صحيفة كورة سودانية الإلكترونية

النجيلة لسه صاقعة

4

في السلك

بابكر سلك

*ام المبادرات
*مبادرة الجار التي تهدف الي اعادة تأهيل الدار
*تمضي علي قدم ثابتة وساق قوية
*العمل ماشي الي نهاياتو
*في حاجات كتيرة تم انجازها وماظاهره للعيان
*ولكنها اضافة كبيرة للبنية التحتية
*الصرف الصحي مثلا
*اعيد تأهيله بمئات الملايين
*بحرفية تجتاز عيوبه المزمنه
*ثم حركة الموية الحلوة
*ثم تأهيل الحمامات
*وحاة الحلف
*في حمامات كان ملحوا ليك فيها تاكل
*ومن الاعمال الغير مرئية ماتم بغرف اللاعبين والحكام
*وماتم بصالات الفي آي بي والمكاتب والمقصورة
*واستجلاب اجهزة النظافه من العم سام شخصيا
*وانهاء اشكالية رصف المجري الدائري حول الملعب
*والكان بجيب لينا الكلام مع الكاف كتير جدا
*ولكن
*الملعب والمضمار هما العملان المرئيان للجمهور
*ماكنت داير الجمهور يشوف الاستاد من الداخل الا بعد انتهاء العمل
*ولكن للضرورة احكام
*المضمار وصل معلومه من الخارج
*شى جميل شديد
*وبدأت عمليات نظافة المضمار تمهيدا لتركيب الكسوة
*عمل كبير تم بالنجيل
*ولكن المظهر العام
*النجيلة لسه صاقعه
*مبرقعه شديد
*ومحتاجه جهد كبير وعمل متواصل حتي تشرفنا في يوم التأهل العربي بحول الله
*النجيل يحتاج مواصلة تسميد وري وقص ورملة
*لذا اقترح نقل التمارين الي خارج الاستاد
*واشد علي ايادي المشرفين ميدانيا علي تنفيذ المبادرة
*المهم
*قال لي الافريقي التونسي اخد تمنية من مازيمبي
*قلت ليهو يازول!
*قال لي علي الطلاق
*قلت ليهو الله يلعن الافريقي التونسي بقي لينا عارض بس
*قال لي بالشفناهوا ده ماتقطع العشم
*قلت ليهو ونعم بالله
*المهم
*من مباراة الامس يتضح اننا داير شغل شوية
*دايرين ندخل مباراة التأهل العربي بدون اخطاء
*من ناحية المهارات ماعندنا شك
*بس ناحية الجدية والاصرار والثقة بالنفس دايرين شغل
*دايرين الاولاد يختوا التأهل هدفا من دونه الموت
*ووصية خاصة لمحمد الرشيد
*الاحتفاظ بالكرة طويلا دون لازمة
*واللف والدوران بها كثيرا
*يجعل منك مصدر خطورة علي المريخ
*ومهمتك عكس ذلك تماما
*تمسك الكرة طويلا
*تعرض نفسك لاخطاء اكتر
*تلف وتدور بيها
*تزنق روحك وزملانك
*مشي الكورة يا حبيب
*وما اروع اللعب من لمسه في السليم
*التش
*ده شنو يازول؟
*انت نصيح؟
*اي زول يجي جمبك يسقط بس؟؟؟
*تعرف يا التش
*امس المعلق زاتو اتحاور
*قال البعمل فيهو التش ده سحر
*ولكنه السحر الحلال
*من الليلة يا التش
*وفقهيا كده
*السحر الاسود حرام
*لكن السحر الاحمر فهو حلاااااااال حسب إجماع جمهور فقهاء الكرة
*وهمسة في اذنك يا الساحر
*المراوغة للاستعراض لاتجدي ولاتفيد
*ولكن للضرورة تصبح ممتعة ومفيدة كما فعلت انت امس في شوط اللعب التاني
*ووصية للكابتن منجد النيل
*ماممكن يامنجد اي كورة تطلع منك تطلع غلط
*ركز ياخ شوية
*انت ولد موهوب
*تمسك الكورة وتبرطع بيها خط طمنطاشر كلو
*وبدون ادني تركيز تلعبها باستعجال غلط
*ولما نحتاج للزمن تأخر ارسال الكورة
*مالك يازول؟؟
*علي العموم
*برغم التعادل الا ان التجربة كانت مفيدة
*لان الاهلي كان رائعا
*وتحية للاهلي وجهازه الفني
*ايها الناس
*هدف المريخ الاول وهدف المريخ التاني وهدف الاهلي التعادلي
*دليل علي ان كرتنا تمرض ولكن لاتموت
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*ولا خليك
سلك كهربا
ننساك كيف والكلب قال شفت الحاصل؟اسكت بس
والي لقاء
سلك

قد يعجبك أيضا

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد