*ايها الناس
*نعيش الديمقراطية الرابعة
*اذا فرطنا فيها لن تكون هناك ديمقراطية خامسة
*اذن هي الديمقراطية الاخيرة التي يجب ان تدوم
*ولن تدوم الديمقراطية اذا كانت مسكينة
*لانها ستستباح
*وستموت امام اعيننا دون ان نقدم لها ماينقذ حياتها
*ايها الناس
*ديمقراطيتنا يحرسها الله في السماء والثوار علي الارض
*لذا فان فرفرة الذبيح لاتعني غير تشتيت المزيد من الدماء
*فالذبيح عليه ان يقتنع لان الفرفرة لن تعيده للحياة
*الانضبح يقتنع ويتعلق ينسلخ
*ايها الناس
*تستمد الديمقراطية قوتها ابتداءا من القانون
*والمدنية في معناها العميق تعني دولة القانون في المقام الاول
*والقانون في المدنية يكون اشد واغلظ من القانون ايام الشمولية والمحسوبية
*لان قانون المدنية يتم تطبيقه لاجل صالح عام
*والصالح العام لايقبل الاستثناءات او السكوت لداعي الاستقرار
*الفوضي عمرها مابنت دولة
*ونحن الآن نعيش قمة الفوضي
*واذا سألت لماذا
*تكون اقرب اجابة للفوضجي
*مدنية ياعمك
*يجب ان يفهم الناس المدنية بمعناها الصحيح
*يجب ان نوقف الفوضي والسلوك المتفلت بتطبيق شديد للقانون
*فوضي استعمل الطريق العام
*بتاع الحافلة داير يقيف وينزل ويركب نص الزلط
*بتاع الموتر داير يدخل بين البصلة وقشرتها
*بتاع الرقشة اسكت بس
*بتاع الملاكي داير يفحط في صف البنزين
*والراجلون يقطعون الزلط بالطول
*ومن اي حتة
*اما الاسواق
*خليها الاسعار
*الفراشة فارشين نص الشارع لدرجة تمنع النملة من العبور
*ففي سوق امدرمان مثلا
*الشارع الذي يمر شرق مبني البوستة وغرب مايسمي عمارة اولاد شندي المشيدة علي متنفس وميدان وباركنج من زمن الإنجليز
*وماشي طوالي شمالا الي الصياغ
*الشارع ده لو معاك زوجتك وأطفالك وداير تعبر بيهو
*تعمل ليهم كوبي جوار البوستة وبيست جمب ابو مرين بهناك
*وتعال شوف فريشة موقف جاكسون
*الرمان وسط الزلط
*والتفاح وصل الرصيف الفاصل بين الاتجاهين
*والموز عبر للاتجاه البهناك
*هذه الفوضي ياحمدوك اذا استمرت بتصبح حق
*امور زي دي دايرة حسم شديد
*وعلي الثوار مساعدة الحكومة عند قيامها بمجهودات فض الفوضي واستعادة مساحات الشارع ووقار السوق
*وبالقانون
*حتي تمرد اول امس ده
*يحتاج لتطبيق للقانون
*ترويع الناس والتمرد ليس بالمسألة الساهلة التي تحل بالتحانيس والتسويات
*دايرين ديمقراطية رشيدة ولكنها شديدة
*تغلب الصالح العام علي اي مصلحة اخري
*وتطبق القانون بشدة
*والا
*حايجينا اليوم الذي نبحث فيه عن ديمقراطية خامسة لن تأتي
*لان القيامة اقرب منها
*فيا حمدوك ماتقوموا قيامتنا
*المهم
*كورة الزنطور مع الاهلي متين؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*موش حانموت الله يخلينا
سلك كهربا
ننساك كيف والكلب قال اسي الحصل ده داير ليهو كلب بوليسي؟؟؟
والي لقاء
سلك