الجهاز الفني للهلال يؤكد عدم التفريط مجدداً
إتفق ثنائي الجهاز الفني للهلال بقيادة الكابتن خالد بخيت المدير الفني ومحمد الفاتح حجازي المدرب المساعد على عدم التفريط في النقاط من جديد خلال المرحلة القادمة لمنافسة الدوري الممتاز بالرغم من صعوبة المهمة .. حيث أشاروا أن الهلال يستهدف لقب الممتاز ويخطط لتحقيق الإنتصارات في المباريات القادمة بداية من لقاء هلال التبلدي مساء السبت القادم بأم درمان.
لامن كنتوا بتمارسوا تدريبكم بدون تصريحات ونقة نتائجكم كانت مية المية …
لكن هسي كيسكم بقى فاضي وعاوزين تتموهو كلام نقة وتصريحات في الفارغة …
وأعتقد أنكما قدمتما آخر ما كنتما تمتلكاته من فكر تدريبي بمبارة الأهلي عطبرة ونتائج ما بعد ذلك واضحة.
يا زنطور ما تظلم خالد وحجازي الانتهازي ساي حرام عليك والله …. قول لي الحقيقة رغم مرارتها… اسي اوتارا وجزار الدمازين و السموأل وبويا وبشة وكاريكا وحمد موسى وشلش وكل انصاف المواهب دي لو جبت ليهم زيدان وللا مورينهو بيقدروا يعملوا اكتر من العملوه خالد بخيت وحجازي الانتهازي ؟؟؟؟ في ذمتك يا زنطري قول الحقيقة حتى لو بينك وبين نفسك… فريق منتهي وصل للنقطة 63 بالدفرة والحمدلله أن كل المباريات منقولة وموثقة … يا زطوري يا اخوي جلفوط البلد منتهي راقد رز … تعباااااااااااااااااااااااااااااااااااااااااان شديييييييييييييييييييييييييييييييييد فما تظلم المدرب ساي… اسي هو بقول كلامو دة لشحذ الهمم لأنه تاني اهداف مجاني تاني مافي بعد جية شداد دي .. وأي هدف يدخل مرمى الجلفوط اكيد محسوب … وبلوا راسكم
لو الحكاية اكياس ممكن ترجع تتملى من جديد فما داعى للمبالغات والصيد فى الماء العكر والدورى هذا حاله وفى اكبر دوريات العالم ارجو ان نرتقى يا صفوة