تسريب معلومات وإصدار قرارات والطاسة الضائعة هي الدينارات!!

0
440

تغريدة واتساب
بقلم : معاذ ابومؤيد
تسريب معلومات وإصدار قرارات
والطاسة الضائعة هي الدينارات!!

من المستفيد من تسريب اخبار الإدارة قرب صدورها !!!
هل هو جس نبض ام هناك من يعبث بأسرار المريخ!!
والغريبه هناك اخبار خارج نطاق المجلس تسرب ايضا!!
الشارع الان يتقبل اي معلومة وتنتشر بسرعة البرق …
الواتساب اسرع من وكالة السودان للانباء( سونا) ….
تلقينا عدة أخبار ولم نسمع بعقد اجتماع!!
هل تم إنشاء قروب واتساب يضم اعضاء التسيير ومن خلاله تتم القرارات !!
قرار تعين وقرار استغناء وقرار سفر وقرار صرف رواتب ومستحقات وقرار جمعية عمومية والخ…..
الشبكات الإخبارية في الواتساب مفعلة اكتر من المكتب الاعلامي في النادي !!
طيب ماتضموا الشباب الشغال في الشبكات الإخبارية دي للمكتب الاعلامي وممكن تمسكوهم شغل الصحيفة الكترونيا تستفيدوا من خبراتهم وامكانيتهم !!
خبراتهم علي ما اعتقد اكبر من هواري!!
••••••••••••••••••••••••••
الإدارة تصرح بتسليم المستحقات!!!
طيب الريس سافر مصر لشنو؟؟
مش كان في تسليم مستحقات
انتو ياناس التسير الضبابية لشنو والمستفيد منو!!
خليكم واضحين بدل اللف والدوران
قلناها سابقا مافي شي ممكن يكون مخبأ لمدة ساعة!!
العولمة اسه تكشف المتخبئ
خليكم واضحين مافي زول حيقطع رقبتكم الواضح مافاضح سلمتو قولو سلمنا ماسلمتو ورونا قروش الدعم والرعاية والدخل والإعلان والنقل مشت وين!!
المباراة انتهت قبل ستة ايام مفروض اللاعبين يكون استلموا مستحقاتهم من تاني يوم !!
كدي براحة كدى ومن غير زعل
انتو مستكترنها عليهم ولاعندكم فهم ولاشايفنها كتيره عليهم!!
اصلو مامعقولة ستة ايام لتسليم رواتب والقروش عندكم !!
الجماهير دي زاتها عايزة تعرف الوضع المالي..
الاخ الرشيد الطاهر اطلع في الاعلام واظهر ماليك وماعليك!!
صحيفة النادي دي بدل شغالين فيها حشو بتاع اخبار وأعمدة خصصوا صفحة النص كاملة لأمانة المال!!
الجمهور عايز يعرف
لانو الصورة المالية فيها غموض
لاعبين يشتكون من عدم المال؟؟
مدرب يشتكي من عدم المال؟؟
والعاملين مامعروف وضعهم شنو !!
الطاسة الضائعة وين !!
الرشيد الطاهر البس توب الشجاعة واكشف الحاصل الاستفهامات كترت في القروبات
انت محتاج الشباب ديل في النفرة القادمة !!
صارحهم قبل النفرة الجاية عشان تساعد المشرفين وتطمن قلب الداعمين …
••••••••••••••••••••••••••
الغموض ممكن يبعد الناس من الدعم
تزمر اللاعبين والمدرب مافي مصلحة النادي
اعطوا الاجير حقه قبل ان يجف عرقه
واللاعبين ديل عرقهم ماعرق نصاح يعني شقيانين
والمدرب ذاتو شقيان وحلقومو اشرط بالكواريك
عندكم اي بنود ماليهة تانية وجهتو فيها القروش الجاتكم اظهروها للاعلام!!
الناس ماعايزة غير الصراحة
والصراحة راحة
سامعني اخونا الرشيد
ساعد المشرفين باستقطاب الداعمين…
صراحتك ومكاشفتك في الإعلام حتذيد من دخل النفرة الجاية….
••••••••••••••••••••••••••
ختاما
الضبابية في العمل العام ماحبابها والصراحة تقربك للعامة
••••••••••••••••••••••••••
ونحن علي المدرج نشجع وندعم ونأذر ونتفرج لكن المدرج كلو بيسال المستحقات للاعبين ليه تتاخر والمدرج بيسال كلو عن التفاصيل المالية!!!!
بردو بطن المدرج…..
وقبل دا كلو بردو بطن اللاعبين
ماصدقنا انهم امس اتنفسو من هجمات جون سينا!!!
عايزين نخليهم ينبسطو بالضحاكات
الدراااااااهم يالحبيب تعطيك الدافع للعطاء…
والجزائر محتاجة عطاء
سمعتني ياريس !!
••••••••••••••••••••••••••
همسة اخيرة
المدرج مامحتاج جس نبض عشان الاخبار اصلا واصلة وجاهزة موية ونور لنقل الاخبار..
يعني اخبار إقالة وتعين وسفر كلها واصلنا..
شكلو قروبكم بتاع الواتساب مخترق !!
اجتهدوا في تسليم المستحقات وتهيئة الاجواء قدامنا سفر…
عايزين نسمع بالعيون
ونشوف بالقلب اللاعبين وكل العاملين استلموا حقوقهم الماليه
دعوات الناس دي ودعوات اسرهم ممكن تعبر بينا الدور التاني…
••••••••••••••••••••••••••
باكر عندنا اقتراحات للتاهل بس لو نفذتوها مابتجينا عوجة ونشوف فهم الجمعية العمومية !!
انتظروا تغريدتنا غدا……
••••••••••••••••••••••••••
خارج النص
ناس العرضة شمال حولينا ولاعلينا ….
قلم واحد جهجة قبيلة كاملة!!!
عشان كدة قلنا مسرح الرجل الواحد مابنفع معانا مسرح الرجل الواحد دا في الفن انتهى متوفر حاليا في اليتيوب!!!
قلنا لازم نبني الكيان بالعمل المؤسس من المدرج وانت طالع …
المريخ مريخ الشعب والشعب هو المدرج والمدرج هم الشفووووت….
•••••••••••••••••••••••••

 

تغريدة واتساب

المشاركة

أكتب رد

أدخل تعليقك من فضلك!
أدخل إسمك هنا من فضلك