شوال القروش ده عسلاية ولا كنانة يا الكاردينال ؟؟

2
912

بالعربي الكسيح
محمد الطيب الأمين

 * أكثر (طلب) مُحرج يمكن أن يطلبه (نجم التسجيلات) من غرفة المريخ هو : (أنا عايز أتكلم مع رئيس النادي).
* هذا أكثر طلب مُحرج ..
* لو في أى لاعب من اللاعبين الموجودين في غرفة تسجيلات المريخ طلب التحدث مع رئيس المريخ سيدخل أعضاء الغرفة الحمراء في حرج كبير.
* ح يدخلهم في (أضافرهم) لو طلب منهم طلب زي ده ..
* زي لما تكون عندك مقابلة مع (خطيبتك) ..
* وتقوم خطيبتك تجي ومعاها أخوها الصغير..
* وأخوها ده كل ما يشوف حاجة في السوق يقول ليك : (عمو إشتري لي دي)..
* وأنت يكون الفلس قاطع قلبك..
* بيحرجك جداً..
* هسه المريخ (حالو زي حال الخطيب ده) .. بدون رئيس ولذلك الرجاء من اللاعبين الموجودين بالغرفة الخروج من الغرفة أو من الغرفة يخرجوا..
* واحد من الأتنين .. يا تخرجوا من الغرفة يا كمان من الغرفة أخرجو..
* وأنا شايف لو طلعتو من الغرفة أفضل ليكم..
* ما ممكن تدخلوا ليكم غرفة تسجيلات لنادي ما فيهو رئيس..
* وعلى فكرة..
* لحدي الآن التش ما أخد قروشو وكذلك السماني وأحمد أدم والبقية..
* أكسبوا زمنكم وأطلعوا من الغرفة وشوفوا هلال الأبيض والخرطوم الوطني وبقية الأندية ..
* في لاعبين بحبوا الإتفاق يكون مباشرة مع رئيس النادي..
* وإنتو ما عندكم رئيس..
* زمان قلتو أى لاعب يقعد خمسة دقايق مع جمال الوالى بيسجل طوالي..
* وهسه أى لاعب يقعد في غرفة تسجيلاتكم خمسة دقايق يكون ما عندو موضوع..
* ما في زول عاقل بيمشي (للفقر) برجلينو..
* بدل تدخل غرفة تسجيلات المريخ من الأفضل أن تعود لناديك وتجتهد أكثر في الموسم القادم عشان تسجل في الهلال..
* ممكن تخسر سنة من عمرك وترجع لناديك و(تشد حيلك) وبعد سنة إن شاء الله تسجل في الهلال..
* لكن المريخ ضياع زمن..
* وأنا الكلام ده لا أخاطب به اللاعبين الموجودين داخل غرفة المريخ وإنما أخاطب به أباء وأمهات هؤلاء اللاعبين..
* أى أب وأى أم مؤكد أنهم يبحثون عن سعادة وإستقرار أولادهم..
* ولذلك نحن نخاطبهم من أجل أن ينقذوا أولادهم..
* المريخ ما عندو رئيس ولا فيهو زول بيقدر يدفع مليارات..
* ضياع زمن..
* الهلال أول أمبارح فتح (شوال القروش الأول)..
* والناس شافت القروش في الشوال وقد إستلمها والد النجم محمد موسى..
* وقد كان الشوال أبيضا..
* الشوال لو ما أخاف الكضب يتبع لشركة سكر عسلاية..
* أظن كده..
* وأى زول طبعا حر في (ظنونو)..
* أتوقع إنو ناس المريخ يتركوا (القروش) ويتحدثوا عن (الشوال) الكانت فيهو القروش ..
* أصلا هم بيمسكوا في الحاجات الميتة ..
* والله صحي..
* ضربناهم بـ(ساسا وشاشا) فلم يجدوا ما يتحدثوا عنه بخلاف (هتلر)..
* هو عليك الله في هتلر أكتر من شيبولا ده ؟؟
* هسه عادي ممكن تتوقع الجماعة ديل يتكلموا عن (الشوال) الكانت فيهو القروش..
* ممكن يقول ليك : الكاردينال خت القروش في شوال سكر صناعة محلية والمفروض يختها في شوال سكر صناعة أجنبية..
* عادي ممكن يقولوا كده..
* مساكين ما عندهم موضوع..
* لا عندهم موضوع ولا عندهم رئيس..
* المهم..
* الهلال إفتتح التعاقدات بـ(شوال قروش)..
* في لاعبين بنديهم بالشوال ولاعبين بنديهم بالكرتونة ولاعبين بنديهم بالجردل ..
* وإنتو لاعبينكم إلا تحولوا ليهم رصيد..
* والرصيد ذاتو قالوا أقصى حد بقى (ألف جنيه)..
* يعني ما بتقدر تحول أكتر من ألف جنيه..
* عشان كده كلامنا ده من أجل مصلحة اللاعب المخدوع بالمريخ..
* إحنا في الهلال الحمدلله اللاعب الدايرنو وصلنا ليهو..
* وهسه لو دايرين لاعب من داخل غرفة المريخ بنشيلو..
* لو في لاعب في غرفتكم وإحنا دايرنو بنقوم نرسل ليهو صورة شوال قروش في الواتساب..
* نرسل ليهو الصورة دي علي بالنعمة قبل ما يقفل الواتس تلقوهو مرق من الغرفة..
* لكن ما ح نعمل كده..
* عارفين ليه ؟
* لأنو إحنا عايزين اللاعب يصل لقناعة براهو وبدون مؤثرات خارجية..
* القناعة أهم حاجة ..
* بمناسبة القناعة..
* لينا أسبوع بنسمع إنو الهلال داير مهند ومهند داير الهلال وهلال الأبيض موافق..
* طيب المشكلة وين ؟؟
* كل الأطراف موافقة.. يبقى شنو المؤخر إتمام الصفقة..
* قد يكون مجلس الهلال غير (متوقع) أن عودة مهند فيها رسوم مالية..
* إحتمال يكون ما متوقعين الحاجة دي..
* لكن طبعا وبدون شك عودة مهند فيها تكاليف مالية..
* اللاعب عقدو ساري مع التبلدي وكشئ طبيعي لازم الهلال يدفع للتبلدي وأيضا يدفع لمهند..
* أنا أقول هذا لأنني أحس أن سبب تأخير إكمال الصفقة (مالي)..
* والمال ما بغلب الهلال لكن تحس بأن كل الأطراف (خجلانة من بعض)..
* هلال الأبيض خجلان من إنو يحدد سعر لإطلاق صراح مهند ومهند خجلان والهلال أيضا خجلان..
* نتمنى إنو كل الأطراف تترك الخجل لنرى مهند في بيته ووسط أهله ..
* ولا نمل القول : (مهند فيهو ريحة الهلال القديم) وعودته هي عودة للوفاء والقيم الكبيرة..
* وطالما عودة الغزال هي رغبة رئيس الهلال فنحن على ثقة بأن الموضوع سيتم بأذن الله..
* ونركب صافنات ونجيبة (كردفانية) وأصلو الزول بيموت والذكرى تفضل حية..
* و..و..
* وجيت أهنيك وأصافحك وجيت أقول …(لون الشوال ما عجبني).

 

 

 

 

 

حمل تطبيق كورة سودانية لتصفح أسرع وأسهل

 لزوارنا من السودان متجر موبايل1

http://www.1mobile.com/net.koorasudan.app-2451076.html

3,699 حملو التطبيق

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app

13230 حملو التطبيق

على متجر   mobogenie

 http://www.mobogenie.com/download-net.koorasudan.app-3573651.html

5000+ حملوا التطبيق

2 تعليقات

  1. مازال المريخ هو المريخ ولولا المكائد والدسائس والفساد الهلال والاتحاد لما رايناكم في الممتاز ..سبحان الله من صرخ قائده قائلا لا نجد قوت عيالنا ونتمرن من غير ماء نشربه . …سبحان وقلمك قبل اسابيع كان موجه نحو انصاف المواهب بالهلال وان لعيبته الموجودين مواسير ….سبحان الله وقبل فتره بسيطه كان هلال الكاردينال هو الوهم الذي يعيشه كل هلالي ….انسجل الهلال ميسي ورونالدو وجلب ٩ محترفين سيبقي الهلال هو الهلال فاقد لكل شيء بطولات انجازات مباديء تربيه رياضه وسيبقي بذلك الصفر المفصل لكم خصيصا فلن ترقي تسجيلاتكم لتغيير الحال مالم يتغير مفومكم عن الرياضه ….اتعلم يا هذا لماذا تفوزون ببطولات محليه وخارجيا سقوط وراء سقوط ..لان المحلي بايديكم وشيكاتكم وموائدكم التي اعلنتها ادارتكم ..وفي اول اختبار خارجي نجد السقوط ..لان الاتحاد الفاسد يساعد محليا لكن خارجيا لا والف لا …ستبقي دائما صاحب صفر كبير ..وليت مشكلتكم لاعبين ..بل مشكلتكم اكبر واكبر وان لك ان تبحث عنها بدلا من التهكم علي المريخ

    • الاخ جلابي … السلام و خالص التحايا … رغم الكلام الكتبتو دا و الانشاء الفيها كتير من التعصب الا انك بتعاند في نفسك يا هلالابي يا زعلان … يكفي اننا رشيناكم ب صاروخ لا يصد و لا يرد سمؤالي و اخر تخصصي من شيبولا … هل هزيمتك التي جاءت مع الرأفة تدخل فيما ذهبت اليه .. فزنا بحقنا و عرق جبينا … انتو تبكو بس

ترك الرد

من فضلك ادخل تعليقك
من فضلك ادخل اسمك هنا