العليقي يتشوق للبس النجمة
في السلك
بابكر سلك
العليقي يتشوق للبس النجمة
*كنت قاعد مع صديقي وليد البشري الهلالابي الملهم
*هذا الرجل ظل مصدر الهام لكتير من كتاباتي
*اثناء ما انا قاعد معاهو
*جا بشري ولدو
*لابس احمر باصفر وفيهو نجمة كمان
*بشري ده بالمناسبة مولود يوم الشرميطي جاب الهاتريك في الهلال
*وكم يحلو لنا ان نطلق علي بشري لقب الشرميطي
*المهم
*وليد شاف ولدو لابس الاحمر باصفر وانفعل
*ده شنو اللابسو ده؟
*احمر باصفر؟؟؟؟
*وفيهو نجمة كمان؟؟؟؟
*والله أنا اربي عمايلي ما اربي لي مريخابي
*امشي عيش مع عمك سلك
*بشري ضحك
*وقال ليهو يا ابوي ده شعار اسبانيا
*وليد قال ليهو واسبانيا تلبس نجمة ليه؟؟؟
*بشري قال ليهو في البطولات الدولية
*وعشان الناس تتمايز بالتاريخ والانجاز
* الشال البطولة بتميز بنجمة
*شلتها مرتين بتلبس نجمتين
*شلتها تلاتة بتلبس تلاتة نجوم
*النجمة دي مابلبسوها ساي
*ماعندك انجاز مابتلبس نجمة
*كان لبستها وانت صفر الانجازات بفتحوا فيك بلاغ احتيال وتملك جنائي والادلاء بمعلومات كاذبة
*هنا انا ضحكت
*وقلت لوليد
*عرفت الهلال مابلبس نجمة ليه؟؟؟؟؟؟؟
يا أبو الأسلاك شايفك علقت شديد في العليقي مع بقية اصحابك كتاب المريخ انا كتير بجيني إحساس بأن الغالبية العظمي من كتاب المريخ ( هلالاب ضلوا الطريق ) فمرحبا بكم اذا تبتم قبلنا بكم والا خليكم ( لايصين كده )
كان في قديم الزمان طالب إسمه غلبان مرة جاء الاول في مدرسة تقع في منطقة نائية وأهله فرحه وإستقبلوه كأنه دخل كلية الطب ولما رجع للمدينة طلع ما فاهم حاجة لانه درس ورقتين من كل اربع مواد فقط… أما تؤامه فقد درس كل المقررات لعشرين مادة وكل مادة عدد صفحاتها بالمئات واحرز المركز الثاني على المستوى القومي مرتين والثالث والرابع كثيرآ وأصبح المجتمع كله مبهور من تفوقه…
اهل الطالبين كل فرحتهم كملوها في نتيجة ولدهم البليد وتناسوا نتائج التؤام الفاهم الذكي….
الناس الواعية بتقول للتؤام غلبان البليد شقيق كسبان الذكي وبتقول غلبان جاء الاول في غفلة من الزمن لضعف الطلاب الكانوا معاه في الفصل ولما جاء المدينة بقى يجي الطيييييييييش…..
وقف مشاهدك يازمن وراجع دفاترك يامحال….
في السكة ازرق هدر تاريخ ندر إسمه الهلال….
سيد البلد.. سيد البلد…