اللعب بالنار واللعب علي العقول
تغريدة واتساب
بقلم : معاذ أبومؤيد
اللعب بالنار واللعب علي العقول
ينازل المريخ اليوم الخرطوم الوطني ضمن الدوري الممتاز السوداني ….
كلمة ممتاز دي براها محتاجة تغريدة لانو الشايفنو دا بعيد عن الامتياز !!!
ممتاز كيف وملعب المباراة مامعروف وين
ممتاز كيف ورادمين المباريات في ضهر اللاعبين ومباراة في قعر مباراة !!!
ممتاز كيف والنقل اسواء نقل علي مستوى العالم في البث المباشر !!
ممتاز كيف وعدد الحكام باصابع اليد واشخاص معينين لادارة مباريات فريقى القمة!!
ممتاز كيف لا بروتكولات ولافعاليات مصاحبة!!!
ممتاز دي علي الورق فقط !!!
اتحاد مامعروف عدد لجانه ولاعدد اعضاءه !!!
وسمعنا تحت تحت تأجيل قمة الدورة الاولى !!!
انت مفتكرين البطولة دي دورة رمضانية ولاشنو !!!
احترموا عقول الجماهير عشان دا اخر متنفس للشباب كرة القدم !!!
••••••••••••••••••••••••••
المريخ مجبر اخاك لابطل علي اداء مباريات في زمن قياسي عشان مجلسنا عايز موازنة للامور وعايز يرضى قادة الاتحاد وناسي اللاعبين والجمهور
يعني كل شي اخنق فطس عشان المعادلة تستقيم وارضاء بعض الوجوه !!!
المريخ يمثل اكبر عقدة في مخيلة بعض الاشخاص ولابد من تدميره دمار شامل كامل !!!!
ماعليهم من ارهاق لاعبين ولااصابتهم لاقدر الله،،،،
••••••••••••••••••••••••••
المباريات كوم والوك ودور البطولة كوم براه!!!
معقولة يالجنة التسيير عايزين تدخلونا في عنق الزجاجة وعايزين تدخلونا في مسلسل وفلم جديد لازم تعيدوا لينا مسلسل شيبوب وترسموا دور البطولة!!!
الوك سافر الوك ماجاء ارسال وفد لاستعادة الوك !!
المصاريف الحتصرفوها علي الوك وعودتو من الجنوب كان تدوها ليه في يدو وماتقلقوا بينا وتوترونا !!
الوك حاليا سافر!!!
منو المسؤل من الموقف دا وهل يوجد تبرير واحد لهذه الخطوة ومتبقي علي تصحيح مساروا ايام فقط يعني قاعد شهور ماقادرين تحافظوا عليه ايام !!!
لذام علي شعب المريخ ان يعيش الامرين ويعيش في توتر دائم بسبب عدم المؤسسية والادارة الخاطئة للملفات !!!
لو الحاصل دا كلو عشان يجينا واحد ناطي ويقول انا بطل الفلم تكونوا بالغتوا !!!
شفوت المريخ ترقبوا قريبا اليوم والايام الجاية
مسلسل الوك
الذي ستدور احداثه بين دولتي السودان وجنوب السودان ومطارات الدولتين
دا كلو عشان واحد عايز يخلق لنفسه دور بطولة والانتخابات جاية وفي زول محتاج يلمع نفسه بي بطوله فاشلة !!!
تابعوا المسلسل جيدا احداث مثيرة جدا والسبب معروف !!!!
بطوله ذائفة
زكرتها سابقا ادركوا الوك يالجنة التسيير لكن لاحياة لمن تنادي !!!
••••••••••••••••••••••••••
صحيفة النادي تصحح المسار باقالة هواري نتمنى تصحيح باقي الملفات استقالة لجنة التسيير باكملها لانو الملفات القادمة صعبة عليكم !!
والعناد ماحيولد الا الخلافات وفشل الانتخابات!!!
يعني الا تحكوها كدى لمن تجيب الدم !!!
يعني قعدتوا ستة شهور ماكفاكم
ارحلوا بهدؤ عشان كوكي المريخ مامحتاج اي تعثر وخلافات ،،،
والبقول لجنة التسير اتصدت للمهمة والنغمة المعروفة والخ اقول ليهم اتصدوا لمهمة وفشلوا في مليون مهمة اهمها التسجيلات السابقة !!!
وباب العضوية تم الترويج ليه لمدة شهرين وبعديها هسسس لاحس ولاخبر !!!
مامعروف هل كانت عضوية مستجلبة !!!
الايام كفيلة لتوضيح الحقائق !!
سؤال عريض لماذا الصمت علي العضوية بعد الترويج لها فقط لمدة شهرين !!!
والانتخابات علي الابواب ،،،،،
من المستفيد !!!
••••••••••••••••••••••••••
ختاما
المريخ كيان
والجمهور فيه من العقول قادرة تفرز الصاح من الخطاء والكلام المعسول،،،،،،
••••••••••••••••••••••••••
نحن اليوم علي المدرج نشجع وندعم ونتفرج ،،،،
الليله حوبة ناس الخرطوم
وبعديها حوبة ناس الولايات
ومن هنا لي قدام نمسكها مباراة مباراة ،،،،
عشان دي عتبات مقصود بيها ايقاف زحف الزعيم ومفتكرننا بنتعلم المشي !!
المريخ قادر علي المشي حتي لو علي رجليه ويديه مابتقيفوا لنا عائق يالجنة البرمجة !!
ياشفوت ويالتراس محتاجين هدف وثلاث نقاط فقط ماعايزين اي عرض في الفترة الحالية عشان نسكت ناس الاتحاد فقط ثلاثة نقاط
هتافنا يتواصل تسعين دقيقة من غير توقف ،،،،،،
عايزين حضور كحضور المباريات الافريقية عشان نضرب ثلاث عصافير بحجر واحد
*تقديم صوت شكر للاعبين
*حضور يحل من رقبتنا الدين
*نقاط تشل افكار الحاقدين
سمعتوني ياشفوت المدرجات تسعين دقيقة من نار ،،،،،
••••••••••••••••••••••••••
همسة اخيرة
المريخ الان يسير فوق حقل الغام منصوب له باتقان وتفاني
الكلام الناعم والمعسول لغسل دماغ الشفوت من الجماهير ،،
الناس تكون واعية لدورها ومايحاك ضدها !!
والقروبات فيها ناس عندهم اهداف معينة ماتدوهم الفرصة لتمرير اجندتهم !!!
كل واحد فينا يقراء مابين السطور
الاشخاص المسارهم بعيد عن الكيان وكلامهم كلو فرز الكيمان وتلميع الاشخاص !!!
ديل كصانع الالعاب لعبهم ناعم لكن يصيب الكيان في مقتل ،،،،
الكيان مسؤلية الجميع
••••••••••••••••••••••••••
خارج النص
المريخ مريخ الشعب والشعب هم الجمهور
لاكبير علي الكيان
همنا الكيان فقط لاعلاقة لنا بفلان او علان ،،،،،
المريخ عالم جميل
نرجوا ابتعاد اصحاب الاجندة والمترصدين
قراءة مابين السطور والاراء لبعض الحضور يجنبنا الكثيرمن المخاطر،،،
والناس البتلعب علي وتر العاطفة
ووتر المصالح الشخصية وتلميع الافراد علي حساب الكيان نرجوا الابتعاد عن كوكبنا ،،،،
معروفين في القروبات ومرصودين من قبلنا ناس تمجيد الاشخاص وناس النسخ واللصق لنفس الراي لاثارة الحديث وخلق البلبلة!!
المريخ كيان لاتوجد مساحة كافية لناس الكيمان ،،،،،،
••••••••••••••••••••••••••
