صحيفة كورة سودانية الإلكترونية

زمن البلنت وتمن البلنت

1٬298

في السلك

بابكر سلك

زمن البلنت وتمن البلنت

 

بسم الله الرحمن الرحيم
*من المحاسن ان تكون لك استراتيجية محددة في ممارستك للعمل الاداري
*من تلك الاستراتيجيات هو تحديد سقوفات المنصرفات بما يتماشي مع الامكانيات وخارطة الطريق
*والاداري لايجبر علي التصريح بكل خطواته واسرار عمله ونشرها
*وان كان الموضوع يستحق
*يمكن للاداري ان يعقد مؤتمرا صحفيا يبين فيه وجهة نظرو وماقام به
*اما محاسبة الاداري فلا تتم الا من الجمعية العمومية صاحبت الجلد والراس
*عشان كدة قصة نشر الموضوع واي زول يدخل فيهو قدومو
*بتبقي تخلف اداري وعدم دراية ونقص ثقة بالنفس
*والاداري الناجح هو الذي يرفع مستوي العامة لمستوي تفكيره وطموحه الاداري
*لامن ينزل ارضاءا للقواعد حتي ولو كانت قناعته خلاف ذلك
*ونحن شعب بفتي في اي شي
*موش فينا الزول القال الملك تشالز انجليزيهو ضعيف!!!!!
*المهم
*الكورة عندها قوانين وحكم محددة
*يعني القون المضمون البضيع بي جاي بخش بهناك
*البضيع اقوان من بداية الكورة بفتش ليها آخر الكورة مابلقاها
*لكن من اعمق الحكم في الكورة
*حكمة تقول
*زمن البلنت بوريك تمن البلنت
*يعني كلما زاد الزمن زادت قيمة البلنت
*واغلي البلنتات هي التي تأتي في آخر الدقائق
*اغلاها البلنت في الدقيقة تسعين
*وطبعا غلاء البلنت في ذلك الزمن
*يكمن في ضيق ماتبقي من زمن بالنسبة للفريق (المبلنت) عليه
*لانو لو بقي الفيفا مابدرن فيما تبقي من زمن
*محن

*المهم
*الاحلال والابدال لما يكون وفقا لرؤية الجهاز الفني
*ما بتتوقع انو نفس الجهاز الفني(يرف) معظم الجابهم ديل
*لانو لو الجهاز الفني اشرك احدهم وكان في قمة السوء
*اكيد بتخاف من مشاهدة المرفوفين
*لانو الطرف اقصد السئ ده طالما شارك
*يبقي المرفوفين الله يسترنا معاهم
*ايها الناس
*من ناحية وطنية كدة
*نوصي الهلال يعمل ليهو معهد لغات ويكتشف لغة وسيطة يتفاهم بيها الاربعين جنسية القاعدين فيهو ديل
*مدرب كنغولي بالفرنسي
*وعاجي بالبون
*ولهجات اسكت بس
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت ياوالينا
*امريكا مابتحل بلاوينا
*حقو بلاوينا يقعدوا مع بعض ويتفقوا علي البلاوينا
*ونبدأ مدنية مدينة مدينة
سلك كهربا
ننساك كيف والكلب قال امريكا مستهبلة
والي لقاء
سلك

قد يعجبك أيضا
11 تعليقات
  1. احمد التجاني يقول

    “نوصي الهلال يعمل ليهو معهد لغات ويكتشف لغة وسيطة يتفاهم بيها الاربعين جنسية القاعدين فيهو ديل” هههههههه وكأنه يا عمك تنقو فريقك كله من سكان العرضة الجنوب. ما انت عندك افارفة واجانب اشكال والوان. يكفي بس انه مدير الكرة في ناديك اجنبي. هانت الزلابية والله. مريخ ماجد وكمال عبدالوهاب وبشرى وبشارة وحموري وسامي عزالدين وجمال ابوعنجة وحامد بريمة وفيصل العجب مدير الكورة فيهو اجنبي لكن لا غرابة لانك الزيك دة بقى يقود المريخ. اما تلميحك لموضوع البلنتي فما غريبة. قبل سنين قليلة تعادل الهلال مع فريق من زيمبابوي في مباراة الاياب بهدف احرزه محمد موسى. تاني يوم طلع عمك تنقو واتهم سادومبا بإنه باع المبارة للهلال.

    يقول المصطفى صلى الله عليه وسلم “ما يزال الرجل يكذب ويتحرى الكذب حتى يكتب عند الله كذابا”. بيع الاوانطة واكذب وخلي لقمة عيشك مغموسة في الكذب.

