الهدوء الذي يسبق العاصفة وشواهد العبور تملأ المكان …

0
700

تغريدة واتساب
بقلم : معاذ ابومؤيد
الهدوء الذي يسبق العاصفة
وشواهد العبور تملأ المكان …

◀ سبحان الله ولا اله الا الله
والله اكبر ▶
معقولة بس الواحد اول مرة بطاريتو تستمر ساعتين ذيادة!!
القروبات تشكل حالة من (الصمت الرهيب )طبعا اقروها بصوت روؤف خليف..،،
وحتى تناول الاخبار وكلمة عاجل وحصري ذاتها قلت!!
والله انا شخصيا اطمنت اكتر
طالما في برود اعلامي في الصحف والقنوات …
مافي شي بيحيب لينا الهواء غير النفخ الإعلامي و الأعمدة الرنانة والعناوين الفخمة..
طالما ابتعد الاعلام وخفت الوتيرة وحالة الشحن الذائد بإذن الله التاهل آت ..
اطمنوا وكتروا من الدعوات ياشفوت المدرجات والقروبات …
حركوا الصمت في القروبات بالدعوات اتمنى كل واحد يكتب سطر دعاء واحد فقط في كل قروب مشارك فيه ادخل وشارك بدل الصمت واكتب
يارب انصر مريخ السودان “
••••••••••••••••••••••••••
تفصلنا ساعات قليلة عن معركة العبور لكن هناك مؤشرات كتيرة تلوح في الأفق للتأهل والنصر……
*ابتعاد الشحن الاعلامي وقلة المراسلين من الصحف في المعسكر و المباراة،،،،
*تسليم المال وانعاش جيوب اللاعبين،،،،
* عدم وجود ضغط نفسي او شحن ذايد في التدريب الختامي قبل السفر،،،،
* تلاحم الألتراس واللاعبين في التمرين الختامي والعفوية في التعامل،،،
* تشاؤم الكتاب والتجهيز للخروج المبكر،،،
* واهم المؤشرات نزول اللاعب السوداني للملعب وهو في حالة تحدي لإثبات الذات،،،،
لكن اكتر شي مطمني تشاؤم بعض الكتاب دا خلاني اخت بطيخة صيفي في بطني ….
••••••••••••••••••••••••••
هدوء وخوف عند الجميع تقريبا
لكن انا احساسي مختلف والله اعلم
التحام سكان مدينة العلمة رجع لينا شريط العام السابق وابداعتو ودا سبب تاني للاطمئنان
روح المكان ممكن تعيد شريط الذكريات لأغلب اللاعبين وتذكرهم ابداعات السنة الفاتت ..
الفنان لو ابدع في مدينة وهو في حالة طرب وكون صداقات تاكد تمام كل مايجي نفس المدينة والمسرح سيبدع مجددا ويطرب كل الحضور
ذكريات المكان تحرك مشاعر كل انسان،،،
واللاعبين بشرمننا وفينا اكيد المكان والملاعب ستولد لديهم مشاعر ودوافع آخرى…
ولاعبين المريخ شفوت عندهم صداقات من السنة الفاتت تقول عارفين نفسهم راجعين تاني …
الجزائر دي من مباراة فاصلة مصر عندنا معاهم علاقات …
يعني يعرفونا ونعرفهم …..
••••••••••••••••••••••••••
في شباب في القروبات عندهم حاجات طيبة وافكار جميله وحركوا الصمت بالدعاء وختم القران،،،،
وفي اخرين متخصصين في تنزيل الاعمده ،،
وجزء اخر متخصص في الحوارات والمناكفات ،،
وجزء اخر صامت صمت القبور…
وفي ناس شايلين هم الكيان
ديل الذبدة وديل هم الذاد في المستقبل
وانا متأكد تمام وابصم بالعشره انو داخل القروبات اشخاص مؤهلين لرئاسة النادي ..
ناس يحسسوك بالأمان علي مستقبل المريخ
باحترامهم للراي وحبهم للكيان وافكار تفيد المريخ…
تحية لكل واحد قدم الكيان علي الافراد..
والافراد معروفين تماما
••••••••••••••••••••••••••
ختاما
كتروا من الدعوات وباذن الله الخير آت
••••••••••••••••••••••••••
ونحن علي المدرج نشجع وندعم ونتفرج
حالة الاطمئنان العندي مخلياني اكتب واطلب من إدارة الاستاد فتح المدرجات للإحتفالات ونقل المباراة عبر بروجكتر والناس تشجع من المدرجات كانوا المباراة شغالا قدامهم ومتاكد ناس الألتراس حيكونوا اول الحاضرين بادواتهم عشان الألتراس متملكهم نفس احساسي ..
حضورهم في التمرين الختامي وتشجيعهم وبشاشتهم في التعامل مع اللاعبين دا الاطمئنان المذكور في علم النفس …
لو مدير الاستاد سامعني افتح المدرجات لأنو التأهل جاي بإذن الله وبعد المباراة حتعيدوا قراءة التغريدة وتعملوا اعادة ارسال عدة مرات ….
••••••••••••••••••••••••••
همسة اخيرة
حتستغربوا من الاحرف المكتوبه فوق …
الاحرف سطرت براها ومن غير اي تحضير مسبق !!
الاحساس سطر كل حرف في التغريدة والشواهد المذكورة كانت دافع لكتابة الكلمات ….
اتمنى ان لاتخيب احاسيسي
واتمنى ان تكون الصفوة في الميعاد…
واتمنى لإخوان راجي وبكري غدا الثبات واثبات الذات ..
الفرحة جاية بإذن واحد احد
نقول يااااااااااارب
••••••••••••••••••••••••••
خارج النص
اللهم انصر المريخ فوق كل ارض وتحت كل سماء
وربنا يثبت الاقدام
وباذن الله نرفع التمام وننتصر علي الوفاق والحكام!!
الحكام دي ختو تحتها الف خط احمر!!!!!
الدعوات مهمة ياشفوت المدرجات….
••••••••••••••••••••••••••
{اللهم أنت القائل ادعوني استجب لكم اللهم إنا نرفع الاكف سائلين طائعين منين وبكرمك وجودك طامعين اللهم نصرك وتوفيقك وسدادك لمريخ السودان،اللهم بدعاء المحبين وفق الزعيم واسعد بنصرك الملايين وحقق الرجاء وبلغنا مرادنا يا أرحم الراحمين}
••••••••••••••••••••••••••

 

تغريدة واتساب

ترك الرد

من فضلك ادخل تعليقك
من فضلك ادخل اسمك هنا