صحيفة كورة سودانية الإلكترونية

دموع التمساح

2٬285

قصيدة من صديق كورة سودانية الشاعر حسن عبد الحميد (كتال)

 

دموع التمساح

جيت تترجي بالدمعات
وتبكي تقول كتلني الجوع
كفكف دمعك يا تمساح
وسافر ياخي مافي رجوع
تقول عمر البشير أفضل
لقيتك جد عديم موضوع
ستف عفشك واتغرب
لا اسفاً عليك لا دموع
شن قدمت لي وطنك
حتي غُناك كان مدفوع
لا غنيت لزول مجان
لا آسيت معاك مفجوع
تبكي علي النظام العام
ابكي أكان بُكاك مسموع
أصلك زول ضميرك مات
فرقك ايه من المخلوع؟

حسن كتال
٢٧/ يناير

قد يعجبك أيضا
4 تعليقات
  1. صلاح يقول

    كفو والله وكتلتة كتل يا كتال وأديته في زمبيله وبالحتة الفيها الحديدة 😅😅😅
    كعبول ده مفتري وحفلاته مافيها مجاملة وما بني للفقراء، ربيب الكيزان الشحمان !!
    قطر عجيب !!

  2. يوسف كبشور يقول

    هذا الأسمه ترباس الله يتربسه مثل سيء للفن السوداني , مغادر السودان لأنه لم يجد في السودان نقط ذي نقط النسوان التشاديات في تشاد والخرفان المشوية بتاعة نسوان تشاد وعندما يذهب للأمارات كان يعيش علي شحذة المغتربين فهو ليست لديه كرامة بقرش فحياته الفنية كلها تلفقة وغش ولم يقم في حياته بالتيرع بحفلات خيرية أسوة بزملائه الفنانين أمثال زيدان و محمود عبدالعزيز ونادر خضر وخلافهم , فأذهب بدون رجعة فأمثالك يتبرأ منهم السودان يا عميل الكيزان .

  3. madani يقول

    تبكى عشان بتحب المال +++ وحتى قصايدك لرجال أعمال
    كلامك كلو صاحبى فلان ود التجار ++. وسهرنتا كانت مع الكاردنال
    سافر فى القشه ما تعتر +++. معانا قعادك اصلو قدر
    أمشى دبى ومنها قادى ++++ والله غناك كلام فاضى
    غناك سجمان وغناك رمدان ++++ لدرجه اصلو ما معقول
    حليل ذمن الغنا المجدول وحليل الزول +++ مصطفى ود سيد أحمد المقبول

  4. ابو سامر يقول

    فرقوا من المخلوع . المخلوع في السجن وهو جالس يتبختر زي الطاؤؤس

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد