الخيال العلمي اصله سوداني..

بعيدا عن الكورة
الخيال العلمي اصله سوداني..

مصطفي محمد

بحسب علماء:القهوة الليلية” تجمد” الساعة البيلوجية 40دقيقة.
ساعة بيلوجية يعني منبه طبيعي ، في ناس بتصحي من النوم تلقائيا وفي زمن محدد بدون يصحوهم ولا بحتاجو ضبط منبه ساعة والا تلفون.
* العلماء قالو القهوة البشربوها ليلا بتجمد اي بتعطل منبهك او ساعتك البيلوجية .
*زمااان الشيخ ودتكتوك سبقكم ياعلماء القرن الواحد وعشرين بمقولة :نومي بدري واصحي بدري شوفي كان تنقدري ..كلام درر من شيخ سوداني وعلامة مابحتاج تتعبوا نفسكم ساي في دراسات حسم امرها ودتكتوك قبل قرن.
*امتدت مقولات الشيخ فرح لتصل مرحلة بعيدة فالرجل تنبأ بحاجات حتحصل وتطورات سيشهدها العالم لخصها في: آخر الزمن الكلام بالخيوط والسفر بالبيوت وفعلا اصبح الكلام بالتلفون والسفر بالسيارات.
* عايز اوجه رسالة لناس هوليود فحواها ان علامة سوداني يعد اول من هبش حته الخيال العلمي .عشان ماتجدعوا فينا بشطحات افلام خيال علمي نحن الرواد فيه علي طريقة بنك فيصل