صحيفة كورة سودانية الإلكترونية

الحركة الأمس دي سميناها (رضا الوالدين) !!

2٬339

قزاز ورذاذ
محمد الطيب الأمين
الحركة الأمس دي سميناها (رضا الوالدين)
!!

* أي زول داير يتزوج في هذه الأيام ممكن يشيل معاهو تمريرة نصر الدين الشغيل في (الشيلة).
* شيل المأكولات والملابس والريحة و(تمريرة الشغيل) .
* أهل العروس سيتركون كل شيء في الشيلة وسيتحدثون عن تمريرة الشغيل.
* الشغيل عمل (غمزة) لفارس داخل خط ال(١٨) إسمها (رضا الوالدين).
* إحنا وأولاد حلتنا أطلقنا على تمريرة الشغيل إسم (رضا الوالدين).
* وقون ياسر مزمل سميناهو (عافي منك وراضي عنك).
* وهدف الغربال الشهير ب(لو رجعت السودان ما بلعب إلا للمريخ) ، هدف الغربال سميناهو (المكون العسكري).
* أما الأخ غير الشقيق اباذر ميسي فهو (9 طويلة) عديل.
* اباذر عمل أي حاجة في أولاد سوداكال.
* أو قول (أولاد حازم) .
* عليك الله ده هسه حال فريق عندو (رئيسين و٢٢ عضو مجلس إدارة)؟
* عدد أفراد مجلسي الإدارة في المريخ يوازي عدد اللاعبين بكشف الفريق.
* قصاد كل لاعب إداري.
* ونجيلة ما عندهم.
* تشوف حركات العجوز بكري المدينة تحلف تقول عندهم نجيلة.
* ما بدر من بكري المدنية غير مستغرب إذا كان مجلس الإدارة نفسه شغال (بونية وشلوت وطبنجة وبلاغات).
* ما بدر من (بكوري) عادي بالنسبة لفريق ما معروف رئيسه منو.
* كونو بكري المدينة (يتلفظ بس) دي ذاتا حاجة كويسة.
* أنا اتوقعت بكري المدينة يدخل الملعب وشايل معاهو (مطوة).
* مع وضع البلد ده تتوقع أي حاجة.
* الجاكومي شايل طبنجة ولذلك توقعت صلاح نمر يجي شايل لينا (سكين).
* عموماً بنقول لسوداكال الرئيس المنتخب هارد لك.
* وبنبارك لجماهير الهلال الوفية الدوري والقمة.
* ودون شك كان هذا الموسم مميزاً للهلال.
* موسم تحققت فيه أرقام كبيرة جداً وحفل بالمكاسب.
* (٧٩) نقطة وخسارة واحدة.
* أفضل خط دفاع في الدوري.
* أفضل هجوم (٧٩) هدف.
* هداف الدوري محمد عبد الرحمن (29) هدف.
* غربال لأي زول.
* فحم لأي لحم.
* وأعتقد أن نجم الموسم هو محمد عبد الرحمن.
* الغربال نجماً للموسم يشاركه النجومية محمد أحمد ارنق وفارس عبد الله وروفا .
* الحمدلله نجح الهلال هذا الموسم رغم أن لجان الإتحاد المريخية كانت تريد عكس ذلك.
* ما تسمع كلام إنو الإتحاد العام ضد المريخ.
* العكس هو الصحيح.
* الإتحاد العام داعم للمريخ وما حدث مع سيف تيري أكبر دليل.
* سيف تيري أربعة شهور بيلعب وهو خارج الكشف.
* قوم على حليلك.
* وما أظنك أن تقوم.
* المهم.
* تحية خاصة جداً لفارس عبدالله الذي طرد ظلماً بعد الإساءة له.
* فارس لاعب صاحب أخلاق عالية وكضاب البقول سمع كلمة شينة من فارس.
* كل لعيبة الدوري الممتاز يعرفون أخلاق فارس وتربيته السليمة.
* التحية للسموأل اللاعب المجتهد.
* التحية للشغيل جمل الشيل.
* التحية لحامي العرين أبو عشرين الشهير ب(لون الدم).
* أيضاً لابد من تحية خاصة لمجهودات مجلس الإدارة بقبادة السوباط وكل المجموعة.
* وتحية كبيرة لمعالي المستشار تركي آل الشيخ.
* والجهاز الفني بقيادة ريكاردو والجهاز الطبي ودائرة الكرة.
* وتحية بحجم الفرح للشاب الخلوق عبد المهيمن الأمين الذي له إسهام واضح وكبير في هلال هذا العام.
* والتحية والتقدير لكل من ساهم في عودة اللقب لمكانه الطبيعي.
* وإن شاء الله يكون الفريق أفضل وأقوى في الموسم الجديد.
* أربعة محترفين أجانب وياسر مزمل ومحمد عبد الرحمن.
* على بالنعمة أفريقيا تنوم من العصر.
* ياسر مزمل ماشاء الله تبارك (مكنة).
* أنا ما عارف القون الجابو ياسر ده نهديهو لحازم ولا لسوداكال؟
* أنا غايتو بهديهو للجاكومي.
* وأي زول طبعاً حر في (هداياهو).
* شكراً يا هلال على هذا الفرح.
* شكراً على الإبتسامة في بلد كل حاجة فيها بتبكي.
* ونركب صافنات ونجيبة (هلالابي) واصلو الزول بموت والذكرى تفضل حية.
* و.. و..
* وغربال لأي نمر.

