اسباب الخلاف وهاجس الاختلاف

1
394

في السلك

بابكر سلك

* ايها الناس
* هوووووووي
* المرحلة حرجه والمنعرج خطير
* زرعنا ثمار فريق البطولات بعد محاولات اعادة للبناء استمرت سنينا كلفت الكيان مليارات متلتله كلها اتت من جيوب افراد منا من الله عليهم بنعمائة ومتعهم بنعمة عشق الكيان فاعطوا ومابخلوا
* شاركت الجماهير الكادحة في مسيرة البناء بالصبر والالتفاف حول المجالس المتعاقبة وبالدعم المادي بالدخل الملياري
* بدعم القروبات المتصل والمشرف
* باسهامات روابط الخارج المهولة والمقدرة
* بدعومات الاقطاب ودعم الاحباب
* بكل ذلك وبعد عناء وضعنا حجر الاساس لفريق بطولات شاهق وجميل
* ده الاسكليتون
* الموضوع داير تشطيب
* والتشطيب حاااار ومكلف
* ويجب ان يكون التشطيب ديلوكس
* ماتقفيل ساكت
* وكي يكون الامر كذلك
* وكي نحافظ علي الاسكليتون
* علينا ان نبذل المال مدرارا عشان ندعم فريقنا بالمحليين و الاجانب البكملوا الصورة وينادوا العصفورة لتقابلنا بالمطار
* ايها الناس
* عيب الذاد ولا عيب سيدو
* عيب الذاد ولا عيب الذات
* المريخ في انتظار اسهاماتنا
* وحقو الوالي يعلن ضربة البداية ليفتح الباب امام الجميع
* نعلم بان هناك اسباب خلاف بين الوالي وبعض اعضاء المجلس الحالي
* ولكن ليس هناك هاجس خلاف بالطبع
* نختلف في المريخ ولا نختلف عليه
* والوالي اكبر من مثل هكذا ردود افعال
* وحتي اعضاء المجلس الحالي فتحوا ايديهم واحضانهم للجميع متناسين صغائر الماضي
* ايها الناس
* خلونا قدر المرحلة ولاتتركوا المرحلة للقوة المالية الضاربة تضرب بها وبنا عرض الحائط
* المجلس ده ماديا لا قبل له بمتطلبات المرحله
* فقوة مجلسنا المالية (ضاربه )
* ولكن قوة ارتباطنا بالكيان تجعل من المريخ قوة مالية ضاربة في التسجيلات كما عودنا دائما
* ايها الناس
* صدي صوت هاشم الزبير يداعبنا
* مرييييخنا
* قووووووة
* وقوة مالية ضاربة كمان
* ايها الناس
* المرحلة حرجة جدا
* لا تتحمل تأخير ولا تحتمل
* فحتي مفاوضة اللاعبين تحتاج لكاش يقلل النقاش
* وماممكن طبعا نبدا مفاوضاتنا مع من نريد ضمهم بعد ان يقفل الموسم
* عشان كده الدعم لازم يكون الآن
* لا نستنفر احد
* ولانحرض رابطة
* ولانحث قطب
* ولا نستجدي القروبات
* فمريخية الناس تدفعهم ذاتيا للاسراع في الاسهام الفوري والمقدر والناجع نجاحا في هذه المرحلة
* المهم
* مالو اعياهو النضال بدني
* في ود مدني
* الحضري و المدني
* نشيد ابدع فيه ابو الامين
* حايكون لسان حال الجماعه في اليومين دي اصبروا بس
* مدني يا عمك
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* رفع الحظر زاد المعاناه الفينا
* قولوا لي امريكا يا تدينا
* وما تلم جدادها علينا
* او ترجع لينا حظرنا يا والينا
سلك كهربا
ننساك كيف والكلب قال الحديث عن رفع المعاناه برفع سعر الدولار… تكون المعاناه هي الدولار يا اخوانا ولا شنو !!!
والي لقاء
سلك

حمل تطبيق كورة سودانية لتصفح أسرع وأسهل

 لزوارنا من السودان متجر موبايل1

http://www.1mobile.com/net.koorasudan.app-2451076.html

3,699 حملو التطبيق

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app

13230 حملو التطبيق

على متجر   mobogenie

 http://www.mobogenie.com/download-net.koorasudan.app-3573651.html

5000+ حملوا التطبيق

المشاركة

1 تعليق

  1. (والوالي اكبر من مثل هكذا ردود افعال ) !!!! الصحيح هو : والوالي اكبر من مثل ردود افعال كهذه .
    عليك الله اعفينا من كلمة ( هكذا ) فهي لغويا خطأ , كفاية علينا الزلمات والشوام في القنوات الفضائية طلعوا عينا بيها .
    الله يرحم والديك

أكتب رد

أدخل تعليقك من فضلك!
أدخل إسمك هنا من فضلك