بالكيف لا بالكم

4
1009

في السلك
بابكر سلك

* ايها الناس
* من سنة تلتين ونحنا بنسجل
* ولكن متي نجح كل الجدد ???
* في الماضي كانت نسبة الفشل ان وجدت لا تتعدي الواحد بالمائة
* وفي الحاضر وصلت الي تسعين بالمائة و مرات مية في المية
* قبل كده الهلال سجل طابور
* يملوا قطر
* اتسجلوا في يناير
* وفي سابقة فريده من نوعها اتشطبوا في مارس
* كان الفشل سببه التسجيل بشوفونية
* فكردنه وقتها كان جديد و يحتاج للتلميع
* لذا اهتم بالكم وترك الكيف
* والقصة دي حصلت في المريخ كتيييير ولا تحتاج لامثلة
* لذا نوصي لجنة التسجيلات الحالية
* ونسأل قبل ان نوصي
* هل هي لجنة تمتلك الكفاءة لهذه المهمه والخبرات ???
* ثم نعود لنوصي اللجنة الفنية
* يا لجنتنا الفنية
* التسجيل حسب الحوجة
* واذا كانت العين بصيرة والايد قصيرة
* يبقي المفاضلة بالاهم و التسجيل للاهم
* مع عودة المعارين امثال اب عشرين ومغداد
* والعمل علي التجديد للقدامي البجي منهم
* ففريق جيد بلا خبرات لا يكفي
* و خبرات بلا مجهود لاتنفع
* وجمال سالم مهم جدا يا لجنتنا
* بالذات وجمعه عائد الي كوبرو
* ومكسيم حردان
* وجمال مجنس
* والمدعوم حيران
* يمكننا ان نمد رجلينا قدر لحافنا
* اذا اعلنا حدود لحافنا
* وعيب الزاد ولا عيب سيدو
* ايها الناس
* بعض القروبات تتريق علي المجلس في هذه المرحلة الحرجة
* وكأن المريخ لا يعنيها حاليا في شئ
* والغريبه كانت نفس هذه القروبات مهتمه بالمريخ ويعنيها كثيرا في مرحلة كده
* وهاهو قروب ابو فياض يعلن نفرة ونصرة لدعم التسجيلات
* ويقدم الدعوه للقروبات الاخري
* بطلوا تريقة في المرحله دي وادعموا الوطن
* الشعوب الراقية لا تسخر من اوطانها ابدا
* ايها الناس
* لاعبين تلاته ناجحين
* ولا كوته بكرة كلها تطلع في كشف الشطب
* والكلام ده ليك يا اللجنة الفنية

* المهم
* معدن الناس بظهر في الاوقات الحرجة
* اتمني ان نتلألأ كلنا في هذه المرحله ونتوهج
* فاي مريخي يفترض ان يكون نفيس المعدن
* مريييييخاااااااب
* تكفي للتمتع بالرقم الوطني
* القبلية لا تضيف ليك في وطن المريخ وصف
* مريخااااااابي هي الجنسية والجواز و الفخر و الانتماء ورخصة القيادة و التأمين الصحي

* ايها الناس
* يجب علي المجلس ان لا يسجل متأثرا بالضغوطات الاعلامية وتلك الهلامية
* لاعب واحد عليهو القيمة افضل من تلاته بي الف البلملم فيهم كردنه ديل
* ولحم الراس ممكن يشتغل كفته
* لكنه يطرد الزبائن
* ايها الناس
* ان تنصروا الله ينصركم
* اها
* نجي لي شمارات والي الخرتوم
* والينا
* نزل ولا لسه ما نزل ???
* طيب وكت ما نزل ليه ما نزل ???
* ماهو كان ما نزل لازم ينزل
* معقولة لانزل لا ينزل ????
سلك كهربا
ننساك كيف والكلب قال مانزل يمكن ورقو كعب او مابحافظ
والي لقاء
سلك

 

 

 

حمل تطبيق كورة سودانية لتصفح أسرع وأسهل

 لزوارنا من السودان متجر موبايل1

http://www.1mobile.com/net.koorasudan.app-2451076.html

3,699 حملو التطبيق

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app

13230 حملو التطبيق

على متجر   mobogenie

 http://www.mobogenie.com/download-net.koorasudan.app-3573651.html

5000+ حملوا التطبيق

المشاركة

4 تعليقات

  1. ((التسجيلات في الماضي كانت نسبة الفشل ان وجدت لا تتعدي الواحد بالمائة ، وفي الحاضر وصلت الي تسعين بالمائة و مرات مية في المية)) ..
    * في الماضي وفي الحاضر ، المريخ (الوصيف) في كل الأحوال !!

