باقتضاب

4
490

عن كثب

ادراك عبدالرحمن

اطلعت على لقاء الامس بين المريخين بعد تعثر الامدرمانى مع الوداى نيالا وكنت اتعشم بتعادل اخر ولكن حقيقة خذلنى التحكيم صراحة وبعد ان تلمست طريقى كى اعرف اى الفريقين هو المريخ المقصود فلم اعرف لان الدافورى فى العنان والكرة فى العنان والتصوير ..انسى ..غباش لى درجة الجنان ..خطرت لى فكرة بان ابحث عن الملتحين ابان دقون لااقصد الكيزان ولكن بيكو وباسكال واخير وجدت باسكال يرتدى الاصفر وكذا بكرى ..والان تعرفت على ايهما المريخ …لو كان مريخ زمان لوجدت وتعرفت عليه باللمسات والاتزان كفريق عاصمى يلعب باتقان واتزان ولكن عك كروى وبعد ان تقدم اصحاب الارض بركلة صحيحة اعقبها التحكيم بركلة جزاء مجاملة وحينها ادركت بان الاحمر الذى كان يرتدى اصفر سيفوز وقد كان ..والزجاجى ميدو اطل برأسه فى المباريات الخفيفة واصبح الهداف بعد ان كرفسه الوداى هو والتش …اذا كان هذا هو مستوى المريخ الذى يتغنى به بنو الاحمر فعليكم العوض ..طوال الشوطين رفس وباسكال للمقاولات وللطفيش هو غايتو بنضف اول باول اما الوسط نطح بس…والله ظلمنا لعيبة الهلال ساكت…وانتقدناهم الهلال رووقه وفن وابداع وفى حضور البرازيلى سيبدع الازرق ان شاء الله فالهلال وضع اول خطوة صحيحة وصحح مساره لتطوير الاداء واعداد مبكر ناجح قبيل انطلاقة البطولة الافريقية حيث ان الطاقم البرازيلى سيكون لديه المام كافى بمايدور فى الفريق..اما افتتاح الجوهرة براحتك يا كاردى ماقصرت مع الفريق وان شاء الله يتم تسجيل محترفين بحضور فارياس مع التروى والاتقان.

عودة الى استاد نيالا وارضيته وتاسفت ان تكون نيالا الجميلة بدون استاد فمعرفتى بنيالا بدات ابان عملى بسودانير فهى جميلة وخضراء وبها مناظر خلابة رائعة ورحلات سودانير كانت يوميا الى الابيض برقم س د400الى الابيض بالبوينج 737

وتستغرق نصف ساعة فقط واجتهدت محطةنيالا  باصرار اهلها…وبعمل دؤؤب  بانشاء مطار يستقبل رحلات البوينق737..بحمدالله..نيالا الحضارة والجمال ايعقل ان تكون بها هذا الاستاد البائس؟!!ولم يصر اهلنا بالاقاليم تسمية انديتهم باسماء اهل العرضة وهم يلعبون مثلهم  ويمكن ان يمثلوا السودان اذا اجتهدوا اكثر كاهلى شندى واهلى مدنى وهلال الابيض ابداء المنافسة باسم مستقل وكن انت الافضل.

الازرق الوهاج

لقاء الشرطة ليس سهلا والتعثر سيكون مريرا بعد تساوى النقاط مع المريخ فالشرطة منعطف خطير ..خاصة فى غياب محمد موسى ونزار واوتارا  ان شاء الله سلامه ولكن الهلال بمن حضر فالازرق يحوى درر اذا ماوظفت توظيف صحيح وبشه صمام الامان..فمع بشبش تحلو الاوقات وياكاريكا ارجع للمزيكا….

بدور ببكى

لليله لمن يجى قون مابكتبو اسمو فى الشاشة..تصوير عواسة

امبارح بسرح فى المراية لقيت عندى قنبور بالجناب انو المريخ بدون رئيس..المكنه دى مشت فينا صدق.

شمهرووووووش اجمع

لبيك مولاى

مبسوووط منك ده حافز الوداى …والاستكس بتاع السمانى..ضرورى التش والزجاجى يلحقو اب دقن بيكو وباسكال…ويركبو دقون ويلفوو ساى.ومحمد موسى….

مولاى

شويد كاش ما موسى  كرمبؤلا فرند اكس  موهاهاهاهاها

موهااهاهاهاهاهاها…موهااهاهاهاها

الترجمة

محمد موسى اتكهرب بدرى والتش والزجاجى ميدو اديهم صنه بلحقهم السمانى…..

تحياتى

(مَا قَدَرُوا اللَّهَ حَقَّ قَدْرِهِ إِنَّ اللَّهَ لَقَوِيٌّ عَزِيز)ٌ

 

 

 

حمل تطبيق كورة سودانية لتصفح أسرع وأسهل

لزوارنا من السودان متجر موبايل1

http://www.1mobile.com/net.koorasudan.app-2451076.html
3,699 حملو التطبيق

لزوارنا من جميع انحاء العالم من متجر قوقل

https://play.google.com/store/apps/details…

13230 حملو التطبيق

على متجر mobogenie

http://www.mobogenie.com/download-net.koorasudan.app-357365…
5000+ حملوا التطبيق

المشاركة

4 تعليقات

  1. انت لا تدرك شئ …حاقد ..ثم متي تساويت مع المريخ في النقاط 70مقابل 67 وبل رأسك قبل الاعتقال من قبل الشرطه ..

  2. يا متخلف دة شنو البتقول فيه ده ؟؟؟ نحن في 2017 اصحى يا بريش … معقولة دة صحفي والله حرام عليكم يا ادارة الصحيفة تنشروا الطراش دة .. بالغتوا والله ..
    بعدين قلت الزجاجي ما بظهر الا في المباريات الخفيفة !!! هههههههههههههههههه دة دليل على ان جلفوط البلد خفيف ولفيف وظريف لأنه الود الزجاجي ظبطو بي قونين …
    وعايز تقارن الجنايز العندكم بفرقة الاحلام المريخية؟؟ شن جاب لجاب .. السماء والارض … والليلة بإذن واحد احد بتشوف بي عيونك يا شهرموش … الشرطة كيف؟؟؟؟؟
    بعد الدجل يقوم يكتب آية قرآنية سبحان الله … زول متخلف ومريض نفسي وعندو فوبيا اسمها المريخ … سؤال اخير يا شهرموش : متى آخر مرة فاز فيها جلفوط البلد على الزعيم ؟؟؟ لأني بصراحة كدة ما متذكر ………ههههههههههههههههههههههههههههههههههههههههههههههههههههههههههههههه لأنك صحفي بتكتب ساي ما ح تعرف تجاوب ..
    والله فعلا مهنة من لا مهنة له ……………………… اعوذ بالله اعوذ بالله اعوذ بالله منك يا ادراك عبدالرحمن

  3. رايك في المريخ غير مهم ورايك في الهلال اظنه غير مفيد .
    بس نصيحة لوجة الله ابتعد عن عن كتابة الفاظ الدجل هذه
    ده نشر للباطل وكما ذكر لك الاخ كيف لك ان تذكر مصطلحات الشعوذه هذه وتتبعها بكلام الله إنت زول
    عجيب وبتكتب ساي شكلك داير تحاكي سلك غايتو
    الموقع ده ذاتو مفروض ينزل اجود المقالات ويرتقي
    بنفسه وقارئه نحنا دايرين نقرا كلام نستفيد منه ونستمتع
    موش تقلبو بطنا بهذا العبس .

أكتب رد

أدخل تعليقك من فضلك!
أدخل إسمك هنا من فضلك