حبشياااااااااو

0
63

في السلك

بابكر سلك
حبشياااااااااو

*الصديق وقت الضيق
*ولاخير علي الدنيا
*اذا لم يكن بها صديق صدوق صادق الوعد قد وفا
*يا قوم
*الضيق العشناهوا في حراكنا الثوري ضيق عميق
*لاننا خرجنا ضد الضيق واليابا صديق العشعش فينا تلتين سنة
*وبعد تسجيل اول اهداف ثورتنا وهو خلع المخلوع
*دخلنا في ضيق الحفاظ علي ثورتنا
*فكان الشد والجذب بين قوي الحرية والمجلس العسكري
*وكانت المديدة حرقتني حاضرة من سدنة المخلوع
*واشتد الخلاف وزاد الضيق
*وضاقت ولما استحكمت حلقاتها ضاقت تاني
*ضاقت تاني بفض الاعتصام بتلك الوحشية
*ضاقت لما بلغت الارواح الحلاقيم
*وبلغت ارواح اشرف درجات الاستشهاد فنالت اعلي شهادة
*الاستشهاد لاجل الوطن
*الاستشهاد لاجل نجاح الثورة
*لاجل عيش كريم للآخرين
*لاجلك يابلد
*وفي خضم هذا الضيق كان احلي صديق يقارب بين وجهات النظر
*ويسعي صادقا لتتوج الجهود وينهض السودان
*اثيوبيا الحبيية الصديقة الوفية
*بذلت اكثر مما تستطيع لاجل الاتفاق والخروج من النفق
*فكتب صديقي اكرم زكي ابيات يقول في مطلعها
*اثيوبيا يا اخت بلادي ياشديدة
*اقصد ياصديقة
*واكملت انا الابيات علي ذات النهج سانشرها قريبا
*ايها الناس
*اثيوبيا خرج شعبها يرفع راية سوداننا فرحا بالتوقيع علي الاتفاق السياسي
*يعني وقفت اثيوبيا كانت علي المستويين الحكومي والشعبي
*ورد الجميل لاثيوبيا واجب علي عاتقنا كلنا
*لذا اقترح ان يكون شكرنا وتقديرنا للجارة اثيوبيا بعد التوقيع علي الاتفاق الدستوري بمليونية تذهب للسفارة الاثيوبية ترفع علم السودان وعلم الجارة اثيوبيا
*موكب شعاره حبشياااااااو
*واثيوبيا عملت فينا جميل
*ورد الجميل صعب
*ولكن لامستحيل علي الثوار
*وحبشيااااااو

*ايها الناس
*لاخير علي الدنيا اذا لم يكن بها صديق صدوق صادق الوعد قد وفا
*وبرضو
*لاخير في خل يجئ متكلفا
*في زنقتنا وجدنا اثيوبيا والاتحاد الافريقي
*وين الخل الذي جاء متأخرا ومتكلفا؟؟؟
*وبعد ده زاغ؟؟؟
*ياريت لو من زمان قبلنا برأس افريقيا ولم نختر ذلك الزيل المتكلف
*واسي الكورة في ملعبنا
*المهم
*اعجبني مسمي ساحة الحرية
*دايرين لينا ساحة للسلام
*وساحة للعدالة
*ويبقي عندنا ساحات شعبية تحمل شعار الثورة حرية سلام وعدالة
*وياسلام علي الحرية
*الحشد الذي اتي اول امس لساحة الحرية طائعا مختارا متكبدا مشاق الوصول عاشقا للحدث
*يساوي مية ضعف العدد الذي كان يحشد في نفس الساحة نفاقا ومدفوع الاجر ومرحلنو ومفطرنو ويساق كما الاغنام
*شفتوا الحاجة لمن تجي من القلب بتكون كيف!
*ايها الناس
*كردنة جا ؟؟؟
*ياربي يكون مالو؟؟؟
*طيب جمال سالم جا؟؟؟
*ياربي يكون مالو؟؟؟
*امبومبو بجي؟؟
*ياربي يجي لي شنووو؟؟؟
*غايتو شخصيا اتمني عودة خط هيثرو وعودة كردنة
*علي الرغم من ان احدهم يري عودة بشة اسهل من عودة هيثرو وكردنة
*لكن ماوراني ليه
*ايها الناس
*لاندري ماهو موقف المريخ من التسجيلات
*واظن ان من تبقي من المجلس برضك لايدري
*ويقال ان احد اعضاء المجلس قال الرشحهم ابراهومة كبار ونحنا في المجلس مادايرين لاعبين كبار
*طيب الصغار وينهم يا سعادتك؟؟؟
*رصدتوا منو ورصدتوا كم قبل منو يا الفصيح؟؟؟
*ولابرضك تسجيلات بلوشي؟؟؟؟
*المهم
*مادبو لو استقال حايكفينا شر السؤال
*لكن الشافنا لعبنا افريقيا براس حربة مولف ماكضب
*نعم ظرف البلد صعب
*لكن ظرف البلد ده ليهو شهور
*ومن اتخلع المخلوع كان واضح ان اوكتاي باي باي ودعم الولاية جهد الاستاذ محمد الشيخ قد توقف
*ووقف مجلس بعد ود الشيخ في العقبة
*عقبة الكاش البقلل النقاش
*لذا كترت النقة بعد استقالة ود الشيخ ورفاقة
*كتر حديث من تبقي من المجلس تأكيدا للمثل السواي ماحداث
*واتحدثي
*ايها الناس
*ماتنسوا
*حبشيااااو
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت ياوالينا
*في السوق كلو زول لاعب صالح ورقو
*تتدخلوا يا والينا
*ولا نكشحها وندكها ونشرطها؟؟؟؟
سلك كهربا
ننساك كيف والكلب قال ديل تجار ولا اولاد نيقا البكتلوا فيكم نهارا جهارا ديل
والي لقاء
سلك

المشاركة

أكتب رد

أدخل تعليقك من فضلك!
أدخل إسمك هنا من فضلك