صحيفة كورة سودانية الإلكترونية

الناس ظروف يا أخوانا

3

في السلك

بابكر سلك

الناس ظروف يا أخوانا

*اذا أردت أن ترسم رسماً بيانياً لحال السودان
*ماعليك إلا أن تضع صورة اللواء الزئبق الى جوار صورة بشة
*عندها سترى خطوط رسمك تشكل بياناً لحال السودان
*اللواء الزئبق قائد القوات السودانية للدفاع عن الكويت من ضمن القوات الحليفة
*في وداع البعثة السودانية بالمطار تم منحهم ظروف
*فكان موقف الزئبق الذي شرف التاريخ
*صفا
*اييييينتباه
*ارضاً ظرف
*تقدم بالشمال على سلم الطيارة معتدل مارش
*مع مي ما
*موقف هز الوجدان
*لأن سعادتو قال لأمير الكويت
*لسنا مرتزقة نحارب مقابل المال
*ضع موقف سعادتو الزئبق ده الى جوار موقف سعادتو البقبض ده
*تتضح لك خطوط كنتور السودان
*تراجعت قرب بعضها عن الظروف في أعلي قممها
*وتباعدت وانبرشت وقبضت عند أدنى مناسيبها
*وبعدين ده ظرف شنو ده البشيل مليون دولار ده
*البنعرفو الظرف ضيق
*وطوالي الظرف ضيق
*لكن ظرف جامبو ده يطرشنا عاد
*والغريبة لا لدنيا قد عملنا
*يعني لو عملنا للدنيا كان عملنا شنو؟
*قلت لي خالتي زولك طلع قباض
*مليون دولار في ظرف
*قالت لي أجي يا البرقش
*قلت ليها ده ما كلامي
*ده كلام البرقش بي نفسو
*وقباض يقبض قباض
*قالوا الحلقة الجاية حايورينا أدى منها منووووو
*ولي شنووووو
*أيها الناس
*أيها الناس هوووووي
*فرحنا بثورتنا
*وقدرتنا
*ومقدرتنا
*لكن حاجات عدم التنسيق دي مابتشبهنا
*وما بتليق على دماء شهدائنا السالت راوية الساحة
*ما ممكن يكون اختيار ممثلينا بالمجلس السيادي زي تشكيلة المدرب عديم الشخصية
*كلما يتدخل إداري
*يغير التشكيلة
*وكمان جابت ليها تبديلات أثناء سير المباراة
*وأوع تكون القصة دي حاتتكرر عند تعيين مجلس الوزراء والمجلس التشريعي
*لأننا مابنتحمل أكتر من كده
*أخلاقنا جات هنا
*القصة ما قصة موازنات
*القصة قصة شعب حب يبني بلدو بثبات
*والزمن ما زمن مخصصات وسارينات وتشريفات ووجاهات
*ولازمن ظروف
*وحكاية الظروف الطويلة
*وقفلة الدروب العديلة
*حانبدأ من نفوسنا ونزيلها ما بنعيده
*ولو وقف زماننا في طريقنا
*وضاقت المسالك علينا
*أنحنا رح نواصل ونمشي لو شقينا
*أنحنا لو قررنا إنو نبدأ حا نعمل
*ولو قدرنا نتمسك بمبدأ حا نوصل
*لانقعد ولا نقنع ولا نكسل ولا نتخاذل او نرجع نقووووول
*حكاية الظروف الطويلة والواقع البيضحك علينا
*هكذا كنا ننشد ونحن طلاب بالجامعة
*وهكذا أحس بأناشيد شباب اليوم
*لله درك يارفيقي أكرم زكي كاتب الأبيات أعلاه
*يبقى دايرين نبني والطين قرب ينشف
*نشفتوا ريقنا كمان دايرين تنشفوا طينا؟؟
*قال ظرف قال!!
*آها
*نجي لي كورة أبو الهل والوصل
*حملتك أمانة يا ساعي البريد
*كنا نظن أن الهلال سيتخذ تجاههم موقفاً معبراً عن موقفهم من ثورتنا
*لكن يظهر الهلال ما بلخبط الكيمان
*ما بدخل السياسة في الرياضة
*ولا بعرف السفارة الفي العمارة
*دليما قبل قونو عندو كورة في القائم
*وعلي صالح قبل قونو عندو قون منقوض
*وعلي الطلاق لو لعب جمال سالم ما كان انتهت اتنين
*سالم طبعاً راجل دولي
*عليكم اللة كورة الرد لعبوهوا ياروشا
*على الأقل تلقوا ليكم سبب
*أيها الناس
*القال ليكم منو الهلالاب زعلانين؟
*ولازعلانين ولا شيء
*أصلهم ماشغالين بالبطولة دي
*بشتغلوا بس بالبطولة المحببة الأبت تحبهم تسعين سنة ديك
*وهم ذاتهم مشوا الإمارات مشتاقين ساي لي كردنة
*الزول ده راجع مع البعثة يا روشا
*ولا لسه ما لقى حجز
*المهم
*انتهت على كده لأنو الهلال كلو قاعد ورا
*لو الهلال ده مشي قدام الوصل كان عرف حاجة
*كان عرف كيف ممكن تكون كرة القدم زي كرة السلة
*اي هجمة رجمة
*لكن الهلال قعد ورا
*بس اوع يكون فيها ظروف ياروشا؟
*كفاية الظرف الضيق المحرجنا ده
*مليون دولار في ظرف؟
*دي مختوتة فيهو ولا مكتوبة عليهو
*غايتو ابو الهل يمسك قوي في قرعة افريقيا
*يمكن تجيب ليهو رايون اسبورت ولا خفافيش النهار ولا جعارين الغابة
*لكن بالعربي الفصيح او بالعربي الكسيح ياصديقي الحبيب ابو الامين نهي كرتا بالهندي
*ايها الناس
*إن تنصروا الله ينصركم
*آها
*نجي لي شمارات والي الخرتوم
*كان شفت يا والينا
*البلد بواعيضة تزاحم ضبابينا
*الضبابية دي شنو ورينا
سلك كهربا
ننساك كيف والكلب قال ظرف؟؟؟؟؟
والي لقاء
سلك

قد يعجبك أيضا

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد