صحيفة كورة سودانية الإلكترونية

استقالتك مقبولة

8
مشاركة \ السيد احمد

جاء في نشرة قناة بين اسبورت وعلي لسان مدرب المنتخب الوطني محمد عبد الله مازدا بعد فضيحة الجابون والهزيمة باربعة اهداف نظيفة انه قد قام بتقديم استقالته قبل السفر مع الفريق 

بالله
ومالك 
فاض بيك ؟
قلت لي الاهتمام منصب نحو الهلال والمريخ ؟ 
ياداااب تعرف؟
الكلام ده من زمان انت كنت راضي بيهو . 
الجديد شنو ؟
وفي مدرب منتخب بجتمع مع مدربي لاعبينهو؟
تجتمع بغارزيتو لية ؟ 
ويديك 6 لاعبين بس ليه ؟
وين علاء الدين يوسف وين بكري المدينة 
والفرض عليك المعز محجوب منو ؟ 
في حراس احسن منو في الدوري الممتاز 
وتجتمع مع الكوكي ليه ؟
ويديك 3 لاعبين يمشو منهم 2 ليه ؟
وين بشه وين كاريكا وين الشغيل وين مساوي 
وين  ووين
انت رضيت بي كده من الاول 
لو اصريت علي رايك ورفضت السفر الناس كان بعزروك
رغم اننا والكثير من محبي الكرة السودانية طالبوا بالتغيير
المنتخب تحت قيادتك اصبح خصم علي الكرة السودانية
هناك كثير من المدربين الوطنيين يمكنهم قيادة الفريق
مبارك سلمان
الديبة 
فاروق جبرة
شرف الدين احمد موسي
ادو الشباب فرصة 
ادو اصحاب الشخصيات القوية فرصة
لا تعتمدوا علي لاعبي الهلال والمريخ فقط
السودان زاخر بالمواهب والقيادات لا تغلقوا حتي التدريب علي الهلال والمريخ
خالد بخيت مساعد في الهلال ومساعد في المنتخب
محسن سيد مساعد في الاولمبي ومساعد في المريخ 
الكفاءات السودانية كملت ؟
مشاركة اخيرة : قطر عجيب 
 
 
 المعز - مازدا
قد يعجبك أيضا
تعليق 1
  1. عثمان احمد يقول

    السيد أحمد .هل انت ملم بالقضيه كامله .. ماظنيت .. المشكله مافي مازدا.المشكله الكبري في الاتحاد ماشغال بي المنتخب .. لو جبت مورينهو مابحلنا ..

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد