صحيفة كورة سودانية الإلكترونية

براااحة كدة

1٬211

في السلك
بابكر سلك
براااحة كدة

*امس الناس جابت آخرها
*التعادل امام الترجي جاب كثافة الناس
*من دقسة حمزة ضجت القروبات وصفحات الفيس بالضجيج والسب
*ناس ماخلت صفحة لريكاردو يرقد عليها
*وناس ماخلت صفحة لحمزة ولا لداؤود
*وناس تناولت مواسير البرازيل وسمسرة الزول الجميل
*وناس قامت علي النظام الاساسي
*وناس قبلت علي القائمين علي الامر
*وناس كالت سوداكال سبا
*وناس قالوا محمد المصطفي ده ماحارسنا
*وناس قالوا ياحليل منجد
*تخيلوا
*وناس قالوا البرازيليين الاربعة(اربعة)
*ولكن الناس جميعا اتفقت علي ان المريخ مفروض يكون فاز بجميع للمباريات التي لعبها بهذه المجموعة
*وانا اتفق معهم
*وطبعا هذا الافتراض اتي من واقع الاداء لكل المباريات التي لعبت حتي الآن
*اذن ريكاردو مفروض يلقي جمبة يرقد عليها قياسا بشكل المريخ في تلك المباريات وفرضية انو يكون غالب فيها كلها
*وشكل المريخ الذي اتي بفرضية ان يكسب جميع تلك المباريات
*كان للبرازيليين (الاربعة) نصيب الاسد فيه
*علي الاقل مافيهم زول بثبت الكورة علي مراحل
*وذلك الفضل للوطنيين ايضا عليه فضل
*ضف الي ذلك ان (القائمين علي الامر)ماقصروا في توفير المناخ المناسب الذي تمخض بفرضية الفوز في جميع المباريات التي اديناها
*اذن المشكلة وين؟؟؟؟
*اري ان المشكلة تكمن في عدم وجود مهاجمين ذوي خبرات تمكنهم من هذه المرحلة
*وكان يمكن ان يقوم اهل القرار باستجلاب المهاجم المناسب
*والطامة الكبري كانت حقيقي في الاستغتاء عن بكري المدينة في هذه المرحلة بتلك الطريقة الغريبة
*فوجود بكري ان شاء الله شوط في اي مباراة
*كان يمكن أن يساعدنا علي الجلوس في وضع افضل مما كان
*خبرة وقيادة وسرعة وسمعة تجبر الخصوم علي التراجع امامه
*اذن ماكان في داعي لذلك الاستغناء الا اذا كانت هناك امور شخصية لا علاقة لها بالمريخ والشأن الفني وصالح الكيان في هذه المرحلة
*علي كل
*الشكر للقائمين علي الامر
*والجهاز الفني
*وللاعبين
*البرازيليين الاربعة
*والوطنيين الاربعين
*ايها الناس
*بقليل من الاعداد النفسي يكون الامر افضل
*فمواهب زي ناس التاج يعقوب بقليل من الاعداد النفسي يمكن أن يكون عطاؤها اكبر
*فهل وعي القائمين علي الامر هذه الجزئية وعملوا علي توفيرها؟؟؟؟
*ايها الناس
*قطن وااااحد في مجموعتنا
*كان الليلة خمسة نقاطنا ديل بقن حداشر
*ستة القطن الهدية في الجيب الورا
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*يوم الخميس قفلوا كل الكباري علينا
*بقينا لايصين نلعن فيكم ونسب لينا
*معقولة الله خلق شعب شاف عذاب قدر العذاب العملتوهوا فينا؟؟؟
سلك كهربا
ننساك كيف والكلب قال مرات بعلقوا الواحد فينا في عمود لكن برضو ماقدر عذابكم ده يا المعلقين العمر كولو
والي لقاء
سلك

قد يعجبك أيضا
4 تعليقات
  1. الرقيق يقول

    يا سلام عليك حبيبنا واخونا سلك وعلى مريختك الخالصه ومريخنا فوق انشاالله

    والله يا حبيبنا سلك الناس ما بعجبهم العحب ولا الصيام فى رجب

    ورمضان كريم انشاالله وتصومو وتفطرو على خير

    وفى هذا الشهر الكريم ندعو الله حال هذا البلد الطيب

  2. سوداني مكتول بالحيا يقول

    ياوالينا الحاضر وياولاتنا السابقين الله لاعادهم – انتو قاعدين تقرو الكلام بتاع ودسلك
    ياخي كان فيكم مثقال ذرة من إحساس كان طرتو من قدامنا ونحنا ارتحنا منكم

  3. عبدالوهاب نوح يقول

    يا سلك كيف لكن قطن تاني في مجموعتكم؟ انتو ما قطن المجموعة دي يا خوي يعنوا يبقوا قطنين ؟؟

  4. ابوعمار يقول

    تعرف يا عبدالوهاب عمك تنقو ده شكله خرف هو ما حاسي انه المجموعه بتاعت المرخرخين كلها مقطنه ؟؟؟ معليش يا وهبه الكبر شين

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد