• فعلا الدنيا حظوظ.
• ما بتدي حريف.
• ماشة ما الوصيف باسطة ومنقة وشكولاتة كمان.
• دي قرعة شنو دي.
• قرعة البطولة العربية.
• الافريقية اتخارجوا منها بدري.
• اوقعت الوصيف مع مولودية الجزائر التعبان.
• اتحاد العاصمة افضل منو بمليون مرة.
• القرعة دي ما شافت الوداد ولا النجم الساحلي.
• معقولة حتي ما تشوف الهلال السعودي ولا الوصل الاماراتي.
• طريق الوصيف مفروش بالورود الي دور الاربعة.
• ما بعيد يهزم المولودية رايح جاي.
• لكن الغريق قدام.
• حدكم دور الاربعة.
• ما بتقدروا على التماسيح الكُبار.
• شفع هلال السعودية عذبوكم.
• مافي طريقة تلعبوا طوالي في دور الاربعة ؟
• ما قادرين نصبر.
• هناك المحك الحقيقي.
• زي تمهيدي البطولة الافريقية.
• طلعتوا بدري بدري.
• عارفين السيرة دي بتعمل ليكم هستيريا.
• حصريا على الكبار فقط.
• سيدالبلد سيرته على كل لسان.
• لعب مباراة العمر في تونس.
• ومازال التأهل قائماً بإذن الله.
• لكن تعال شوف ناس قريعتي راحت ديل.
• طلعوا امام فريق يشارك للمرة الثالثة افريقياً.
• فايبرز الاوغندي.
• السنة الجاية مع ناس ازرق التبلدي والشرطة القضارف.
• الكونفدرالية زاتها صعبة عليكم.
• برضو دور الاربعة ما بعيد.
(صمت اخير) ..
• إتمنيتك نيـل وبـَوادِي وغيمة ظليلة وضُل نيماية
• إتمنيتك نـوراً يشرق نقطة مطرة وعطاء غيماية
• إتمنيتك عِـز الصيف سعفة معلقة في تَمـرايـا
