الشفايعه وزارة صحة

6
1110

في السلك

بابكر سلك

* اليوم يومنا باذن واحد احد
* لا وجه للمقارنة الفنية بيننا وبين الفاقد الفني
* زي مافي فاقد تربوي
* في فاقد فني
* الفاقد التربوي ديل السوء حظهم وسوء ادارة دولتهم اجبرتهم علي عدم التعليم
* وكبسوا الشارع
* الواو الضكر مابعرفوها
* اما الفاقد الفني فديل خلقة كده
* ربنا ما اداهم فنيات بالفطرة
* والان الله ليس بظلام للعبيد
* ما اداهم فنيات لكن اداهم طولة لسان للغلاط في الفارغه
* لذا النصر حليفنا لا محالة
* لكن باحترام الخصم اولا
* فالخصم برغم انو فاقد فني
* لابد من احترامه
* و احترامه شدييييد
* فكلما احترمناهوا احرزنا هدفا
* لازم نحترموا اربعه مرات علي الاقل
* ايها الناس
* درون نكسب غالبين نكسب
* و الفاقدالفني لا امل له الا في الفوز
* والفوز مابجي بالقرعه
* بجي بالمشي قدام
* ولو مشوا قدام حايخلوا الدمازين والصيني براااهم مع التش والعقرب والغربال
* ووقتها صدقوني طبق البيض حايبقي بجنيه واحد
* مزارع التش دي خطيييرة ومنتجه
* ايها الناس
* لا يتحقق نصرنا الا اذا جينا كلنا لنشارك في معركة الحسم وفتح فصول محو الامية الفنية
* ولن تستطع الامية الفنية ان توقف فنياتنا المهوله
* لذا اتوقع اليوم ان تحتسب لنا كل ضربات الجزاء في لقاءاتنا ضدهم بالممتاز والتي حرمنا منها بفعل يخطئ ولا يظلم
* ليس لان التحكيم حايبطل حركات يخطئ بتاعتو دي
* ولكن لان مهاراتنا ستجبرهم علي ذلك
* وبمناسبة يخطئ دي
* لو لا يخطئ لكان اليوم اهل الفاقد الفني يتبارون ضدنا و يسعون للنصر ليفصلوا بينهم وبين اهلي مدني في معركة الهبوط المباشر
* ولكن يخطئ جعل من فسيخهم شربات ووضعهم ينافسون علي البطولة
* عجبي
* عجبيييييييي
* ايها الناس
* نجي كلنا
* ننسي الخلاف والاختلاف
* والذين يحفرون الليله اجازه
* ده مايوم حفر
* الليله ارتاحوا
* لكن اي شنكبة عنكبة حاتتحملوا نتائجها
* لكم فقط ان تتمنوا للمريخ الهزيمة
* نعلم انكم تعتقدون ان صالح المريخ في الهزيمة
* لكن هيهات
* من يعشق المريخ لايتمني له الهزيمة مطلقا
* الليلة اخجلوا واستريحوا وانعموا بامنياتكم التي لن تتحقق ابدا
* فالخير في امة محمد دوما
* المهم
* اسرة الشفايعه الامدرمانية من اسر امدرمان العريقه
* اولاد قلبا
* منهم طيب الذكر الانسان المحترم الذي يفيض حبا للناس ويسيل خيرا دائما دكتور محمد الخير بابكر الشفيع
* فتح الباب لدراسة الطب للشفايعه
* فتعاقبت اجيال الشفايعه الطبية الي يومنا هذا
* من الله عليهم بدراسة الطب كنعمه
* وكان شكرهم لله خدمة عباده طبيا وانسانيا
* منذ العام 2003 انشأوا جمعية آل الشفيع الخيريه
* يقدمون خدماتهم الطبيه الخيريه للناس دوما بصدر رحب
* ولهم يوم طبي لكثير من التخصصات
* جراحة العظام والجراحه العامه
* النساء والتوليد والاطفال
* العيون والاسنان
* الاذن والانف والحنجرة
* ومعمل للفحص مصاحب
* وصرف للعلاج
* كل ذلك مجاني وللناس بدون فرز
* ومن يتطلب علاجه الاستمرارية
* يمنح كرتا للمتابعه المجانية مع الاخصائي الذي يشرف عليه
* في مشهد لم يحدث في البلد دي الا ايام الانجليز
* الله يصرف الامريكان
* لله دركم يا شفايعه
* انتم وزارة صحه عديل كده
* شكرا بروف عبدالمنعم الشفيع ورفاقه الاطباء والصيادلة من الشفايعه من طبيب الامتياز وحتي اروع بروف في العائلة الكبيرة
* ايها الناس
* ان تنصروا الله ينصركم
* اها
* نجي لي شمارات والي الخرتوم
* شفت يا والينا البعملوا فيهو الشفايعه لينا ????
سلك كهربا
ننساك كيف والكلب قال يا شفايعه بعد كده اقروا بيطرة عشان تعالجونا من المرض المعشعش فينا ده… قراد بس مص دمنا ونشف ريق كدايس حينا
والي لقاء
سلك

حمل تطبيق كورة سودانية لتصفح أسرع وأسهل

 لزوارنا من السودان متجر موبايل1

http://www.1mobile.com/net.koorasudan.app-2451076.html

3,699 حملو التطبيق

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app

13230 حملو التطبيق

على متجر   mobogenie

 http://www.mobogenie.com/download-net.koorasudan.app-3573651.html

5000+ حملوا التطبيق

6 تعليقات

  1. السماولة والشيابلة وزارة كورة وفن وهندسة
    أسرة السماولة والشيابلة في العرضة شمال فتحت عيادة فيها تخصصات كشف النظر من خارج خط 18 ومعالجة آلام الظهر والقطايع، وفوق ده كلو الأسرة خرجت أطباء متخصصين في تخصصات نادرة تخدم المجتمع مثل الدكتور بشة البعالج بالتشة ودكتور كاريكا البعالج بالمزيكا، وفوق ده كلو عندهم دكاترة بيفكوا المخدر وبيعالجوا من الإدمان عليها وقد أسهموا بمجهوداتهم المقدرة في إيقاظ الكثيرين من جماهير المرخرخ وإنقاذها من مخدر المرشد العام لجماعة التحريض السالبة، ومن هولاء الدكاترة دكتور جينارو وسادومبا وولاء الدين وبويا وعمار الدمازين وغيرهم، أما دكتور شلش فهو تخصص رياضة بدنية للمدافعين كبار السن وماشاكلهم من مواسير !!
    عمك تنقو قالوا الجماعة شافوهوا أمبارح من الدقيقة 10 مرق من الجوهرة وشالها موزة بشارع المنطقة الصناعية مروراً بمستشفي الوالدين حتي بيتهم في العباسية، وعشان الجماعة مايضايقوهوا ولا يلاقوهوا فئة من الفئات الضالة من جمهور المرخرخ المتفلت النفث كل احقاده في جوهرة الهلال سيد البلد، لبس ليهو طاقية يغطي بيها الصلعة، لأنو الجماعة ديل أمبارح لولموا فيهو كان صباح الليلة شربنا الشاي في بيتهم هههههههههههههههههه
    نجي لي شمارات والي الخرطوم
    كان شفت ياوالينا البعملوهوا السماولة والشيابلة فينا؟ ؟؟
    ننساك كيف والكلب قال تاني مخدر بيمسك فيهو تاني، وقال لينا تشنا تشانا نحنا وميدو الزجاجي بقي دجاجي ويكاكي بدون مايشوت ولاكورة واحدة إتجاه القوون، ولو ماضربات الجزاء بتاعين الحكام الهدايا ديل كان من زمان وديناهوا تريعة البجا وكان هبط معاهم وريحنا هههههههههههههههه
    عمك تنقو قنب يجقلب قال مرخرخنا الليلة بيغلب
    نجومنا جوه الملعب تغلب وعقربوبي يقوم يتشقلب
    بس شيبولا ناره تلهلب جاب ليو قوون خلاهو مكهرب
    ناس البيت فقدوهوا عشية لقوهوا بإسم السمؤال بهضرب
    ?????

  2. امس كان فيك شوية وعي فبل ما تتخدر ,,, كلمت الاحترام اول مرة اظنك تتكلم صاح ,,,, اعرف البلد المافيها تمساح بنطط فيها الورل مع احترامنا لكل الفرق ,,, افهم ي مستر سلك الهلال مشكلتو في توظييييييف واعطاء الفرصة والثقة للكثبر من الاعبين ورجاء ي جهاز فني الهلال ادو الفرصة للشباب ,,,, لوليد الشعلة رجاء ,,,, نؤيد الصينى ,,, عماد الصيني … الكسمبر ,,, وكل اولاد فريق الشباب ,,, وين الولد احمد ميسي ,,, حتى اليافع ابوجا … الاولاد ديل ان شاء الله اذا في العمر بقية لهم ولا لنا مستقبل الهلال لسنوات طوال ,,, ادعمو الفريق بمحترفين من الطراز الرفيع الفارق وبمحدودية وادو الفرصة للاولاد الصغار مع ما تبقى من اللااعبين الخبرة

    سلك ليك وحتى لكل اعلامي واخص اعلامي الهلال خليكم محترفين في نقدكم وسيوبنا من الهرج والمرج ,, كل البهمكم تبيغو جرايدكم ,,, اتقو الله واهتمو اي منكم بالكيان الذي يعشقه ودعكم من الافراد وشخصنة المسائل <<<< اتمنى ي سلك وحتى الاهلة اصحاب الاقلام السالبة تنتبهو شوية للازمات العاملنها في الشارع الرياضي بشكل عام ،،، وارتقو شوية بدوركم وخلونا من العصبية المدمرة ,,, والله الموفق
    والله الموفق

  3. الهلال ضرب في المليان وعينوا علي ازرق شيكان
    السمؤال فك بمبان وخلي جمال حيران
    مع السم ولع النيران وعلاءالدين ابرش الكحيان
    شيبولا ضرب بالقاضيه والدفاع في توهان واكد يا جماعه الخيول الاصيله في الختام تظهر وتبان

    وعيني عليك ي سلك ي بتاع الشمار رحت شمار في مرقه والفصاحه ما شفعت ليك فريقك ي مرخرخ بعتوا الوهم للجمهور وصورتوا انصاف المواهب ابطال ماذا فعل التش عندما كان في الخرطوم الوطني هل صنع الفارق الخرطوم الوطني افريقيا بطلع من التمهيدي لاعب علي البشه بقع وكيف الحال مع عتاوله افريقيا هل ينفع هذا اللاعب الضعيف البنيه.

  4. في السلك

    بابكر سلك

    * اليوم يومنا باذن واحد احد
    * لا وجه للمقارنة الفنية بيننا وبين الفاقد الفني
    * زي مافي فاقد تربوي
    * في فاقد فني
    * الفاقد التربوي ديل السوء حظهم وسوء ادارة دولتهم اجبرتهم علي عدم التعليم
    * وكبسوا الشارع
    * الواو الضكر مابعرفوها
    * اما الفاقد الفني فديل خلقة كده
    * ربنا ما اداهم فنيات بالفطرة
    * والان الله ليس بظلام للعبيد
    * ما اداهم فنيات لكن اداهم طولة لسان للغلاط في الفارغه
    * لذا النصر حليفنا لا محالة
    * لكن باحترام الخصم اولا
    * فالخصم برغم انو فاقد فني
    * لابد من احترامه
    * و احترامه شدييييد
    * فكلما احترمناهوا احرزنا هدفا
    * لازم نحترموا اربعه مرات علي الاقل
    * ايها الناس
    * درون نكسب غالبين نكسب
    * و الفاقدالفني لا امل له الا في الفوز
    * والفوز مابجي بالقرعه
    * بجي بالمشي قدام
    * ولو مشوا قدام حايخلوا الدمازين والصيني براااهم مع التش والعقرب والغربال
    ——————-
    * ولكن يخطئ جعل من فسيخهم شربات ووضعهم ينافسون علي البطولة
    * عجبي

    ـــــــــــــــــــــــــــــــــــ( إنتهى عمود سلك إنتهى )ــــــــــــــــــــــــــــــــــــــــــــــــــــــ

    ===========(( تأبين عيون سلك ))===============
    طبعاً يا سلك ( عيون ) دي جمع ( عين ) والـ( عين ) المقصودة هما هي ( حرف ) العين اللفي اللغة العربية
    فاليوم هو تأبين ( التأبين للأموات ) لعيون سلك …
    العين الأولى : تأبين ( عامود ) سلك المسمى ( في السلك ) لأنه أمس قال كلام بالصباح وكلامو كله تم إغتياله ومات قبل الساعة التاسعة مساءاً.
    العين التانية : تأبين ( عشم ) سلك ، الذي كان يعشم في أن ينتصر فريقه ( الفاقد التربوي ) على سيد البلد ( الفاقد الفني ) كما وصف.
    العين التالتة : ( مجموعة عيوون ) ممكن تكول ( عولاق ، عبط ، عوارة ، علـ…نة ، عفن …إلخ ) من العيون البتشبه كتبات سلك.
    نسيت أقول ليك يا سلك ( الفاااااااااااااتحة ) البركة فيكم يال أخووووووي … أها مناحتكم ما كملت عشان نجيكم في الدفن … ؟!؟!؟
    وصحيح الإختشووووووووووا ماتووووووووا ( وإتشبولي ) و( إتسمولي )

ترك الرد

من فضلك ادخل تعليقك
من فضلك ادخل اسمك هنا