قد يعجبك أيضا
6 تعليقات
  1. احمد التجاني يقول

    سامحني يا أستاذ محمد قون ياسر مزمل انا بهديه لواحد مريخابي فلقنا بكتاباته وهترشاته سمى نفسه “خالي شغل” حلف بالطلاق انو الهلال لو قابل المريخ حيتهزم من المريخ. والان نفسي اشوف منه تعليق عشان نشوف موضوع طلاقه الحصل فيهو شنو.

    مشكلة المريخ الان انه عنده كمية من العواجيز في ظل إدارات متطاحنة ولذلك مستقبل المريخ مظلم اذا لم يتداركه أبناؤه.

    اسعدنا أبو الهل امبارح وصراحة لو ركز لاعبي وسط الهلال على التمرير المتواصل لياسر مزمل في وجود طبنجة كان النتيجة تكون اكبر.

  2. خالد يقول

    معزور اخر مره شفت الفرح متين ولو عزرنا المريخ بكل ظروفو الحاصله دي هلال السجم الشفنا ده ما بيأكلكم عيش ههههه

    1. احمد التجاني يقول

      يا خالد: أولا مشاكلكم سببها انتوا. اثنين: غلبناكم غلب نضيف لا فيه شق ولا طق. اما النتيجة الحقيقية فهي أربعة واحد لو حسبنا فرصة ياسر مزمل على الطائر وفرصة الغربال مع نهاية المباراة. اما حكاية شفت الفرح ما شفت الفرح انت بتتعامل مع افضل فريق في السودان ومر بظروف معروفة تغيرت فيها الاطقم الفنية بصورة اثرت على الفريق. لكن من هنا ورايح نشوف البضحك والبفرح منو والببكي منو. وطبعا لا غرابة انك تصف الهلال بهلال السجم – الغلب حاااااااااااار -. عجبني في المباراة الشغل اللي اشتغله ولدنا الشافع اليافع اباذر بجدوده ناس امير كمال وصلاح نمر. الاخبار تقول انه السبب اللي خلى امير كمال يهجم بعنف على اباذر ويدوس على قدمه بالصورة البشعة اللي شاهدها الكل انو اباذر قال ليهو “العب براحة يا والد”.

      باي باى وتاخد غيرها يا خالد. والله تكون محروق من الهزيمة حرقة وفشفاك وارم وبدل ما تشوف مشكلتك قلت هلال السجم؟ هلال السجم ولا مريخ السجم في ذمتك؟

  3. Masa يقول

    عضو مجلس ادارة المريخ الجاكومي خش استاد المريخ بطنبجة وتم دحره
    وتيم المرخرخ خش القمة بطبنجه وبرضو تم دحره

    😂😂😂😂😂😂😂😂😂😂😂😂😂😂😂

    1. سالم السالم يقول

      قصدك المهرج مهروش القسم .. ده مفروض يعدم في ساحة عامة هههههههه

  4. جلابي الدوحة - قطر يقول

    روميو ….. وينك يا حبيب الحله والاسبري
    ياخ مبروووك الفوز الهلالي فرحنا لي فرحك ومن حقك تفرح فالفوز علي المريخ بطوله بعد 4 سنوات هزائم
    قول يا بركة اكل الطحنيه واستعمال مزيل العرق
    بالمناسبه كلمة مبروووك بقولها ليكم صادق فيها لانه لم تكن هناك مباراة بل عك كروي ولو في المبارة شيء يذكر هو هدف التكت وتربيعة لون الدم الغريبه
    ههههههههههه غايتو خجلت ليه الحاله ما عندنا هجوم الرجفي لزومه شنوووو

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد