المريخ يقدم عدداً من لاعبيه كهدية لمريخ نيالا في التسجيلات المقبلة
وعد مجلس إدارة نادي المريخ على لسان عبد الصمد محمد عثمان نائب رئيس النادي ورئيس القطاع الرياضي بتقديم عدد من لاعبي الفريق كهدية لمريخ نيالا في فترة التسجيلات الشتوية المقبلة وذلك تقديراً للعلاقة الكبيرة التي تربط المريخ العاصمي بابنه مريخ نيالا وبكل الأندية المسماة على اسم المريخ في السودان مبيناً أن المريخ ظل على علاقة وطيدة مع كل الأندية في السودان وسيحرص على أن تكون تتواصل العلاقات مع أسرة نادي مريخ نيالا في المرحلة المقبلة، يذكر أن المريخ سبق وأن تنازل عن لاعبه أسامة جقود لمصلحة مريخ نيالا في فترة الانتقالات الشتوية الماضية بعد أن انتهت إعارة اللاعب من ناديه المريخ لنادي مريخ كوستي.
شغل (بالوكالة) ده خلونا منو
يعني فرحتوا لمريخ نيالا عندما غلب الهلال العاصمي
سبحان الله ، إدارة جدا متواضعة لا ترقى لأن تكون لفريق المريخ
حجرم ،،،،
اللاعب في حال الاستغناء عنه عن طريق الشطب أو الإعارة يكون له الحق في اختيار الفريق الذي يرغب فيه…ما في حاجة إسمها هدايا…
ههههههههههه. يعني دفعتوا تمن التلاتة نقاط؟؟ الاختشوا ماتوا
عشان كده حصل الدعم ..انت ادعمني وانا ادعمك
مواسير مع مواسيرهم إتفقوا وطبخوا اللعب….عااااااااااااادي…….بس المشكلة بعد ده الوصافة تطير والبكاء والجعير يكتر !!
لكمة أخيرة: سمعنا ناس بيشتروا نتائج المباريات عشان يفوزوا ببطولة، بس حكاية يشتروا مباريات عشان يحصلوا علي الوصافة دي سبقتوا فيها الأولين والآخرين ياناس المرخرخ ههههههههههههه التحية ليكم وإنتوا بتواصلوا في إضحاكنا وإمتاعنا دائماً