المريخ.. دفاع تعبان ووســـط اي كــلام

8
1157

الموج الأزرق

معتصم محمود

@ استقبلت شباك الوصيف 8 اهداف في اخر 7 مباريات .
@ اهليا شندي والخرطوم ، وادي نيالا ، الفهود والاكسبريس ، هلال الابيض زاروا الشباك الحمراء ومريخ نيالا الذي احرز هدفين .
@ 3 من الفرق عاليه تقدمت علي المريخ واستحقت النقاط لكن التحكيم الظالم كان له راي آخر .
@ بالارقام عالية والاحصائية التي امدني بها الزميل عزالدين محمود يتبين ان الوصيف يعاني من ازمه حقيقية في الدفاعه .
@ علي مدرب الهلال استغلال الثغرة الكبري في الدفاع الاحمر للفوز بالقمه .
@ قوة المريخ في صناعة اللعب والمقدمه الهجوميه .
@ كتم انفاس التش وجكسا يعني تجريد المريخ من اسلحته .
@ شباك المريخ التي اُنتهكت في المباريات السبع الماضيه لن تستعصي علي الهلال .
@ اندية عطبره ونيالا والابيض التي هزت شباك المريخ ليست بافضل من الهلال .
@ ليس هناك دفاع اسهل من دفاع يقوده صلاح نمر .
@ مدرب المريخ دفع بعلي جعفر في خواتيم مباراة الفرسان .
@ علي جعفر الذي تم ركنه حتي نسته الجماهير يريد محمد موسي تجهيزه للقمه .
@ محمد موسي يدرك ان علي متواضع القدرات عاجز الموهبه لكن يريده لمهام اخري .
@ استعمال العنف اسلوب مريخي معلوم للقمه .
@ اللجوء للعنف اعتراف مسبق بالعجز الفني .
@ في وجود امثال سانتير مدني وفضيل كادوقلي ومعتز تمشيطيه وثنائي نيالا نتوقع الانحياز لنادي التحكيم .
@ نادي التحكيم الذي باتت لدية ركلة جزاء في كل مباراة نتوقع له ركلة جزاء امام الهلال لاسيما وان عادل امام (التش) موجود وجاهز للتمثيل .
@ عموماً الهلال ليس الاهلي ولا الامل ولا غير ذلك من الاندية التي خسرت امام المريخ بالتحكيم منزوع الضمير .
@ الهلال القوة الضاربة جماهيرياً واعلامياً وليس بالفريق الذي يُضام .
@ علي جهاز التحكيم اختيار الحكم الكف واهم من ذلك رجال الخطوط .

خربشات

@ انتشر في الواتساب فيديو لشخص يروج لنفسه ويدعي انه رئيس المريخ القادم .
@ صاحب الفيديو المسخره يتحدث لجماهير المريخ وبيده كوب شاي وبجواره احدي بنات الاعلانات الاجنبيات !!
@ رئيس المريخ القادم حسبما يدعي قال ( انا احب شعب السودان) قالها وكأنه اجنبي !!
@ غايتو ذهاب جمال الوالي كشف المريخ واظهر للسطح شخصيات ما كانت تحلم بالمرور جوار الاستاد .
@ قلبي علي المريخ من سوداكال الي سوركتي ولا يزال السقوط مستمراً .
@ كل ما يحدث في ساحة القمه سببه المفوض .
@ لو حسم المفوض اول طعن في مدان المحاكم لما انفتح الباب لغيره .
@ القانون واضح في خريجو الاصلاحيات ومرتادي السجون .
@ القانون حظر اصحاب السوابق وكل من ادين في جريمه تمس الشرف والامانه .
@ الساحه الرياضيه ليست المكان المناسب لاصحاب السوابق ومرتادي السجون .
@ مين سوركتي هذا وما علاقته بالمريخ !!

 

حمل تطبيق كورة سودانية لتصفح أسرع وأسهل

لزوارنا من السودان متجر موبايل1

http://www.1mobile.com/net.koorasudan.app-2451076.html
3,699 حملو التطبيق

لزوارنا من جميع انحاء العالم من متجر قوقل

https://play.google.com/store/apps/details…

13230 حملو التطبيق

على متجر mobogenie

http://www.mobogenie.com/download-net.koorasudan.app-357365…
5000+ حملوا التطبيق

 

المشاركة

8 تعليقات

  1. الكاردنال مش خريج سجون ليه المفوضيه طلعتو براءة ولا عشان المفوض هلالابي يا وسخ

  2. إنت عيش على دفاع المريخ التعبان دي وموعدنا السبت ………………

  3. عمك أبو المستعار لما معتصم محمود يشتم كردنة بكون آخر إنبساطة ويضحك لمن تقع سبيبة من صلعته، ولمن معتصم يشتغل في الإتجاه المعاكس ويردم المرخرخ طوالي عمك بيقلب الموجة ويطلع نبلته وهاك ياساقط القول ويا بذاءات !!
    المسكين الضغط بتاعه بكون إرتفع بعد مسمار بويا أمبارح، والمسكين كان هو وباقي قرود الطلح الحمراء متعنقلين في حيطان الجوهرة ومستنين الهلال ينهزم، بس الشغلانة جات عكسي أمانيهم، وأسي الفار بقي يلعب في عب عمك أبو المستعار خصوصاً وإنو أهل الحفرة أدري بمواسيرها وثقة مافي بدون دفرات تحكيمية…………….
    لكمة أخيرة: نتمناها ثنائية شيبولية أوكراوية حارقة عشان نهرد فشفاش أبو المستعار ونرتاح من طلته البهية لمدة إسبوع علي أقل تقدير (فترة المرض والضغط والسكري والحمي الهلالية النزفية)، وبالمرة كدة نستمع لفواصل جديدة من إعلام البكاء والعويل والسكليبة والتخدير للجماهير المرخرخة المفنقلة طول اليوم وعايشة في عالم وردي !!

  4. لقانون واضح في خريجو الاصلاحيات ومرتادي السجون

    اعلاه خطة يراعك يا موج يا أزرق فالسؤال دكتورك أشرف الكاردينال خريج وين ؟؟؟؟؟؟؟؟؟؟ بتتكلم عن الإصلاحيات والسجون
    ومن هو فريق الحكام المدلل يا أزرق انتو بتكتبوا لي مين
    نقطونا بسكاتكم قبل ما نتشتشكم يوم السبت

  5. بوم السبت ورونا بيت البكا وين ياموج يا أزرق

  6. يازول إنت متعطش للكفوف ولاشنو. شايفك كاتب الحكم الكف.ماتشفق الكفوف في انتظارك باليمين والشمال يوم السبت. لكن قبل ذلك اكتب صح الكلمة الماقدرت تكتبها صح هي الكفوء وليس الكف.

  7. الزول دا معروف اتجاهه ولذلك لما تحدث عن الاصلاحية يقصد الكاردينال ويرى لو حسمته المفوضية لما كان هناك سوداكال هذا رائه رغم اختلافنا على خطه الهادم للهلال!!!

أكتب رد

أدخل تعليقك من فضلك!
أدخل إسمك هنا من فضلك