صحيفة كورة سودانية الإلكترونية

رجعوا لينا البشير

19

في السلك

بابكر سلك

‏رجعوا لينا البشير

* طبعاً العنوان يحير.
* لكن البحير اكتر السبب المرق العنوان.
* ياخ نحنا قمنا باعظم ثورة شعبية سلمية قوية في التاريخ الحديث للبشرية.
* ما معقول بعد اكتر من ستة اشهر.
* نعاني من نفس السلوك الانتهازي الذي كان منتشراً فينا.
* ما معقول الاسعار كلو ثانية طالعة لي فوق بسبب الطمع والجشع واستقلال الظروف.
* فاذا كان ده سلوكنا كشعب بعد نجاح الثورة.
* يبقى ما بنستاهل انعتاق ولا عتق من العبودية والاستغلالية والحرامية التي ثرنا ضدها.
* يبقى رجعوا لينا البشير.
* خليهو يوايكنا ويلايقنا ويبيعنا ويصدرنا للمشتري.
* لأننا لو ما اتبعنا سلوك الثورة وبطلنا الحركات العفنة والجري خلف الثراء بسبب وبدون سبب.
* يبقى اهدرنا ارواح الشهداء وبعنا نضال شباب هم اليوم لا معروفين في السما ولا معروفين في الواطة.
* لأنهم مفقودون.
* وهم كذلك لانهم قدموا انفسهم اكراماً للمواطن وفدى للوطن.
* عشان كده ما ممكن يجي عنقالي قاعد في طرف السوق يفتح في المجاري بين سنونو بقشة رفعها من الواطة دي ليستغل الناس دون ادنى خجلة او تقدير او فهم او استعداد للفهم والتفهم.
* ديل لسه متأثرين بتربية نظام الفساد الفات.
* حمدوك.
* زي ديل اقتلوهم قبل أن يتكاثروا.
* ورانا بناء وطن وما فاضيين للمعوقين والمعولقين والزلمطحية والآفات الوصولية والفضولية التي نمت في زمن انعدم فيه المبيد والمفيد.
* النوع ده من وجهة نظري ليس الا عاقة وعالة ومعه التقدم استحالة.
* اقتلوهم قبل ان يتكاثروا.
* اقتلوهم بالقوانين الرادعة والمحاكم الشديدة.
* ففي بعض المرات اذا لم يترب الناس بالإحسان.
* تربيهم قوانين السجن والاعدام والمصادرة.
* زيادة مليم على السعر ابادة لشعب كامل.
* استغلال الشح قتل لامة.
* تجارة الدولار دمار شامل هدام لاية محاولة تعمير وعمار.
* اقتلوهم يا حمدوك بلا يخمهم كلهم بالخلفوهم والخلفوهم هم لو بشبهوهم.
* المهم.
* الزعيم الى المغرب.
* ونحنا راجعين في المغيرب.
* وابو الهل ما عارف درونو مع انيمبا اقصد كورتو مع انيمبا بدت ولا لسه.
* ايها الناس.
* إن تنصروا الله ينصركم.
* أها.
* نجي لي شمارات والي الخرتوم.
* والينا. * الأسعار.
* السوط الحار. * مافيش هظار.
* ده قوت عيال.
سلك كهربا
ننساك كيف والكلب قال: واللـه الخاتين القشة فرقات سنونهم ديل ياكلوكم حيين.
وإلى لقاء.
سلك

قد يعجبك أيضا
اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد