حزر فزر .. مدرب الهلال منووو !!

0
72

في الصمت كلام
محمد عثمان بلل
حزر فزر .. مدرب الهلال منووو !!

• يوم امس كلووو شغالين .. أجنبي لا عربي .. يا زول وطني.
• انا بتكلم عن مدرب الهلال طبعاً.
• ناس قالو عدنان حمد .. وفي واحدين تانين قالوا حمدان حمد.
• شكلهم سمعو إسم واحد فيهم ولخبطوا الشغلانية .. والاشاعات ملئت البلد.
• طبعا الغاني ابياه دا ليهو كم يوم في الساحة.
• وفي ناس كمان بقوا شغالين (حزر فزر) مدرب الهلال منو.
• معقولة شعب الهلال وصل للمرحلة دي.
• دا كلوووو كوم واشراف الزعفوري على تجربة ديناموز كوووم تاني.
• يا أخوانا انتو مش قلتو التونسي دا شالوه برااا.
• نان تاني في شنو.
• مش هو زاتو سبب الازمة دي وساب ليك شعب الهلال في (حيرة).
• يااااخ دا بالذات لازم يرجع بلدو.
• لو تسيبو الهلال كدا بدون مدرب.
• دا طلع في اللياقة ما نافع.
• والله حكاية.
• معقولة دا كلوووو يحصل في الهلال.
• ما عايزين نتذكر البحصل في البطولة العربية.
• بس نقول ليكم حاجة يا وصيفاب.
• الغريق قدام.
• والكورة التونسية ما زي الجزائرية.
• هم زاتهم ناس الجزائر مالهم بقوا كدا.
• معقولة ديل بتاعيين معركة فاصلة مصر الشهيرة في ام درمان.
• العالم كلووو كان بتكلم عن المباراة دي.
• الغريبة واحد من بعثة المولودية قال (سوف نعيد ذكريات فاصلة مصر امام المريخ).
• لا يا شيخ.
• فعلا رجعتوها لينا تاني.
• يا عم روح.
• تستاهلوا الحصل من جماهيركم عقب العودة.
• يا زول خليك في هلالك دا ومالك ومال الجزائر.
• اكضب عليك.
• البحصل في الهلال ما مطمئن .. عشان كدا احسن نتكلم في حاجات بعيدة عن الواقع الهلالي.
• في النهاية.
• الهلال سيدالبلد.
• ونحن الهلال بنريدو جد.

(صمت اخير) ..
• المولودية طلعت أكبر ماسورة.

المشاركة

أكتب رد

أدخل تعليقك من فضلك!
أدخل إسمك هنا من فضلك