سفر الفريق بالدين زي الشرا في القندول

0
292

في السلك

بابكر سلك

سفر الفريق بالدين زي الشرا في القندول

*يا الكاردينال ادفع الديون المدير مسجون
*عذرا نادي الهلال
*ياكردنة خلي القرصنة وادفع لينا حقنا
*سفر الفريق بالدين زي الشرا في القندول
*كل تلك العبارات كانت شعارات المليونية امام مكتب كردنة كما نقلتها الاسافير
*مليونية علي عدم سداد قروش السفر
*طبعا اي احتجاجية بشرية نطلق عليه مليونية حتي ولو كانت تتألف من بشرية وحدها
*فلفظ مليونية اضحي يعني الاحتجاج السلمي بصرف النظر عن عدد الناس المشاركة في الاحتجاج
‏*المهم
*مريخابي بتاع بحر كان بتناقش معاي في موضوع عقوبة بكري
*قلت ليهو القرار مخالفة المادتين اتنين وخمسين واربعه خمسين
*الايقاف عشرة مباريات وستة اشهر
*تسري بالتتابع
*ضحك وقال لي
*زول قبضوهوا شارب وشايل باقي باغتو
*يحاكموهو بالسكر والحيازة؟
*انت يا سلك قانون النظام العام ده ماقالوا لغوهوا
‏*ليس الخبر في عدم سداد كردنة لقروش السفر
*ولكن الخبر في صدمة الناس البقولوا الهلال يعيش افضل حالاته ماديا
*وكلام القوة المالية الضاربه داك
*وغاغ غاغ غاغ
*لكن لما تكون القوة المالية الضاربة ضاربة لدرجة ماقادره تدفع حق السفر بحسب ماجاء بالاسافير صاحبة العهدة في هذه المعلومة
*تبقي فعلا قوة مالية ضاربة
*وان صحت المعلومة ياروشا
* دين مليارات قريب دين غارزيتو
*وانتوا في افضل حالاتكم المالية ببقي معبر عن الحالة المادية التي تعيشونها
*واذا كانت دي افضل حالاتكم المالية
*اسوأ حالاتكم كيف يا الحبيب!
*غايتو لا استبعد ان يدير معلن الفيفا دراجته نحو المقبره محملا باعلانات لشكاوي بالهبل
*شكاوي تملا الكسكته وتزيد حتة
*ادوا الناس قروشها وخلوا النفخه المغشوشة
‏*ايها الناس
*اسمع بوفاق علي الطريق
*ولا اعرف من هما طرفا او اطراف الوفاق
*ولا ادري علي ماذا الوفاق
*واتوقع ان يكون المجلس طرفا بحكم موقعه
*ولكن الطرف التاني طرفا بموجب شنو؟
*واسأل
*الم يكتفي المجلس بالانبراشة والمسح بالديمقراطية علي الارض في الوفاق السابق
*والذي اثبت ان اعضاء المجلس المتوافقون وقتها لم يدفعهم لذلك الا التمسك بالكراسي؟
*احترموا الديمقراطية
*يا امساك بمعروف
*ياتسريح باحسان
*وبطلوا اللف والدوران
*فعدم الانفاق بدي الزوجة الحق في طلب الطلاق
*ناهيك عن نادي قدر ده
‏*المهم
*ماكنت داير اخوض في مشكلة السر والصيني
*وللمعلومية السر شاب عشق المريخ وعمل متطوعا له في مواقع كثيرة
*واحفظ له انه اكبر معارض للمجلس الحالي من قولة تيت
*ولكنه كان اول مشارك في اي عمل طوعي دعا له المجلس الذي يعارضه
*فالسر يؤمن بالتفرقة بين الحكومة والوطن
*انا ما داير اناقش المشكلة
*بعضنا يري ان السر مخطئ
*وبعضنا يري ان الصيني مخطئ
*وبعضنا يري ان تيري والنعسان ومنجد الغلط راكبهم من راسهم لي رجلينهم
*وبعضنا يري ان مدير الاستاد مخطئ
*لانه فاتح الاستاد من المقصورة للملعب فوضي ساي
*وبعضنا يحمل القطاع الرياضي ان وجد المسؤولية
*ولكني اسأل عن وصف ومسؤولية الزول الصور الفيديو ونشرو قبل ان يجف عرق المعركة
*الزول ده منو وقصدو شنو؟؟؟؟؟؟؟
*المهم
*الاهلة الشرفاء استنكروا ماحدث بمران المريخ
*كأنهم لايعرفوا مثل هيك احداث
*وبالرغم من اعتبارنا لما حدث سقوطا من علي القيم
*الا اننا نرد علي استنكارهم بان ابوسن مابضحك مع ابوسنين
*ونقدم لهم هدية تلك الصورة المنشورة علي هذا العمود
*بالمناسبة عندنا البوم من الصور دي
*ولكن اخترنا اخفها وطأه
*ادوا الناس قروشهم وبطلوا فصاحة يا الصفراب
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*عارفنها بين يوم وليلة مابتتصلح لينا
*لكن كمان خفوا شوية ماتعتمدوا علي صبرنا يا والينا
*كملنا الصبر كلو آهات وانينا
*وكانت اجمل كلماتنا في زمن الصبر يا والينا
*سأصبر حتي يأذن الله في امري
*واصبر حتي يزهج الصبر من صبري
*واصبر حتي يعلم الصبر انني صابر علي شئ احر من الصبر
*وربنا اذن في امرنا
*تاني الصبر لشنو يا والينا
سلك كهربا
ننساك كيف والكلب قال الصبره مابتصبر قدر ده …طول العمر صابرين هلالاب انتوا؟
والي لقاء
سلك

ترك الرد

من فضلك ادخل تعليقك
من فضلك ادخل اسمك هنا