المشاكل تحتدم بين عبد الصمد ومحمد موسى وقدامى اللاعبين يقفون إلى جانب المهندس

1
1770

احتدمت المشاكل والخلافات بين عبد الصمد محمد عثمان رئيس القطاع الرياضي بنادي المريخ والكابتن محمد موسى مدير الكرة مرة أخرى بعد أن كانت الخلافات نشبت بين الثنائي في رحلة الفريق الأخيرة لكنانة خاصة وأن تلك الخلافات لم تكن الأخيرة بل بدأت منذ أكثر من عام عندما كان محمد موسى يشغل منصب مدير الكرة بالنادي، وكانت وسائل الإعلام قد تحدثت عن أن عبد الصمد طالب بإبعاد محمد موسى من دائرة الكرة وتحويله إلى العمل في فرق المراحل السنية بالنادي، وقد وجد قرار عبد الصمد وخلافه مع محمد موسى صدىً كبيراً خاصة من جانب قدامى نجوم المريخ والذين حرصوا على حضور مران المريخ مساء اليوم والذين وقفوا مع محمد موسى وطالبوا بضرورة أن يحافظ على وجوده في دائرة الكرة بالنادي لأنه يمثل قدامى اللاعبين بمجلس الإدارة والمريخ في الوقت الحالي.

المشاركة

1 تعليق

  1. الحكاية ولعت وشعللت وإحلوت علي الآخر، وأنا بديت أشك إنو عبد الصمد ده “طابور” هلالابي مدسوس لزرع الفتنة وعدم الاستقرار في صفوف المرخرخ !!!
    ههههههههههههههههه
    ناس المرخرخ بكوا وماتوا عشان يرجعوا البتاع الطوالي بلجنة من أصحاب الأموال (المهولة علي قول أبو المستعار المندلاوي) عشان تنقذ المرخرخ من خطر الضياع، بس المصيبة طلعت إنو المجلس حتي الناس الجوا فيهو كشكروا يومين تلاتة وطلعوا بعد 10 إجتماعات بي تبرعات بلغت 3 مليار جنية بس !! والظاهر إنو حتي ال 3 مليارات كانت عبارة عن نفخ إعلامي وحب ظهور وتلميع شخصية فقط، لأنو لو كان إندفعت كان علي الأقل حلوا مشكلة جابسون وترتوري بتاع البوري !!
    مجلس فيهو 28 عمة وجلابية وليوم الليلة غير طمطم ومنو ماعارف داك الدفع حق الطيارة بتاعة (النقطة) بتاعة كادوقلي ماشفنا زول تاني….!!
    الزول الوحيد الإستفاد من اللجنة دي هو الأستاذ المرشدي، حقق هدفه وركب عوده في اللجنة وهاك يا وليع نار بي تحت تحت وتحريض لاعبين وسمسرة مدربين (غرزته في الطريق والمائة ألف دولار مرقت خلاص) ، وخلي ليك المساكين من المخدرين من ناس أبونجود وباقي المساكين يلقطوا في قروش النفرات ويكوركوا لمن حلقهم ينشف……وفي النهاية الممتاز يحط رحاله في أرض الهلال الطيبة المباركة كالمعتاد بعون الله !!
    قلتوا لي قدامي اللاعبين ينحازوا لمحمد موسي؟ هو بالله قدامي لاعبينكم عندهم ممثل في اللجنة وبقي عنده رأي؟ سيبوا الكضب والنفخ ياعالم…..
    اللهم زدها إشتعالاً وفرق شملهم وأحفظ الهلال من شرهم ومكرهم وحقدهم يارب

أكتب رد

أدخل تعليقك من فضلك!
أدخل إسمك هنا من فضلك