*بركة المابقت* *رسمية*

0
52

في السلك
بابكر سلك

> نحمد الله مابقت رسمية افريقية تقود للتسجيل بلوح الشرف الافريقي
> لو كانت كذلك كان فكت الساجور واعلنت وفاة الصفر الكبير
> ربنا يحلنا من جيل النكسة ده
> المهم
> نجهنا جهازنا الفني محظوظ محظوظ
> بقت الاقوان المضمونة تضيع مننا وسط دهشة المرمي زاتو
> ناكفنا وعارضنا لما افقدنا ناسنا الثقة بانفسهم
> فاصبحوا يؤدون بتلك الصورة المهزوزة
> لكن تحليليا
> الجوانب النفسية عند الزناطير كانت افضل
> اقنعوهم بانهم الافضل
> رفعوا معنوياتهم
> اعطوهم الثقة
> واوصوهم باللعب الضاغط
> ونحنا ما لاقين زول يقول للتش
> ما كل وقعة فاول
> الكورة بتمشي اسرع من الزول يازول
> المهم
> قصة هدف الهلال في الشوط الاول
> هي قصة احمد آدم الدائمة
> اي كورة عالية يخليها تسقط خلفو دون ان يحميها
> الزول ده من جانا ياها طريقتو
> الهلال ادي الشوط الاول بحرفية
> وتيري ادي الشوط الاول بمنتهي العشوائية
> تيري نجما علي صفحات الفيس بوك
> واظن انه اكتفي بنجومية الفيس
> خلاصة الشوط الاول
> ان العقرب كان يلعب وحيدا ضد الهلال
> حتي سومانا
> من عاشر قوما ياسومانا
> الهلال لعب الشوط الاول علي اخطاء المريخ
> ومع نهاية الشوط الاول
> كنت اسأل
> ياربي الناس الكانوا بنتقدوا المدرب في عدم اشراك ضياء ومحمد الرشيد
> ياربي رأيهم شنوووووو!!!!!
> وجاء الشوط التاني
> تخلي تيري عن الفيس
> واهتم(بالهد)
> فاجاد
> رفع الهلال الراية البيضاء
> والمريخ تسيد كل الامارات
> وتباري الاولاد في اضاعة الفرص
> ولكن الله لايصلح عمل المفسدين
> العزاء انها ليست رسمية
> ولاتقود للتسجيل علي لوح الشرف الافريقي
> وليست بطولة اقليمية معتمدة مثل سيكافا مثلا
> المهم
> المباراة في مجملها لم تأت بجديد
> الهلال بكل محترفيه فنيا ضعيف امام المريخ
> ويلعب مجبرا علي المرتدات
> شأنه امامنا شأن الفرق الصغيرة عديمة الحيلة
> ايها الناس
> الشكر لدولة الامارات
> الشكر علي وجه الخصوص لقناة ابو ظبي التي احرجت قنواتنا جميعها وهي تستعرض السودان بارثه وتاريخه وفنونه ونيله وشعبه الطيب
> عرضت قناة ابو ظبي واستعرضت السودان الجميل الاصيل
> عكست قناة ابو ظبي وجهنا المشرق الذي عجزت قنواتنا عكسه
> لان هم قنواتنا الاساسي
> قام سيادته وقعد سيادته
> نكرر الشكر لقناة ابو ظبي التي ابدعت في تعريف الناس بالسودان
> والتي قدمت الدروس والعبر لقنواتنا الكتيرة
> ايها الناس
> المريخ لاينقصه الا الاستقرار
> والنفس الطيبة
> وان نجعل المريخ اولا قبل اي مسمي آخر
> ويظل الصفر صفرا الي يوم القيامة
> كفاية انو معلق المباراة الاماراتي ذكر اثناء المباراة
> ان المرحوم سامي عزالدين هو اول وآخر كابتن سوداني رفع كأسا افريقية
> لذا يظل الواحد صحيحا والصفر صفرا
> ايها الناس
> لاتقتلوا مريخكم بايديكم
> الحرب ليست نقد
> ودس الحرب خلف النقد حيلة لاتنطلي علي انسان
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت ياوالينا
> مايرنو بقت تتحكم فينا
> ان الله لايصلح عمل المفسدينا

سلك كهربا
ننساك كيف والكلب قال حيرتونا
والي لقاء
سلك
،

المشاركة

أكتب رد

أدخل تعليقك من فضلك!
أدخل إسمك هنا من فضلك