اتنشطي

6
1059

في السلك

بابكر سلك

* يوم النكسة كانت لياقتنا البدنية متدنيه
* وساعد علي ذلك نشاط لاعبو الهلال الزائد والغير طبيعي
* قد يكون اعدادهم النفسي هو سبب النشاط الغير عادي
* وقد يكون خوفهم من الشطب الجماعي هو السبب
* وقد تكون قناعتهم بالفارق الكبير بين امكانيات ناسنا الفنية وبين الفاقد الفني العندهم هي سبب النشاط الغير طبيعي
* واسباب النشاط كثيرة
* تؤخذ دوما في شكل جرعات
* سواء كانت نفسيه او بدنية او او او
* المهم ان النشاط يكتسب باي وسيلة من وسائل التنشيط المتاحه وفي شكل جرعات
* عمك بشة يظهر عليهو لم يتحمل الجرعه التنشيطية ايا كانت نفسيه ام بدنية ام ام ام
* فسقط كثيرا طالبا التدخل الطبي
* وبالذات لما وقع في التش وقعت برج التجارة
* اتكوم في الشافع زي الجد لما يقع في حفيدو الكان قايدو في الشارع
* لكن ظهر ذلك النشاط جليا في الجري الجراهو الحاج كاريكا
* وفي حوامة الطاهر الحاج والتحاماته وهو الذي عرف بالضعف في الالتحام بل وتفادي الالتحام
* ايها الناس
* اسباب الخسارة كتيييرة
* اولها نحنا ما عرفنا انو ما خاب من استشار
* فحضر الهلال بكونسلت فني كامل اكتر من عدد اللاعبين
* وحضرنا نحنا بمدرب واااحد لا مساعد له ولا شورة ولا مشورة ولا يحزنون
* ففقدنا السيطرة علي الوسط بالاصرار علي امير التقيل والتكت الغير مركز كمحاور
* وتوهنا السماني بين هذا وذاك
* وزدنا الطين بله باخراج واحد من الوسط المتهالك لندخل مهاجم
* لو في شورة مابحصل كده
* صحيح نحنا مامدربين
* لكن شقينا المقابر
* تقلة امير وعدم تركيز التكت كان بغطيهو رمضان بالحركة الدؤوبه
* جينا ختينا رمضان طرف لنكشف عن عورة بطء امير وعدم تركيز التكت
* عدم الشورة كعب شديد
* ومن الاسباب عدم وجود الاعداد النفسي اللازم
* غير امير و رمضان وجمال وبكري وعلاء (المتهالك ) ما كان عندنا زول عندو خبرة في النهائيات
* لذا كان الاعداد النفسي والتهيئة مهمة
* غفلنا عنها لاننا انشغلنا بسوداكال و مشاكله وكاس السد وكوارثه وفتح البلاغات في بعضنا البعض
* ايها الناس
* الخطأ اصلو ماعيب اذا الناس استفادت منو
* فهل تركنا الفارغة و التبعية للافراد التي تفرقنا وتفرغنا لنمارس عشقا نبيلا للكيان ???
* المهم
* امامنا تنافس لسه
* الانفعال سيقونا لخسارته مثلما خسرنا الممتاز
* التعقل والاستفادة من التجارب والشورة هي اسباب انتصارات ننتظرها لتمحو عار الخسارة من فريق ضعيف لا مبرر لها مهما كانت الاسباب
* ايها الناس
* ظهر الانسجام علي دفاعنا في وجود باسكال الذي نعتقد انه اصبح ركيزة دفاعيه هامه في عهد محمد موسي
* فقدنا باسكال لانه يطالبنا بمتأخرات عجز المجلس عن توفيرها له وطال انتظاره لها
* فطال انتظارنا ليلة السبت
* وان كان جمال يا جماعة سوداكال يسدد متأخرات وارقو
* وينحصر دور المجلس في توقيع قريش علي المخالصة
* وان سافر باسكال بسبب المتأخرات التي عجزتم عن سدادها
* ويفترض ان يسددها جمال
* تاعبين روحكم ومرشحين انفسكم في شنوووو?
* كان تخلونا نقفل النادي لما جمال يرتاح ويجي يواصل نواصل
* قلتوا جرجيركم بالكونتينرات
* لاشفنا جرجير ولاسيد الجرجير
* قلتوا جيتوا تخرجوا النادي من الجيوب
* ادخلتوه في متاهات
* لا استطعتم لم الشمل واستقطاب الدعومات
* لا دفعتوا انتوا
* ولا شرعتوا في استثمار
* برغم اننا ايدناكم وبايعناكم لقيادة السفينه
* علي الاقل يكسب المريخ كوادر جديده وخيارات عديدة لادارته والتحليق به في فضاءات ارحب
* ولكن يا خوفي من غد
* لن اتحدث عن ضلمة الجوهرة الفالقننا بيها
* المصور محتاج يصور بفلاش
* لكن غمتونا في الضلمة
* وقال كراسي قال
* خمسة صفوف زي كراسي ست الشاي
* والزول الصورتوهوا قلتوا بكسر في الكراس انا قابلتو
* حلف لي بالتقطعو قال ما كان بكسر في الكراسي
* كان بكتل في الجقور
* واتنشطي
* ايها الناس
* تدهور مردود السماني شديييد
* ممكن نعيرك يا كابتن لما يقوي عودك
* بنوديك لمكان تحبه ولا تشعر بالغربة فيه
* رايك شنو نعيرك للديم وسط يا نجم ??
* العب ليهم بالجمبه دي
* الجمبه الشمال
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* زمااان ايام طلع البترول من بير ودخل في بير اعمق يا والينا
* قاعدين نتغدا كاسرة كلنا الغدا لامينا
*قلنا لي خالاتنا البترول طلع جد لينا
* قالت بترول ماشفتو في صينيتي دي غمست فيهو رغيفتي ما طلع ابدا لينا
* اها دحين يا والينا
* سياسات ما خلت جنيهنا يجيب علي الاقل دولار زينه في زينه
* تبقي سياسات ما اتعملت لينا
سلك كهربا
ننساك كيف والكلب قال جابت ليها شلب كمان !!!!
والي لقاء
سلك
* ايها الناس
* ايهم احق بالجلوس في الكنبة
* اسد وشمس الدين ام خالد وهيثم ??
* طيب ليييييه

حمل تطبيق كورة سودانية لتصفح أسرع وأسهل

 لزوارنا من السودان متجر موبايل1

http://www.1mobile.com/net.koorasudan.app-2451076.html

3,699 حملو التطبيق

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app

13230 حملو التطبيق

على متجر   mobogenie

 http://www.mobogenie.com/download-net.koorasudan.app-3573651.html

5000+ حملوا التطبيق

المشاركة

6 تعليقات

  1. ههههههههههههههههه ده آخر ما إتوصلتوا ليهو ياعمك تنقو ؟ دي شكلها آخر توصيات المرشد العام للجماعة وبخبثه وهيئتة البشمئز منها الحمار التتبلاوي ممكن يقول أي حاجة ويخليكم إنتوا ماشين وراهو زي حمير الحطاب !!
    بس الناس البتشتغل بالحاجات دي معروفة ومن أيام العجوز غرزتة والفيتامينات الفرنسية الكان بجيبها ليكم، أما عمك سيما فالظاهر هو الجرعة كانت عليهو قوية لمن هدته وبقي لافي صينية وماقادر يحرك رجلينه، وبعد يومين تلاتة الولد الزجاجي المفعول بتاع حلاوة حربة الفرنسية الخلاهو من مصاحب لكنبة الإحتياطي بقي هداف الدوري ويعنفط زي حصان السبق، بكمل وبيلحق عمك بجري المدينة الشعره من كمية الحلاوة الفرنسية إتساقط كلو وفضلن فيهو شعيرات بسيطة !!
    الظاهر إنو مالقيتو مدخل للتحكيم ولا للتنجيم وعشان إنقطعت منكم ضربات الجزاء ام هلا كبلا ضربتكم وفقدتوا المنطق، وعمك أبودليبة ماقدر ينجر ليكم حاجة في التحكيم ولا يطلع ليكم ضربة جزاء وهمية ماحسبوها للمرخرخ، عشان كدة أموركم جاطت وراسكم ضرب………………
    المرخرخ بدون حلاوة حربة فرنسية ياهو ده مستواهو ومايقدر يغلب توتي، والظاهر عليهو نفخة الإعلام التحريضي السالب أوهمتهم إنو هزيمة الهلال سيد البلد ما محتاج ياخدوا ليها حلاوة حربة الفرنسية وصدق من قال، الفيك بدر بيهو هههههههههههههههههه
    لكمة أخيرة: الغلب حااااااااااااااااااااااار واااااااااااااااااااااااااااااااااااااااااااااااااااااااي
    تنقو شراب البنقو

  2. كدى قوم اتنشط شوف المخربين دافع عنهم يمكن المرو دى فى شندى يا العنكوليبة

  3. الجرعات دي شفناها بيان بالعمل عند ناس علاء الدين وايداهور يا سلك
    والزول القال ليك منت بكتل في الجقور شايفك مشيت ليهو في المحكمة يا سلك
    قلت لي اهلي شندي كيف

  4. التلاتة نيسانات المن شندي جن قايمات ووووووووووووووووووب علي انا
    هضربة شديدة

  5. طالما أن هذا الذي نقرأه هو مما لايزال يقال عنه نقد كروي .. سوف نقرأ العجب العجاب .. إنه بداية طوفان السقوط في الهاوية .. كاتب لا يخجل بدلاً من أن يحلل أداء الفريقين ونستفيد من نقده لماذا أنتصر الهلال ولماذا إنهزم المريخ .. راح يغالط ما ينادي به في مقاله .. قال : اتركوا تبعية ألأفراد .. وفي ذات الوقت يسخر من مجلس إدارة المريخ ويقول إذا ما عندكم مال لماذا أتيتم .. ليتك تركت التعليق على المباراة وطالبت بأن يكون نادي المريخ مثله مثل الأندية الكبرى في الوطن العربي بأن يفتح باب التسجيل للعضوية وبقيمة تمكن الملايين من مريديه من دفع رسم الإشتراك .. وأن يفعل الهلال ذات الطريقة .. سيكون لدينا مليارات في خزينة الفريقين ولن نحتاج إلى تبعية الأفراد ولن نكون قوم تُبّع والأهم لن نجد مثل هذه المهاترات في الإعلام الرياضي

  6. انت عارف سبب هزائمكم العنجهية بتاعتكم دي مستحيل يعني تنهزموا من غير حكم او منشطات لانكم فريق من سابع المستحيل ينهزم في الظروف الطبيعية ياعم ركوا على الارض والجايكم اسوا والله الواحد متكيف لانكم سببتو لجماهير المريخ النكبات والسكر والضغط قبل كل مباراة بانكم منتصرين وبعدد من الاهداف لذلك انتم سبب نكبة المريخ لازم تحاكموا في ميدان عام انت وامثالك يانفاخين ارحموا المريخ وجماهير المريخ

أكتب رد

أدخل تعليقك من فضلك!
أدخل إسمك هنا من فضلك