  2. بالكف و الشلوت يا دلقون يا ووصيف
    مغداد هههههههههههههههههههههههههههههههههههههههههههههههههههههه بالقاف يا محامي الحيرة كتاب فاقد تربوى

  3. * قبل كده الهلال سجل طابور * يملوا قطر * اتسجلوا في يناير * وفي سابقة فريده من نوعها اتشطبوا في مارس
    * كان الفشل سببه التسجيل بشوفونية * فكردنه وقتها كان جديد و يحتاج للتلميع * لذا اهتم بالكم وترك الكيف.

    يااااااا بابكر سلك … إنت ( سلك ) واحد … بس فاقد ( سلوك ) …
    يعني فاقد ( سلوكي ) ده غير ( كاتب ) فاقد تربوي لأنك كتبت ( مقداد ) بالغين ( مغداد )
    طبعاً إنت لو ما جبت سيرة ( سيدك ) الهلال العظيم في ( صلاتك ) بتحس بيها ( ماها مقبولة ) ولازم جرايدكم تتوزع وعواميدك تتقري ، عشان كدة لازم ( تنكِّه وتطعم وتجمِّل وتزيِّن ) كتبااتك بـ( الهلال ) العظيم لتتشرف حروفك بالتزيُّن بها.

    * مريييييخاااااااب * تكفي للتمتع بالرقم الوطني * القبلية لا تضيف ليك في وطن المريخ وصف
    * مريخااااااابي هي الجنسية والجواز و الفخر و الانتماء ورخصة القيادة و التأمين الصحي

    فعلاً ” فاقد ” ( تربوي ووطني وإنساني )
    علي الطلاق ( سودانيتنا ) دي لو بقت على ( مرخرخكم ) ده طرفنا منها ، وحتلقوا روحكم ( كم وعشرين نفر بس ) باللاعبين والإدارة والجمهور … والدليل ( وصفاتكم الداااااااااااااااااااااااااائمة ) والملاااااااااااااااائمة يااااااا ( لؤمة ).

    * لاعب واحد عليهو القيمة افضل من تلاته بي الف البلملم فيهم كردنه ديل

    ما هو بااااااين ( في العيون سهرن هجد ) وإنت برضك يا سلك من غير ( بلد ) … شفت الألف البلملمهم كردنة ديل ( حامينك كاس الممتاز كمين سنة ، وحامينك كاس السوان كم مرة كدة … ( أوعى تحسب لي كاسات ناس مولانا سمير فضل وإتحاد السجم المخلوع بقيادة ود عطا المنان …
    ياااااااااااااا خي والله خليتوووووها ( حلّ ) وبرضو عندكم نفس وعين تتكلموا بيها يااااااااا وهم.
    بالله في ( متحامي ) بقول ( مغداد ) … بشتنتوا اللغة جنس بشتنة وأدبتوا أمها يااااخ …

  4. نبذه صغيره عن معركة التسجيلات وبالتحديد فريقي القمه …تدور رحاها سنويا ويكسب الطرفان افضل العناصر …ويبقي اثبات نجاح تلك العناصر ..في الهلال لن نقول ان لاعبيه مواسير او فاقدي العطاء ..بل وبكل صراحه انهم مجموعه جيده ولكن تفتقر الي عدة اشياء وهي اداريه بحته اولا العامل النفسي للاعب وثانيا الامان وثالثا حب الكيان والثقه وعدم الاستقرار والجو الاسري والترابط …والطمائنينه ..وكل تلك العوامل مفقوده لذلك لا يعطي اللاعب جزء مما عنده لانه يفتقد الامان..سجل الهلال من المريخ كل من شيبوب وابراهومه والشغيل وفيصل موسي ووليد واكرا وجابسون واخرين وكلهم فشلو فشل زريع مع انهم ابدعو في المريخ ..فمها سجل الهلال سيبقي الحال علي حاله لعدم توفر العوامل التي تتوفر في المريخ ومنها الجو الاسري والترابط بين الاداره واللاعبين والثقه والامان وعدم الاسقرار مع اداره تهتم للفوز خارج الملعب اكثر من داخله ..مع اداره تعتمد علي اعلام سالب همه موائد قيل عنها الكثير اعلام اتهم بالرشوه غقلب قلمه مائة درجه لصالح الراشي يبني لهم كوكب لا يهزم . اذا لا خوف من تسجيلاتهم وسيبقي الوضع علي ماهو عليه …اما المريخ وبكل صدق فكل من ارتدي شعاره جعل لنفسه اسم ومكانه وكل من سجلناه من الهلال نجح نجاح باهر وكل ذلك للاسقرار والامان والثقه والعامل الاسري والترابط والعطاء بلا حدود والغيره علي الشعار ..فان سجل المريخ اي لاعب مغمور سينجح لتوفر عوامل النجاح …فتسجيلات الهلال محلك سر وغدا سنري الاتهامات والطرد هذا هلالكم الان ..وبالتوفيق للمريخ باذن االه

أكتب رد

أدخل تعليقك من فضلك!
أدخل إسمك هنا من فضلك