صحيفة كورة سودانية الإلكترونية

دبابيس ود الشريف

1٬305

دبابيس

 

ود الشريف

 

** مريخ السعد والوعد واصل رحلة التألق والابداع والمتعة في الدوري الممتاز واكتفي بهدف في شباك الهلال وكان كل لاعبيه نجوما عزفوا اروع لحن وتغنوا بأجمل الأغنيات واسعدوا الملايين في العاصمة وضواحيها ورقص الملايين فرحا في حلفا ودنقلا وكريمة وعطبرة وشندي ومدني والحصاحيصا والمناقل وكوستي والدويم والقضارف وكسلا وبورتسودان والابيض و كادوقلي
والدلنج وبابنوسة والفاشر والجنينة ونيالا وزالنجي والضعين ومعسكرات النازحين وحتي في جوبا وواو و ملكال ..المريخ شرفة التاريخ انسي الأغلبية من الشعب السوداني بعض معاناتهم اليومية

** فرحة في المريخ وخيبة وأحزان في الهلال

** النتيجة العادلة لمباراة أمس فوز المريخ بخمسة أهداف نظيفة

** التش واحمد آدم ورمضان والسماني وتيري والصيني اطاحوا بفرص سهلة خلال الشوطين كانت كفيلة بشطب جمال سالم

** المريخ اضاع فرصة انزال هزيمة تاريخية بالهلال تتحدث عنها الأجيال

** الهلال سدد تجاه مرمي المريخ ثلاث مرات فقط طيلة الشوطين ووليد الشعلة يحترف في الدوري الجزائري

** كتبت قبل المباراة ..المريخ يتوج بطلا للدوري الممتاز مساء اليوم وترجيت لاعبي الهلال وجماهيره بأن يتقبلوا الهزيمة بروح رياضية عالية ..وكتبت لا يوجد أي سبب يجعل المريخ يخسر أمام الهلال ..لا رجما بالغيب ولكن الواقع كان يؤكد ذلك

** رقص الورد والزهر مهرجانا علي النهر

** ثلاث بطولات للدوري الممتاز تواليا ..هو مافيش منافس

** انه المريخ ..لا غرابة .انه المريخ لا كذب .عادي ان يحرز بطولة الدوري الممتاز مع الاحتفاظ بخمسة كاسات محمولة جوا

** انه المريخ التاريخ والجغرافيا مريخ السعد والوعد منجم الفرح .الاغنية المفضلة لاغلبية الشعب السوداني

** الهلال في حالة تحنن الكافر ..مستوي أكثر من متواضع في كل المباريات بعد استئناف الدوري الممتاز

** أحزان في المريخ لإلغاء بطولته المفضلة كأس السودان

** صفوت ميرغني حكم مباراة أمس كان نجم المباراة الأول بلياقته البدنية العالية وقرارته السليمة لم يعطي أي فرصة للزميل مأمون ابوشيبة وبقية الزملاء الما عندهم شغلة غير الحكام والتحكيم للهجوم عليه

** علي الاتحاد العام تحفيز حكم مباراة أمس والتهنئة للاخ عامر عثمان باختياره الموفق لحكم القمة

** إحراز المريخ لبطولة الدوري الممتاز وبالتأكيد ورائه جهد اداري كبير والتحية لسوداكال ورفاقه في مجلس الإدارة

** التحية للمدرب الذي قاد المريخ في الدورة الأولي للدوري الممتاز والتحية للمدرب شخارم ومساعده الضو قدم الخير

** الهلال عملو ليهو المنافسة عن طريق التجميع ولعب في ملعبه عدد من المباريات و اخروا ليهو شكوي الوادي نيالا وكل ما نفع

** ملايين السوباط ضاعت هدرا والهلال في حاجة إلي مراجعة شاملة في كل خطوطه

** شاهدت مباراة أمس مع نجم الهلال السابق طارق احمد آدم وعصمت الامتداد وياسر الحاج والمدرب والمحلل اسماعيل عطا المنان وود مالك لاعب النيل السابق وجميعهم انتقد أداء الهلال وأشادوا بالمريخ

** خمسة مدربين جلسوا علي الخط وأشرفوا علي الهلال في مباراة امس بينهم عمار مرق وكندورة

** ابو عشرين ذهب للهلال ..الامنيات له بالتوفيق ومسيرة المريخ لن تتوقف وغدا باذن الله أعود لموضوع ابو عشرين ورمضان عجب ومحمد الرشيد .. ولابد من تحية وأشاده بالنجم الكبير ضياء الدين محجوب والذي لم يساوم في المريخ ولم يبتز المريخ

** فوزي المرضي .. كان جنوبيا هواها

** التحية لمدير الكرة في المريخ ولكابتن خالد احمد المصطفي

** أكدنا قبلا ان جماهير الهلال ستندم علي ذهاب اشرف الكاردينال

** نشيد بالروح العالية للاعبي الهلال وتقبلهم الهزيمة وصعودهم المنصة واستلام الميداليات الفضية ..وهذا يحدث لاول مرة

** خلاص يا صديقي الفاتح باني رئيس لجنة المسابقات بعد ده ممكن تدو حي الوادي نيالا الثلاث نقاط

** د كمال شداد أكمل الموسم الكروي رغم انف الحاقدين والفاشلين …الف مليون مبروك

** ما ناسيك يا محمد سليمان حلفا..راجع ليك بكرة او بعد بكرة

** نشارك الاخ معتصم جعفر رئيس الاتحاد العام السابق واشقائه الاحزان في وفاة والدهم ونسأله تعالي ان يتغمده بواسع رحمته

** فرحة نابعة من كل قلب يا بلادي

** آخر دبوس

** ومن غير المريخ يمكن ان يتوج بطلا للدوري الممتاز

قد يعجبك أيضا
2 تعليقات
  1. عمر يقول

    معليش يا ود الشريف لما تتكلم اتكلم بعقلانية كيف جماهير الهلال تندم على رحيل الكاردينال اسألك سؤال من السبب في تدمير الهلال ومن السبب في اخذ ست نقاط من الهلال نحن ما صدقنا انو الكاردينال ذهب ثم ثانيا انت مفتكر نفسك حا تلاقي الهلال ثاني بنفس المستوى تكون بتحلم يعن الكاردينال وفاطمه الصادق كانو بلعبوا لصالح المريخ ما تجي تقول لي الكارينال هلالابي لانو ما في هلالابي بقبل اسحبو من رصيدو سته نقاط مهما كان ولا كلامي غلط

  2. ابو عمار يقول

    يا ود الشريف سيد البلد فاز بالممتاز 5 مرات متتاليه وكلها جوه الملعب قال من غير المريخ وبعدين من غير المريخ تمهيدي تواليا ههههههه

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد