المريخ يتفاجأ بارتباط عاطف خالد بعقد مع الخرطوم الوطني

ههههههههههههه والله ناس المرخرخ ديل ناس مضحكين بشكل، حكايتهم زي حكاية الزول القبض الطيرة وماقص جنحينها ومشي بينفخ في النار عشان ينجضها، ولمن جاء راجع لقي الطيرة فكت البيرك …..!!
الناس ديل شفقتهم وجهلهم بخليهم يعملوا حاجات تضحك الحمار زاتو، السنة الفاتت مشوا اختطفوا لاعب الأمل عطبرة وجابوهوا مكاتب الإتحاد عشان يسجلوهوا برضو “إتفاجأوا” بي حكاية إنو مرتبط بي عقد !! صفوة “كفوة” من أمها، وبعد ده الفصاحة وطولة اللسان ماتديك الدرب…..!!
عاطف خالد ده لمن جبتوهوا ودخلتوهوا غرفتكم السرية، إنتوا لو جاهلين وماعارفين إنو مرتبط بعقد مع الخرطوم الوطني، هو ماقال ليكم حاجة ولا نوركم؟ فعلاً وافق شن طبقة……ولا يكون اللاعب مفتح ولقي الجداد والمكيف وضرب الجو وقاعد يلغف ساي ومخليكم لافين تظمبروا وتطبلوا في الجرائد وتخدروا في جماهيركم !!
غايتو البتاع الطوالي ده شكلو حايخليكم مخدرين كدة وفي النهاية يصفيها ليكم علي المواسير وشلة العواجيز السجلهم ديل، مضاف ليهم عجائز المحترفين من ناس عمو أيمن سعيد والكاميروني الجابوهوا لحدي الخرطوم وقالوا إسمو بلاتيني وطلع في النهاية معطوب !! ههههههههههههه
لكمة أخيرة: باصات الوالي “سيد الإسم” رقدت معطوبة في الورش، ومواسير الوالي “البتاع الطوالي” حاترقد معطوبة في الحفرة !! هههههههههههههههه

هذا الخبر يؤكد أن الإداريين الذين سطوا على ساحات الكرة في بلادنا لا يفقهون شيئاً عن الكرة أصلاً .. بالله عليكم كيف يستقيم عقلاً أن نطلق على هؤلاء إداريين .. وكيف نمرر هذه السقطة على من يدعون أنهم نقاد رياضيين لأن الناقد الرياضي يجب أن يكون ملم بكل صغيرة وكبيرة أيضاً .. لذلك كل كاتب كبر وهلل لهذه الصفقة هو في مصاف إدرايي الغفلة هؤلاء