صحيفة كورة سودانية الإلكترونية

اماسي الخرطوم وليالي امدرمان

3

 في السلك

بابكر سلك

*بالامس استفسرنا عن موقف الدكتور خيري
*وقلنا رأينا
*وهاهو خيري ينثر علي سماوات المواقع الاسفيرية وجهة نظرو
*لم يترك شاردة عقد شيبوب
*ولا واردة كاس
*بعد كده العاقل يميز
*ولو انو خيري في حتت عقد شيبوب الضاع وما اترسل مع الشكوي
*ولكنه اي العقد اتلقي بعد انقضاء المهلة الممنوحة للمريخ
*الحتة دي مدثر ماخاض فيها كتير
*اشار ليها مجرد اشارة
*كنت دايرو يتناولها بالتفصيل الممل
*لانو شكوي شيبوب برضك شكوي تخص المريخ
*وكان من الممكن براحة ان يصدر فيها حكم لصالح المريخ برضو
*فمريخ الزمن ده لايختلف عن مريخ الزمن داك
*وستر خيري لحقائق من الوكت داك
*لافي صالحو ولا في صالح المريخ
*بل ضرر كبير وقع علي خيري جراء ذلك التآمر وضرر اكبر اصاب المريخ في مقتل
*كان توضح الحقائق بتفاصيلها عشان شعب المريخ يلم بكل الحقائق يا دكتور
*علي كل الرجل نشر ما اراد ان ينشره
*تعقيبا علي ما نشر حول تولية الادارة التنفيذية في هذا الوقت وشكوي كاس لسه في الفرن
*وخلص الي آنه بالادارة القانونية بالاتحاد
*وخصم المريخ الذي يرد علي شكوي المريخ امام كاس هو لجنة الاستئنافات
*ومدثر ماعضو فيها علي حد تعبيره
*المهم
*الانباء تقول بكري بدأ يشعر بالالم
*نحنا قبيييل شن قلنا
*موش قلنا الطير حاياكلنا
*كنت اتخوف
*والآن اقول
*ان شاء الله البتقولوا امي مايبقي
*والبتقولوا مرتي يبقي
*احكي ليكم قصة الكلام ده
*قالوا الزول اتاخر مارجع البيت
*اتأخر شديد
*قام قال ان شاء الله البتقولوا امي مايبقي والبتقولوا مرتي يبقي
*قالوا ليهو كيف يعني
*قال ليهم في تأخيري ده امي بتقول
*ياربي ضربتو عربية؟
*ياربي جاتو طلقة من بندقية بنية في المظاهرات؟
*ياربي سوالو مشكلة البوليس مسكو؟
*ياربي الحافلة وقعت بيهو من الكبري في البحر؟
*اما الزوجة فتوقعاتها عن اسباب نفس التأخير
*المعفن
*بكون اسي عازم ليهو واحده غدا في الهيلتون
*الوسخ
*بكون في رحلة نيلية مع حنكوشات العز ديل
*الواطي
*بكون اتلمه ليهو علي بايره مغندلة واتفق معاها
*وهكذا
*عشان كده في موضوع بكري ده بقول
*ان شاء الله البتقولوا امي مايبقي
*المهم
*نقابل اهلي مروي
*ربنا ينصرنا
*في اي زمان
*في اي مكان
*ايها الناس
*يعني نفهم عودة ليالي الخرطوم واماسي امدرمان؟
*نحضر بس
*ايها الناس
*ان تنصروا الله ينصركم
*اقسم بالله ينصركم
*اها
*نجي لي شمارات والي الخرتوم
*والينا
*التراب ده
*تشيلوهوا من الشوارع بي جاي
*يرجع بي جاي ويجينا
*شوارع دايره الكتاحة ياوالينا
سلك كهربا ننساك كيف والكلب قال الربه الربه حي انا
والي لقاء
سلك

قد يعجبك أيضا

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد