بدت المكاجرة

في السلك

بابكر سلك

بدت المكاجرة

*انتهت الانتقالات
*قام المريخ بعمل كبير في هذا المجال
*دفع الجمهور للتفاؤل بموسم أفريقي قوي
*ولن يتأتى ذلك إلا بالوقفة القوية وتهيئة الأجواء التي تصنع الإنجاز
*ولكن كيف وفينا من يتمنى فشل الجدد لأنو جابهم حازم
*وفينا من يتمنى نجاحهم لأنو جابهم حازم
*والمريخ في (المنهمين) لا يتذكره أحد
*لأننا أدمنا حب الزعيم من خلال حب الأفراد
*ونسينا أن الهدف الأسمى هو المريخ
*لازم يتحقق نجاح الجدد حتى ينجح موسم الزعيم
*جابهم حازم
*جابهم السيل
*لازم ينجحوا
*لأن نجاح موسم المريخ يكمن في نجاح التسجيلات والاستقرار
*ولا يتحقق الاستقرار عن طريق حب المريخ بالكربون
*يجب أن نوقع حبنا للمريخ مباشر بأقلام القلوب على صفحة المريخ
*حب بالكربون ما حبابو
*الحب والظروف ما سمح (ماحق ود الأمين)
*ود الأمين الفنان ما ود الأمين المريخابي
*في حروف مع الكربون ما بتظهر
*لذا حقو نراجع حبنا للمريخ
*البلقى كربون يبعدو بعيد
*فطالما زمن الغطغيط انتهى
*يبقى زمن الكربون لازم ينتهي
*خلونا نشم ريحة المطار
*طولنا منها
*بقينا زي ناس محمد عبد الماجد
*في ريحة المطار دي كمان أنكر يا محمد وقول ما برالمة
*أيها الناس
*بدت المكاجرة
*ولكن نتمنى أن ينهيها صوت العقل لأجل الكيان
*إذا كان لابد من الحرب
*عليكم الله ابعدوا بحربكم عن الميدان
*المهم
*قالوا عندنا بعثة رياضية مشت تركيا وشاركت
*منشط أبعدوه
*ومنشط جاب إنجاز
*ومنشط كعادته عاد هلال اليدين أقصد صفر اليدين
*القصة دي دايره تفاصيل
*ابقوا معنا
*أيها الناس
*كوارث فظيعة يعيشها أهلنا في بعض المناطق جراء السيول
*أين نحن كثوار من درء هذه الكوارث
*أين الأطباء والمنظمات والمسميات السياسية والأحزاب والشارع ؟
*الشارع عام
*سلوك الثورة يفترض أن ننفر
*الأهل كلهم أهلنا
*والوطن كلو حقنا
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شفت يا والينا
*المطر السنة دي ما فاجأكم براكم فاجأ كل أهالينا
*ما دايرين نشوف مسؤول خايض في موية مكفكف وبدلتو بي طينا
*دايرين حلول أو اقطعوا وشكم يا والينا

سلك كهربا

ننساك كيف والكلب قال بلد المفاجآت… أريت الصاروخ الصيني الطاشي داك كان فاجأكم وريحنا
وإلى لقاء