خليفه
*امشي نادي لي فلان
*الراجل مشي وجا راجع براهو
*قال للخليفه لقيتو بشرب في مريسة كلمتو قال لي امشي لي ابا خليفه قول ليهو فلان قال ليك كان ما كملت مريستي ده مابجيك
*الخليفة قال ليهو اها ده لابخاف آلله لابخاف ابا خليفه
*علي هذه الطريقة
*واحد بعد طرنا من اهلي الخرطوم قال
*سبحان الله
*عندنا رئيس بشيل كاس السودان
*ورئيس بشيل الممتاز
*ورئيس لابخاف ابا خليفه ولا…
*لاممتاز ولاسودان
*رحم الله الخليفة عبدالله التعايشي الذي ادار الدولة بمركزية بدون اجهزة تسنط ولا ميديا ولا تلفونات
*المهم
*لاتجعلوا الخروج من كأس السودان مخرجا من البطولة الافريقية
*اجعلوا منه دافعا لتخطي المرحلة القادمة
*ننتقم من اهلي الخرطوم في شخص اهلي ليبيا
*لا تجعلوا الاحباط يصيبكم
*فالتاريخ سيحفظ للكيان التأهل او السقوط
*وستتساقط الاسباب من صفحاته
*وتبقي الحقيقة الوحيدة
*تأهل او خروج
*التحية لمرتضي بتري
*مرتضي يعد في الجماهير كاسلحة للمعركة برغم الوضع المحبط
*لان مرتضي يقتنع بان الجمهور يستطيع ان يؤهل المريخ لمرحلة جديدة افريقيا
*وان الشفوت لايمنون علي الكيان باذي ولا يتمشدقون بما دفعوا
*لانهم اولاد الكيان ومريدين بصوفية عميقة ينسون لاجلها ذواتهم ويعترفون بذات العقيدة فقط
*ايها الناس
*ان تنصروا الله ينصركم
*اها
*نجي لي شمارات والي الخرتوم
*المولد جانا يا والينا
*ودعينا ودعينا ودعينا
*عارف علي منو يا اخينا؟؟؟
سلك كهربا
ننساك كيف والكلب قال لاممتاز لاسودان ابا خليفة؟؟؟
والي لقاء
سلك