تنتج.تنتج.تنتج بس

0
17

في السلك
بابكر سلك

> نسأل الله أن يكون سومانا قد توفق في ايجاد فكي شااااطر ليكمل له الشفاء
> وإن شاء الله تمارين العلاج الطبيعي والتأهيل بتاعت الفكي تكون ما بتاخد زمن طويل
> حتي يلحق سومانا برفاقه داخل الملعب
> فسومانا تلقى العلاج بمصر ومانفع
> وتلقي العلاج بالإمارات ومانفع
> ثم سافر للجزائر قبل الفريق مستشفياً
> وبرضك مانفع
> مافضل لسومانا إلا فكي شاااطر
> سومانا بعد كل العلاجات الاخدها
> ايقن انو علاجو ماعند الدكاترة
> علاجو عند كجونكة أسلي ياعمك يروب الموية ويشرب الشاي الأحمر من الشاي باللبن ويخلي اللبن في الكبايه براهو
> لذا سافر سومانا الى النيجر
> باقي عمو بعرف ليهو فكي قاطع
> لو دايرو يغير حكومة
> يغيرها ليك بدون كلتش
> أيها الناس
> هذه هي فكرة سومانا وقناعاته التي أقنع بها مجلسنا
> ولذا وافق المجلس على سفر سومانا
> سائل الله يا أسد سومانا يقول للفكي بتاعو شتت لي مجلس المريخ وجننهم لي
> خليهم يطقعوا الليل والنهار
> خليهم يطشوا بهناك لقندهار
> معقولة ياناس أسد؟؟
> علاج لاعب دولي محترف عند الفكي؟
> إذا صحت الفحوصات التي أجريت لسومانا
> وصدقت التقارير المشيرة لعدم وجود أدنى اصابة للاعب
> تبقي القصة نفسيه ليس إلا
> وتحتاج لمعد نفسي موش لي شمهروش وضب أحوص وغنماية بتحلب عصير
> عرض سومانا على المختص النفسي كان هو الأمثل
> على الأقل لطرد الفكرة المعشعشة في ريسين سومانا وبقية الأفارقة
> على الأقل لطرد فكرة الأرواح الشريرة الخارقة
> ولو كانت دي قناعتكم يا أسد
> شيخ مايرنو قريب ده كان في قاردن سيتي بيناقش في الأمور المشتركة مع سومانا السوداني
> كان تعرضوا عليهو سومانا بقاردن سيتي
> وتدوهوا حق التذكرة ذهاب بياض
> وحق التذكرة إياب تدفعوهوا للموظفين والعمال جزءاً من رواتبهم المتأخرة
> لأن لسان حال الموظفين والعمال اليومين دي فيما يخص المجلس هو عدم الثقة في وعودكم الكتيرة والتي اتضح أنها بنج وتخدير ساي وبالتالي عدم الموافقة على اعطاء أي فرصة جديدة
> فقط الهتاف
> تمشوا تمشوا تمشوا بس
‏> اما بقية المصابين
> أخبار تقول بكري وتيري راجعين في اليومين دي نصيحين
> حبة تمارين وينزلوا الملعب
> وأخبار تقول أن علاجهم وتأهيلهم لن يأخذ أقل من شهرين
> وفي الحتة دي في رأي طبي مخالف
> بقول شهرين لي شنو
> تلاته أسابيع كحد أقصى ويرجعوا زي الفل
> وقصص وحكاوي عن السماني وبيبو
> والخبر اليقين على أقدام اللاعبين
> ولكن هذا لايمنعنا من رفع القبعات لمريخاب الامارات بقيادة دكتور جار النبي العلامة ودكتور حرية الحبيب
> أمس يادكتور حلمان بيك ماشي قدامي في الشارع على بعد ٥٠٠ متر وأنا أنادي فيك
> وأنت ماسامعني
> وأنا جاري وراك واكورك
> وأنت ماجايب خبر
> دنقرت شلت حجر
‏> جدعتك بيهو يادكتور عشان تتلفت
> ولسه بكورك بكل ما أوتيت من قوة
> أها
> في اللحظة دي وفي الحلمة ديك تقيف ليك قدامي عربة
> في حلمتي ديك قلت لي حكمدار العربية
> مابتصدقني لو قلت ليك الحجر ده داير ألفت بيهو الزول داك
> وحرية حرية ده هو ذاتو اسمو خالد حرية
> وبراي ركبت في العربية
> قلت ركبة في عربية ولا طلقة من جماعة موساد عبد الواحد
> صحيت
> لقيت نفسي قايم
> علي الطلاق شدة ما الحلمة قوية
> صحيت والريحة في نخرتي
> تحية لحرية وجميع مريخاب الامارات الخلص
‏ > ايها الناس
> بروف محمد جلال صرح بأنهم كاتحاد هم من عينوا مجلس المريخ الوفاقي
> وأن الوزير لاعلاقة له بالأمر
> وأنه لاسلطة له للتعيين
> والمريخ ليس بالنادي الولائي الذي يتبع للولاية
> وإن الإتحاد بصدد التمديد لمجلس الوفاق كي يجيز النظام الأساسي ويعقد الجمعية الانتخابية بعد داك
> عليك الله يامحمد جلال ماتعمل أي شئ
> خلي الوزير القالوا عين المجلس يأمر المجلس بأشياء من هذا القبيل
> ولو صورياً
> لأننا خجلنا للذين كانوا يشيعون بين الناس الفهم الخاطئ
> القالوا المريخ لايتبع للإتحاد
> القالوا المريخ يتبع للوزير بدليل الوزير هو من عين بقرار مجلس الوفاق
> ماتعمل شئ
> خليهم بي وزيرهم وقرارهم نشوف بحلوها كيف .. سيما وهم من عارض إجازة النظام الأساسي بشدة
> ثم عادوا اليوم يطالبون به وبشدة
> شدة وتزول
> خليهم على كده
> لمن يقولوا الروب
> وقرار الوزير مضروب
> معقولة
> حتى قرار الوزير ضرب ليغطي على حقيقة سلطة الاتحاد العام
> ويغطي على حقيقة خروج المريخ من مظلة الوزير والقانون الولائي
‏> وعندهم الخبر اليقين عن حالة اولادنا العندهم
> الدولار ده مجهجهنا
> ولو دايرين نجهجهوا
> ننتج ننتج ننتج بس
> أيها الناس
> هل صحيح أن خطاب المريخ لإتحاد جدة في خصوص علاج ناس بكري كان جاهز من يوم اتنين وعشرين اطناشر(قبل سفر اللاعبين للإمارات)
> ولكن لم يتم إرساله إلا في تلتين اطناشر؟
> إن كانت الإجابة بنعم
> لمصلحة من تم ذلك؟
> أم هو مجرد اهمال برئ من الموظف المختص؟
> أم أن مشاكل الن
ت كانت سببا اساسياً في ذلك التأخير؟
> وإن كان الاحتمال الثالث وارد
> لماذا تم إرسال الخطاب بعد ما انتهى الموضوع؟
> بجيب ليكم الزيت
> أبقوا معنا
> بالمناسبة
> هل صحيح إنو الخطاب ذاتو كان عبارة عن سلة أخطاء تبدأ باسم اتحاد جدة مروراً بغياب كلمات التوقير والاحترام وتمضي حتى توقيع نائب الرئيس في خطاب معنون للرئيس البي هناك؟
> ماهذا يارفاق علي اسد؟؟؟
‏ايها الناس
> الزومي ضايقي
> وشي مضايقها غير القوشار(الدولار) مافي
> ماتقول لي نزل ولافصل
‏> ايها الناس
> إن تنصروا الله ينصركم
> أها
> نجي لي شمارات والي الخرتوم
> والينا
> مافي شي بحل الضيق الفينا
> إلا نزرع ياوالينا
> ونرجى المطرة ونحنا بنهتف ليها رافعين للسحاب ايادينا

سلك كهربا
ننساك كيف والكلب قال تزرعوا كيف مع موساد عبدالواحد ده بس!
والى لقاء
سلك

المشاركة

أكتب رد

أدخل تعليقك من فضلك!
أدخل إسمك هنا من فضلك