    لكن كل دة ما بحلك. الهلال تأهل وسانت جورج طار!! والجوهرة ما شاء الله كل يوم تزيد الناس انبهار. والاضاءة الجديدة وصلت والتوسعة حتتم ان شاء الكريم قريب والملعب الرديف نقاوة ومحترفين لو بقوا من اربعين دولة على اعلى مستوى. قلتها ليك يا عمك تنقو: والله المغصة الجاتك وانت بتمسح صلعتك بعدما المسمار ركب في تسفاى دة بالنسبة لي بالدنيا كلها.

    وسؤال ياخي: المرة دة حتعملوا توأمة مع منو؟ وحتلعبوا ضد الفريق اللبيي وين؟ بقيت زي الزول اللي بيته بقى خرابة ويعزم في الناس في بيوت الغير. احمر واصفر من برة واسود كالح من جوة عرفتوه؟؟؟؟

  2. Awadh يقول

    لك الله يا صحابنا الرياضية

  3. قارئ جديد يقول

    يا هساي اقعد ساي حرقت حشاي وما حققت مناي هههههه

  4. أسامه دنقلاوي يقول

    يا أبو سلك مفكوك انته بتتكلم عن اجانب الهلال وناسي اجانبك ليهو خلي الهضربة بتاعتك وامشي ادفع في الشيرنج بتاع التش والله العظيم فضيحتكم بجلاجل سمعته التسجيل الصوتي بتاع رئيسكم اليوم بالله عليك انتو عندكم وش تاني تكتبوا وتكتبوا تقولو شنو فريق مفلس ومشرد من بلد لي بلد لاستاد ولا ادارة ولا اخلاق بعتونا في سوق العتبه كتر خير الهلال الخلاك تلقي مواضيع تكتب فيها الحمدلله بي ادارتنا ورجال أعمالنا البدفعو لا كلو لا ملو صاحبكم دف ( 200000 دولار ) طلع في الوسائط يشكي وببكي ونحنا وصلنا ملايين الدولارات لاشكينا ولا بكينا وبابور الجاز شغال وكمان رئيسكم فوض كاتب عمود للتفاوض مع التش طبعا هلال العز ماعندو كلام زي ده شغلكم كله بالمقلوب يا شحادين

  5. Hajjam يقول

    مت بغيظك ياتنقو الاحقاد.

  6. ابو عمار يقول

    ويستمر مفعول المسمار الضرب صلعة عمك تنقو باين الضربه كانت في مقتل الله يجازي محنك يا سيد البلد ضربك شفاء

  7. الجعلي يقول

    البسمه كلامك يقول المرخرخ مافيهو 9 محترفين اجانب
    يعني برضو يوناميد علي حسب زعمكم

  8. الجعلي يقول

    الهلال خلي كدي اقرعوا حازم قال ذايغ

  9. Ahmed يقول

    الله يشفيك

  10. عاطف يقول

    نجي لي شمارات حزومي ياوالينا القال نحن صحفين المريخ كلنا كلام فارغ ومخنا فاضي وفليلين ادب وبخيلين كلنا

  11. احمد التجاني يقول

    تحية من القلب لاشاوس الهلال العظيم الاحباء هجام وابو عمار والجعلي واسامة الدنقلاوي وعاطف والقارىء الجديد. سلك “سلكه” ضرب وزي ما قال اخوي ابو عمار يبدو ان المسمار في صلعة عمك تنقو خلاه يهضرب ليل ونهار. انتهت اليوم مباراة منتخبنا والمنتخب الاثيوبي بالتعادل 1/1 واحرز الهدف ولدنا عبدالرؤوف. قلت لصديق ما تستغرب لو سموا استاد بحر دار ب “استاد روفا”. سألني صديق هلالابي عن سر المغصة الكاتلة المريخاب اليومين ديل؟ قلت ليهو قطيع حاقدي مريخ سولارا عملوا كل ما بوسعهم من خساسة ونزالة وانحطاط عشان يفشلوا مشروع العليقي من اوله ودة ما بتحقق ليهم الا لو كان الهلال فشل في التأهل. مشروع العليقي يؤكد بأنه الجسد الهلالي في كامل عافيته اما الجماعة اللي شعارهم من برة احمر واصفر ومن جواهم اسود كالح فحالتهم تصعب على الكافر. كل يوم ماشين من سىء لأسوأ. لذلك اتمنى ان تصل الرسالة لإدارة الهلال بأن لا تسمح للمريخ باللعب في الجوهرة الزرقاء. هؤلاء الحاقدين لا مكان لهم بيننا. ووالله العظيم درجة الغل الفي نفوس هؤلاء الاوباش حلفاء الاحباش وصلت درجة انه لا تستغربوا لو يوم تم القبض على مريخاب داخلين الجوهرة وشايلين معاهم قنابل يدوية ان استطاعوا. واتخليوا معاي هلال في السماء يسر الناظرين يبث نوره في كل الارجاء و “قطيع” “شكله فظيع” قاعد في حفرة يعاين للهلال والنار حارقة حشاه.

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد