دخل مباراة الهلال ممكن يسجل للمريخ محترف !!
شارعين وناصية
محمد الطيب الأمين
دخل مباراة الهلال ممكن يسجل للمريخ محترف !!
• ماشاء الله تبارك الله.
• من (المصلط والعين الشافتو ما صلت يغطي الله).
• والمصلط إنتو عارفنو.
• والعين الشافتو وما صلت برضو معروفة بالنسبة اليكم.
• عشان كده ماشاء الله مطلوبة ومهمة.
• والحمد بیزید النعم.
• والهلال نعمة.
• فخر وسعادة.
• والزول بفتخر ويباهي بالعندو.
• ونحن عندنا الهلال.
• هلال ۲۰۲۳ غير إن شاء الله.
• أجانب ووطنيين.
• نجيلة واستاد.
• بمناسبة النجيلة.
• عدد مقدر من جماهير المريخ دخلت الجوهرة وتابعت مباراة الهلال والأشانتي.
• صراحة ما عرفتهم جوا يشوفوا النجيلة ولا يشوف الفنان لامين؟
• هم مريخاب لكن في الأصل هلالاب زعلانين.
• مرحب بيهم في أي وقت.
• هلال ۲۳ أي هلالابي زعلان برجع للهلال.
• الناس الحتشجع المريخ في الموسم الجديد ما بيزيدو عن تلاتة باصات والي.
• مرحب بأي هلالابي زعلان وعمل فيها مريخابي في لحظة غضب.
• المهم.
• شكل الهلال بصورة عامة مبشر.
• المحترفون الأجانب إمكانيات أكثر من جيدة.
• وعقليات محترمة.
• وحضور واضح.
• الانطباع الأول طيب.
• لا ينقصنا إلا الانسجام والصبر.
• والصبر أهم ما نحتاجه في هذه المرحلة المهمة من عمر الهلال.
• أكثر ما اسعدني في المباراة هو الحضور الجماهيري.
• ناس بطلت تدخل الاستاد ليها زمن.
• في ناس من زمن صلاح إدريس ما دخلت الإستاد.
• وفي ناس من زمن هیثم.
• وفي ناس غابوا عن الإستاد منذ جلوس الكاردينال على الكرسي.
• أول أمبارح كلهم رجعوا.
• رجعوا وفي عيونهم فرح وسعادة غير عادية.
• الناس كانت مشتاقة للهلال.
• فكان الحضور هو الأكبر في السنوات الأخيرة.
• دخل المباراة ممكن يسجل للمريخ محترف اجنبي.
• الحمدالله.
• الهلال اتشحن معنويات.
• نترك الجهاز الفني يعمل في هدوء وإن شاء الله نشوف البعجبنا.
• ونركب صافنات ونجيبة (هلالابية) واصلو الزول بيموت والذكرى تفضل حية.
• و.. و..
• واهلأ بیهو.
أصبحت مقالاتك مملة جدا وبايخة
لماذا تقحم المريخ بمناسبة وبدون مناسبة في مقالاتك
ركز على فريقك الذي جعلت منه فريق الأحلام على الورق وهو في الواقع شئ اخر والله يستر عليك من الخروج المبكر امام سان جورج نتيجة النفخ الذي تمارسه في فريق الاحلام الذي نسجته بمخيلتك
ساقط لغة عربية از لسانك معووج (مصلط) كدي خش المعجم شوفها صاح يا القلمك مسلط
عبارة المريخاب هو هلالاب زعلانين عبارة معروفة ولها مناسبتها رغم محاولتك تغيير الحقيقة ولكن العبارة المعروفة هي ان الهلالاب مريخاب زعلانين والمناسبة معروفه رغم محاولتك تغيير الواقع
المريخ تاسس قبل أن تكون هناك نادي اسمه الهلال وعندما انشق الصف المريخي ذهب المريخاب الزعلانين وكونوا عام ١٩٣٠ ناديا اسموه الهلال
يبقى الزعلانين منو
هكذا هم الهلالاب يريدون ان يستعيروا من الزعيم اي شئ من التاريخ وحتى الالقاب التاريخية مثل الزعيم وسيد البلد وامتد حتى الي اللاعبين
انها الدونية التي يشعرون بها حيال الزعيم والي متى ستستمر
عبارة المريخاب هلالاب زعلانين عبارة معروفة ولها مناسبتها رغم محاولتك تغيير الواقع
المريخ تاسس قبل أن تكون هناك نادي اسمه الهلال وعندما انشق الصف المريخي ذهب المريخاب الزعلانين وكونوا عام ١٩٣٠ ناديا اسموه الهلال
يبقى الزعلانين منو
هكذا هم الهلالاب يريدون ان يستعيروا من الزعيم اي شئ من التاريخ وحتى الالقاب التاريخية مثل الزعيم وسيد البلد وامتد حتى الي اللاعبين
انها الدونية التي يشعرون بها حيال الزعيم والي متى ستستمر
خليك مع فريقك والمريخ له رجال يسدوا عين الشمس
انت بس اقعد كسر تلج لحماعتك وانشر وهمك علي غلابة الصفر الدولي
ودهل تمرين للمريخ ممكن يعمل ليك جريدة تكتب فيها خرابيطك وهطرقاتك وما لا فائدة منه
الله يشفيك ركز علي عيوب فريقك وكن صادق مع نفسك
لو ما جبت سيرة الزعيم ما بترتاح .
اي موضوع عندك لازم تحشر الزعيم
انشر بعيد من المريخ.
الزعيم لديه ما يكفيه .
المنطق يقول 1 + 1 = 2 و لكن 1 +1 + 1 = 3 صنع خصيصاً ف السودان فهمتوا حاجة ! ! !
برالمة الصحافة سياسة و رياضة سخفيين أي كلام أبو ( قرشين ) ! ! !
ناس قريعتي راحت ! ! !
رازة ونطاحة و هلم جرا ! ! !
هذا زمانك ي مهازل فأمرحي و كفى ! ! !
أصحى يااااااا برييييييييييش ! ! !
اسحروا ليكم شنو يا مراكيب الجنينة
انتو بتتكلمو ساى طق حنك ونحن ناس ارقام ومنطق عشان ما تسوقوا الناس بالخلاء ساكت
موسم 2022 التقى الفريقان 5 مرات
انتصر المريخ فى 3 مباريات ( عجب+السمانى+التكت)
تعادل الفريقان 1 مرة ( مباراة الابيض )
انتصر الهلال 1 مرة ( ياسر مزمل ) ( فى مباراة طرد الصينى والتى اكملها المريخ ناقصا لاعب الشوط التانى )
يبقى بعد الكلام دة البحسد التانى منو ؟
ياخى المريخ ليه 5 مواسم فى صراعات ومشاكل ادارية ومع ذلك كل ما يقابلك بيصرف ليك المعلوم
والله انا ما مستغرب الا من طولة لسانكم دى حدها وين ومتين
غثاء
سبحان الله
معظم المعلقين على هذا المقال مريخاب – – – وهم متابعين أخبار الهلال – هذا ما يؤكد أنهم هلالاب زعلانيين – كما قال صاحب المقال
🤣🤣🤣
ماهي المحصله خارجيا لو ضموهم الاثنين معا السودان الان مشاكلو اكبرمن المريخ والهلال
الكورة السودانية ما ح تتقدم أصلا إذا ما الصحفيين المطبلاتية و حارقي البخور ديل انقرضو..