صحيفة كورة سودانية الإلكترونية

رمضان في الضحية يافتحية!!!!

1٬149
في السلك
بابكر سلك
رمضان في الضحية يافتحية!!!!
*شكل الالتزام بالمهام في كورتنا ضد الهلال كان مبشرا في الحكم على الجهاز التونسي
*وشكل الانضباط في التعامل مع الصيني
*خجلنا من شكل الانضباط في التعامل مع نفس الصيني حينما عاد بقراره من بورتسودان ورجع ليها بالطيارة
*جبناه بالطيارة وبايعنو بالخسارة
*لأننا غمضنا أعيننا عديل ولم نكتف بغض الطرف وقتها
*ومقدار اللياقة وارتفاع مستوى الغيرة يصب في صالح الجهاز التونسي
*فهل مستوى الخلاف الإداري المريخي سيرتقي للمستويات الفنية واللياقية والانضباطية التي بدأت تظهر بالمريخ؟؟؟
*أم سنواصل في سياسة القطيع وسواقة الخلا وزولي وزولك ونحن وإنتوا وكاس والاتحاد؟؟؟؟
*المهم
*أب شنب متزوج فتحية
*فتحية ما ناقشه أبو النوم
*تسمع ليها بكلام تلفحو من نصو وتقوم بيهو
*يوم سمعت بصيام يوم عرفة وفضله
*من سمعت الكلام ختت كباية الشاي وصامت
*صايمه صايمه لما يوم عرفه جا
*أب شنب أصلو ما سألها
*أول يوم في العيد لقاها صايمه
*قال ليها صايمه؟؟؟
*رمضان في الضحية يافتحية؟؟؟؟؟
*المهم
*مخرج المريخ يكمن في استقرار المريخ
*واستقرار المريخ في سيادة حكم القانون
*والقانون لا يخرج من بين طيات النظام الأساسي
*والنظام الأساسي ياتوووو؟؟؟؟
*الاعتمدت عليهو كاس
*ولا القال عليهو الاتحاد العام؟؟؟؟
*وكلو بالقانون
*نجاض الحميض ليس حدثا
*وإن أمطرت حصوا ما بتفلق زول غير أهل المريخ
*وعشان نحافظ على فواخيرنا دي
*حقو نتبع القانون
*ولا داعي لغزوة الخندق التي سمعنا عنها
*القانون ملحوق
*الخوف على الخندق ذاتو
*خندق في الخريف فيضان ماليهو حد ومد ما بقيف
*أيها الناس
*إيال هامد وإيال أند الرهين حا يبقوا لينا داحس وغبراء تقضي على الفرسان والحصين
*والمشكلة وين إن اقتنع الجميع بأنهم إيال المريخ وكفى!
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شفت يا والينا
*تأجز لينا
*خروف ضحية تشتري لينا
*تجر الناس من إضنينا
*الثورة ما بتأجز يا والينا
سلك كهربا
ننساك كيف والكلب قال ثورتنا منقتنا ما بناكلها نية بالشطة بنرجاها تنجض بي راحتها ورانا شنو؟؟؟
وإلى لقاء.

قد يعجبك أيضا
2 تعليقات
  1. Hajjam يقول

    اللاقي هبوبه بضري ياعمنا تنقو. الهلال تعثر ولذلك كثرت الشماتة والتهكم من الدلاقين ولكن سينتفض الهلال باذن الله وستعودون للصراخ والعويل والجعير

  2. Hajjam يقول

    اعلن كابتن عادل ابوجريشة نائب رئيس المريخ للشئون الرياضية في تصريح خاص للرد كاسل رفض المريخ لبرمجة مباريات الهلال بملعبه بأمدرمان مهما كانت الاسباب والمبررات واضاف نرفض باي حال من الاحوال ولن نقبل في المريخ ان يلعب الهلال مبارياته في استاده وقال إذا اقبلت لجنة البرمجة علي ذلك فالمريخ لن يسكت علي الاطلاق وسيلجأ لتصعيد الامر مستخدما في ذلك كل الطرق الممكنة التي يمكن للمريخ من خلالها ان يستعيد حقوقه وعدالة المنافسة مشيرا الي ان لعب الهلال لاي مباراة في ملعبه امر كاف لنسف عدالة المنافسة ان لم ينسف البطولة نفسها .
    واكد عادل ابوجريشة ان المريخ يتابع الموقف عن كثب ويرصد كل كبيرة وصغيرة وهو نادي كبير وقادر علي استعادة حقوقه والدفاع عنها مؤكدا ان ما يحدث فيه ظلم كبير لكل الأندية ولا يمت لعدالة المنافسة بصلة وقال ليس علينا سوي الانتظار ومن بعد ذلك لكل حدث
    الرد كاسل

    تيم المهرجين يعمل بكل مااوتي من قوة لتعطيل الهلال عن طريق الاتحاد الاحمر. عن اي عدالة تتكلمون؟؟؟. هل حدث في تأريخ الرياضة في السودان ان حصلت مثل هذه الخزعبلات. وهل طالب الهلال بحرمان الوصيف الضعيف من ملعبه؟ عندما كان يتمرغ في منشآت المؤتمر البطني. ؟؟؟انه اتحاد اللقيمات ولا حرج.

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد