انا ما بصدقكم ..!!

0
312

في الصمت كلام
محمد عثمان بلل
انا ما بصدقكم ..!!

• فجأة وبدون مقدمات.
• قالوا ناس الوصيف اتصالحوا.
• والامور رجعت زي ما كانت.
• وكمان أحسن من الأول.
• والمياه رجعت لي مجاريها.
• وهتف بدر.
• وهتفت أمل.
• اتصالحنا اتصالحنا.
• وبقينا أحلى اتنين وزي قمرين.
• ونعيش برانا ونعيش في جنة.
• لا يقولوا قالوا .. ولا يقولوا قلنا.
• تقولوا اتصالحتو.
• بعد المصارعة ديك كلها.
• وقلنا جون سينا اتحير في الآكشن دا.
• وقال متين مكمان مدير شركة المصارعة فتح ليهو فرع تاني.
• يعني بكل بساطة سينا مسكتو الغيرة من الحصل في استاد الوصيف.
• ليك حق يا جون.
• آكشن زي الآكشن.
• قال ليك عشاق (ام بي سي 2) و(ام بي سي آكشن)، وبقية قنوات الأفلام، ومدمني المصارعة.
• طالبوا بتحويل استاد الوصيف لحلبة مصارعة.
• للإستمتاع بالعروض الشيقة على الطبيعة.
• مش فكرة كويسة.
• قلنا ليكم شوفوا حظكم في المصارعة.
• عشان الكورة ما مشت معاكم.
• براكم شايفين الحاصل شنو.
• فكروا في الموضوع دا كويس.
• لكن قصة المصالحة دي ما وقعت لي في رأسي.
• حنك ساي.
• بس نعذركم.
• عشان مباراة الوداد قربت.
• أرجى الراجيك يا وداد.
• الليلة والليلة.
(صمت اخير) ..
• برضو ما مصدقكم.

ترك الرد

من فضلك ادخل تعليقك
من فضلك ادخل اسمك هنا