اللجنة الشعبية وامريكا

0
95

في السلك
بابكر سلك

> فنيا لاتوجد ادني مقارنة بيننا وبين بني زنطور
> ولكن المراقب للساحة يلحظ ان الزناطير مكترين المحلبية وفاكنها في روحهم شديييد
> وصل بهم الامر لدرجة ان يتوعدونا بالهزيمة
> ويقولون بان مسالة عودتهم بكأس زايد جوا ليست الا مسألة وقت
> وكأنهم قبل كده خبروا دروب الكاسات المحمولة جوا
> ده شعرا ماعندكم ليهو رقبة يافطومة اختي
> ده دربا مابمشوا فيهو الا ناسو يا محمد عبد الماجد
> ده طعما السنتكم مابتعرفو ياروشا
> ده انجاز ماشفتوهوا الا عندنا ياخالد عزالدين
> ده واقع في البلد دي ماعاشو غير المريخ يا صديقي قسم خالد
> وده اعجاز لم يدخل به القصر الجمهوري مكرما الا المريخ يا البدون
> لو زول قال ليك بديك بونية
> بتقول ليهو اديت منو قبل كده
> ولو هلالابي قال ليك بنجيب كاس زايد جوا
> قول ليهو جبت شنو قبل كده ياصاحب الصفر الكبير
> ايها الناس
> فاز الهلال بالممتاز برغم ان الفيفا خصمت من رصيدو ستة من النقاط التي جمعها الحكام
> ليس لانه فريق قوي
> ولكن لان الاستهتار المريخي بسبب علو الكعب الفني قاد لذلك
> وفي حاجات تانية مانعاني
> فالحروبات المريخية الداخلية ساعدت كثيرا علي تشتيت التركيز
> وزيارة ذلك الشيخ لقاردن سيتي كانت تعبيرا واعترافا بالدونية الفنية
> ولكن لن يتكرر الامر بالامارات
> وسترون
> حاربنا انفسنا دون ان ندري
> اذا فزنا فان مدربنا محظوظ
> واذا خسرنا فانه بليد
> اذا اشرك التكت فهو غلطان ضياء الدين كان الافضل والاحق بالمشاركة
> واذا اشرك ضياء الدين يبقي ده مدرب شنو ده!!اشراك التكت كان الانسب
> زي المريخ ده عملنا منو قبة
> لكنها قبة تحتها لم نجد فكي غير فكي الاجندة
> كلها عوامل تكالبت علينا كانت صناعة مريخية بحتة
> اليومين دي شايف تلك المصانع قد توقفت معظم عجلاتها عن الدوران
> لذا تجدني واثق من نصر من عند الله قريب
> ايها الناس
> البدون لاميزة له تميزه عن موردة القضارف وبيت مال امدرمان وشاطئ اربجي
> فجميعهم اذا ذكرت البطولات الجوية لايفقهوا شيئا وكأنهم يسمعون في كلام باللغة الصينية
> مع العلم بان موردة القضارف وبيت مال امدرمان وشاطئ اربجي يمتازون عن البدون في كونهم لم يحاولوا تسعين مرة وفشلوا
> لذا
> ولكل ذلك
> لما هلالابي يتوعدنا بالهزيمة في الامارات
> اضحك حد الثمالة
> لاني بتذكر لجنتنا الشعبية تلك التي حذرت امريكا
> قالوا مع التحذير ورورة لي امريكا كمان
> ايها الناس
> نتشفتن ومابنتبشتن
> نتشفتن ليظل البدون بدون
> نتشفتن ليظل الصفر بدون
> نتشفتن ليستمر البدون صفرا كبيرا
> وتقنية الفيديو حاتكشف بوي والجريف والشغيل وأبو عاقلة وتسللات بشة المنسية عمدا
> ايها الناس
> ان تنصروا الله ينصركم
> اها
> نجي لي شمارات والي الخرتوم
> المهم
> بالامس استعرضت احدي القنوات لقطات من مباريات طرفها المريخ
> عزلوا اللقطات التي ولجت فيها اهداف في مرمي المريخ
> والصدفه وحدها هي التي اظهرت ان جميع تلك الاهداف ولجت مرمي المريخ وحارس المرمي درة التسجيلات جمال سالم حارس المنتخب الاوغندي الاوحد والاول
> والغريبه كل الاهداف كانت من اخطاء الحراسة
> ياربي ده تمهيد لخبر يشابه خبر الشوم بتاع ناس اوتارا داااك ؟
> قلنا ليكم مع الدولار ابو خمسين ده اي قوة مالية تقول انها بتدفع قريب خمسمية مليون شهريا كراتب للاعب
> تبقي قوة مالية ضاربة شديد
> كان شفت ياوالينا
> الخمسين الجديده اللونة زي بت المولد ياوالينا
> خفيفه ولفيفه
> نتلفت نلقاها مافي بين ايدينا
> تقلوها لينا ياوالينا

سلك كهربا
< ننساك كيف والكلب قال خفيفه بي جمالها ديل!!!
والي لقاء
سلك

المشاركة

أكتب رد

أدخل تعليقك من فضلك!
أدخل إسمك هنا من فضلك