الكاف يغرم المريخ 45 ألف دولار ويوقف علاء الدين يوسف لستة أشهر وأمير وعلي جعفر ثلاثة أشهر

11
1501

أصدر الاتحاد الأفريقي لكرة القدم عقوبات رادعة بحق المريخ على خلفية الأحداث التي صاحبت مباراته أمام الكوكب المراكشي في اياب دور الستة عشر من البطولة الكونفدرالية بالمغرب وأوقف الاتحاد الأفريقي حاتم محمد احمد عضو مجلس الادارة السابق لمدة عام وأوقف اللاعب علاء الدين يوسف لمدة ستة أشهر واللاعب أمير كمال لمدة ثلاثة أشهر واوقف كذلك علي جعفر لمدة ثلاثة أشهر والغاني كوفي لمباراتين ومثلهما لمدرب الحراس التونسي مراد السالمي وغرم الاتحاد الأفريقي المريخ مالياً بـ45 ألف دولار.

المشاركة

11 تعليقات

  1. هههههههههههه دي هي العقوبات الرادعة؟
    معناتها في شغل تم بي تحت تحت….أتاريهو أنا أقول قريشات اللاعبين مشت وين، أتاريهم حولوها بي غادي عشان يحلوا بيها المشكلة…وبجري المدينة ماعاقبوهوا والغاني كوفي عملوها ليهو مباراتين بس، وعاقبوا المساكين المرشحين لمغادرة الكشوفات، وده معناته إنو في شغل تقيل جداً تم في الخفاء عشان يتم التوصل لهذه العقوبات الهزيلة، وده لازم طالما إنو سفير السودان (المرخرخابي) خلي كل مشاكلنا مع مصر وبقي متابع مشاكل المرخرخ……!!! ههههههههههههههههههه
    سمكروا الشغلانة ورموها كلها في المساكين ديل !!!
    مامشكلة يامراكشية، حقكم علينا وتقبلوا إعتذارنا بالنيابة عن كل السودانيين، هم مامسئولين عن الأعمال العدوانية الوحشية التي أتت بها هذه القلة الخارجة عن السلوك الرياضي وأخلاق السودانيين !!! أما حقكم في الأدبي، فسيد البلد حايتكفل بإرجاعه ليكم هزائم مجلجلة للمرخرخين بإذن الله، وحانخليكم تشوفوا دموعهم وتسمعوا صوت جعيرهم بإذنه تعالي !!!
    لكمة آخيرة: الكاف ضوقوهوا اللقيمات

  2. 45 الف دولار .بالنسبة للوصيف كتيييرة والله خصوصا اليومين دي الفلس ضاربهم ضربة شديدة

  3. بقينا نطير من البطولات وبندفع بالدولار. حقيقة ميتة وخراب ديار.. اللهم اني صائم

  4. بهذا يكون المريخ قد فقد عددا اكبر من اللاعبين في النصف الثاني.
    اللاعبون المفقودون في النصف الثاني:
    تراوري. جابسون. بكري . علاء. امير كمال. علي جعفر . راجي ( بالاصابة) .مصعب عمر( الدمار النفسي).
    اضافة للمفقودين منذ الموسم السابق( ايمن سعيد . ديديه ليبري. شيبوب)
    انه خراب مالطا . كان الله في عون المريخ.

  5. غايتو يا salah بتجيب معلومات زي العسل… بس ما وريتنا عندك جاسوس و لا بترمي ودع.. تهئ تهئ.. بالمناسبه ناس مراكش قبلوا اعتذارك و مرسلين ليك جردلين خبيز.. تهئ تهئ

  6. غايتو جنس حقد يا صلاح وده الخلاكم تدوروا حول الصفر وما تتقدموا اصلو حتى العقوبات الرادعة دي ما عاجباك دايرهم يشطبو ويفطسو ليك الزعيم ده ولا شنو؟ وطبعا طوالي جاري لشقلوب ياخي ما عاقبوه لكن عاقبناه ليك نحن برضو ما عاجبك… طيب نشنقو ليك عشان ترتاح يا حاقد والله صحي صفراب وزناطير حاسدين

  7. حاتم تايسون ذو الضربات الخطافيه المركزه هذه اقل عقوبه يستحقها هذا الشخص والله شوه الصورة المعروفه للشخصيه السودانيه الطيبه والشهمه في آن واحد. فريق بهذا السوء لايجب ان يعاقب هذه العقوبة المخففه جدآ بل يجب تغريمه واقصاءه لفترة اقلها عام. فريق فقير من كل النواحي فنيآ وأخلاقيآ يظن ادارييه ان الحل في البونية والشغل المانضيف. جمال الوالي هذا رجل ادمن الفشل علي مدار 13عام ولا يندي له جبين في استخدام علاقاته الاخطبوتيه مع الاتحاد وغيره ويمرر كل ما هو مسخ ومشوه للكرة السودانية التي ابتلاها الله باتحاد هو الاسوأ علي الكرة الأرضية إختلاس وتواطوء في وضح النهار يسكت عنه جمال الوالي فقط لكسب دوري اقل ما يطلق عليه انه فطيس معفن. المريخ ادارييه ولاعبيه ومشجعيه بل كل شيء فيه.. كتابه الارازل بيوت الحقد التي تمشي علي رجلين هم اس البلاء في هذا البلد ومنشأ التخلف قاتلهم الله.. كان يجب ان يتم اقصائهم لعام علي الاقل لنرتاح من حقدهم وصدورهم التي تنضح بالكراهية لكل ماهو جميل..
    افتخر هلالابي والماعجبو يشجع ضفر..

  8. هل تسري هذه العقوبات علي لاعبي المريخ في المشاركه في بطولات الكاف العام القادم في دوري ابطال افريقيا او الكونفدراليه الافريقيه؟ لان العقوبه غير موضحه متي تعتبر نافذه، اما في حاله كوفي فهي مشابهه لعقوبه سيف مساوي فيعتبر الايقاف مباراتان العام القادم كما يفهم من سياق العقوبه، اما الايقاف سته اشهر او ثلاثه فيه كثير من الابهام وان كنت ارجح ان الايقاف والقوبه تبدا من اول مشاركه للمريخ افريقيا والله اعلم.

  9. يعني قريشات الواتساب راحت يلقطوها القربات ويطاها الاتحاد الافريقي

  10. والله المريخ التعيس والهﻻل خايب الرجا.
    عراك في غير معترك.
    تتألق اندية وتفوز بالالقاب وتختفي لتظهر اندية اخرى ونحن نعرص خارج الحلبة .
    بﻻ هﻻل بﻻمريخ . كلو استهﻻك للوقت والمال وبس.
    فعﻻ إتلمه التعيس علي خايب الرجا.

  11. بعد ده تدفعه ليهم الحكومه وعم نايمين فى العسل كانو ما عملوه حاجه طال م انو الوالى الغالي موحود وجبي الشعب مغدود والمرخرخ ﻻ داير يفوت ﻻ يموت وكاس منديلا غير اسمو ولسع مسمينو مخنول جوا استحو على السبعات والطيران نن نن التميهدي ويقوليك زعيم زعيم المافيا ها ها ها صفراب خلوكم تلعبو 4فرق 2ابطال2كنفدراليه بس ال2انتو ما نفعتو فيهم

أكتب رد

أدخل تعليقك من فضلك!
أدخل إسمك هنا من فضلك