صحيفة كورة سودانية الإلكترونية

اطمأنينا علي سانت جورج

3٬802

في السلك

بابكر سلك

اطمأنينا علي سانت جورج

*ولاننا ننظر دائما للجزء الملئ من الكوب
*خرجنا من وديتنا ضد سانت جورج
*مطمئنين علي سانت جورج
*هي اعداد ونحن في اول عتباته
*وسانت جورج فات المرحلة دي زمان
*وجه اطمئناننا علي سانت جورج
*تمثل في سرعة اداء الاحباش
*طيارات بس
*الحبش ديل الا حجارة من سجيل
*لكن حجارة ام در مابتسوي ليهم شي
*كنترول واداء جماعي
*تكتيك زي مكنة العربية
*يطلعن بستمين ينزلن البستمين التانيات
*يفتحن بلفين عادم
*ويقفلن بلفين بنزين
*ويفتحن التانيات وتنطلق السيارة
*في جماعة كدة حايشوفوا انطلاقة صاح
*انطلاقة حبش من امها
*ويمتاز اشقاؤنا الحبش بتلك الانطلاقات والسرعات الخيالية
*اسألوا ناس اتحاد العاب القوي وناس المارثون
*ويايوم بكرة ماتسرع تخفف ليا نار وجدي
*ايها الناس
*الاعداد بتدرج
*من فرق ضعيفة لمتوسطة لقوية
*وقصة نبدأ مع مع فريق قوي دي غير علمية
*وحقو كان نكلم الغرايري نقول ليهو قبل كدة لعبنا ضد بايرن ميونخ وشالكا في الاعداد
*وجينا طرنا من التمهيدي في استاد الخرطوم بالهزيمة من الفريق اليوغندي اتنين
*لكن نحنا مابنعرف اكتر من الحكومة
*وقد يكون سبب الخسارة الحبية هو غياب العناصر الاساسية مع المنتخب
*وقد يكون اي شي
*الا الطيران من التمهيدي
*كلموا التونسي ده بالكلام
*ولا اعني بالتونسي الغرايري ولا النفطي
*ولكني اعني الطرف الطويل ده اقصد الطرف اليمين ده
*المهم
*كسبنا استئناف تيري
*وكسبنا استئناف فاركو
*وفي الطريق استئناف الصيني وقروش العليقي
*وده في حد ذاتو احسن استثمار في اللاعبين وافيد طريق لاموال (المتلاعبين) والمستفيد اولا واخيرا المريخ
*ايها الناس
*أثق لي جهازنا الفني وفي امكانيات اولادنا
*وكلي ثقة بالفريق الجيبوتي
*ولعل القرعة السنة دي مافيها(شطة)
*عشان كدة في ناس كدة بدت ليهم بالعضم
*تخليهو تموت بالجوع
*تاكلو تخنق
*ولعل التمهيدي في هذا العام سيعلن مبكرا عن المحاولة رقم مية
*عامل كيف
*مييييية
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت ياوالينا
*حكومتك ولا شغاله بينا
*لابنكك نحنا من ناسو ولاتنكك في زول بدينا
سلك كهربا
ننساك كيف والكلب قال اسي الضبان الكتير ده يعيش كيف مع فلسكم ده؟؟؟؟
والي لقاء
سلك

قد يعجبك أيضا
10 تعليقات
  1. Osama يقول

    سائل الله يديكم قدر نيتكم و ما اتفاق العتبة ببعيد

  2. عباس يقول

    ههههه تاني بتطير بي وارد الخرتوم مالك كبرت ولا مهيمن علي الدوري الممتاز قيل ده طرتا من بونامويا في سيكافا

  3. عباس يقول

    سانت جورج لو بني علي الثلاثه اللي اكلتها في شوط وظن انه الهلال زي الاصيفر حا ياكلها رايح جاي لانه وارد الخرتوم ماممكن تبني عليه

  4. Hajjam يقول

    احقادكم سترتد عليكم باذن الله وكعادتكم مؤامرات ودسائس ضد الهلال سيد بلدكم القاطركم معاه بصحبة راكب للعب مع الابطال. نحن عارفنكم غرضكم من معسكر اثيوبيا هو لتجهيز سانت جورج وليس لتجهيز وصيفنا الدلقوني وان شاء الله بسبب احقادكم طايرين من التمهيدي كعادتكم دائما وابدا. تدمير الهلال عندكم اهم من تعمير الوصيف وان شاء الله يجعل كيدكم في نحوركم باذن الله.

  5. احمد التجاني يقول

    دة اصدق عنوان تختاره وهو تعبير حقيقي عما تتمناه وما يتمناه غيرك من المريخاب اللي يتمنوا هزيمة الهلال اكثر من فوز فريقهم الهلكان. تغزل في سان جورج زي ما عاوز لكن نشوفه حيعمل شنو قدام الهلال العظيم والايام بيننا.

    زي ما قلت ليك قبل كدة مافي شىء حينفعنا في الدنيا غير “نواياكم الطيبة”.

  6. Hajjam يقول

    سانت جورج ده ياعمنا تنقو أبو الاحقاد بخوفوكم بيهو انتم. هل تذكر الهزيمة التاريخية والتي وصفت بانها اثقل هزيمة لفريق سوداني. هي كانت من سانت جورج تسعة اهداف في شباك الوصيف الواهن الضعيف لذلك بخوفوكم بيهو انتو والضايق عضة الدبيب بخاف من جر الحبل عشان كده بهدلكم بثلاثية ولولا الكفالة لاعاد عليكم التساعية. اما سيد بلدكم لم يتبهدل من سانت جورج سوي وديا او رسميا علي مر تاريخه.

  7. أسامه دنقلاوي يقول

    يا أبو سلك ( عريان ) أنته خليك ماسك في ( سانت ) قوي وخلي لينا ( جورج ) لأنك انشاء الله حتلعب في ( دارا ) انشاء الله ماتغرق في ( بحرا ) لمن تلاقي ( سولار ) أنته عارف معناها شنو ( الطاقة الشمسية ) وخليكم ماشين في خط ( الخيانه ) يابتاعين الاهلي المصري وسوق ( العتبه ) وابقه مارق

  8. احمد التجاني يقول

    في مقاله السابق حاول سلك الإيحاء وبشكل خبيث بإن الهلال بقى اشبه بمنتخب افريقيا. ودة مؤشر من الآن للإستراتيجية اللي حيعتمدها اذا ما حقق الهلال اى انجازات بمحاولة نسب تلك الانجازات لاجانب الهلال وليس لالاعبي الهلال الوطنيين وكأن فريقه ليس فيه محترف واحد. وقد رديت عليه بإنه الهلال سبق ووصل نهائي كأس افريقيا مرتين وقارع كبار القارة حتى الرمق الاخير ولم ينل البطولة بفعل فاعل كما يعلم الجميع ولكن لا غرابة في ذلك فمن يمتلىء قلبه بالحقد لا ينفع معه إلا الردم في الملعب من جانب ابطال الهلال وعلى صحيفتنا المحترمة “كورة سودانية” ونحن له ولكل متطاول على الهلال بالمرصاد. والقافلة تسير

  9. احمد التجاني يقول

    وصل الهلال النهائي مرتين بدون محترفين واذا عملها في السابق فما الذي يمنعه من ان يفعلها مرة اخرى بالوطنيين والمحترفين؟

  10. Bakooo يقول

    صخفي

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد