صلاح ادريس: الكاردينال يتحمل مسئولية أزمة الموسم الرياضي في العامين الأخيرين

مهما تقول نحن جماهير الهلال الوفيه مع الكاردينال في جل اعماله وخاصة السخية والشجاعة

ههههههههههههههه والله إنك راجل حاقد وجاحد وما أكتر من كدة !!
يعني العديل بتاعك ما إتسبب في أزمة برضو يعني؟
أولاً إنت سحبت الفريق مرتين من الملعب، وإتسببت بحماقة مبالغة فيها وحلفت طلاق إنو ثلاثة من أعمدة الهلال مايلعبوا في مباراة كانت تمثل بوابة التأهل للنهائي الأفريقي، ووقتها كان الفريق منتصر بفارق هدف في الخرطوم وطار من تونس، وأظن وإن بعض الظن إثم إنك ماكنت متمني الفريق الإنت جالس علي سدة رئاستة إنو يفوز بالبطولة الأفريقية، في حب للعديل أكتر من كدة؟
ثم ثانياً، إنت ياسيد ياجيد هربت من الهلال وخليته غارق في بحر من الديون الكانت كفيلة بإرسال أقوي الفرق إلي الدرجات المظلمة، والبيحصل في المرخرخ حالياً من هزات مصنوعة ومفتعلة بفعل فاعل من تراكم ديون وتراجع في المستوي مصحوب بعم إستقرار مقصود (طبعاً الموضوع كله مربوط بالرئيس الأوحد لو إنو أهل المرخرخ فاقوا من مخدرهم) إلا دليل علي صدق حديثنا، وإنت كنت المخلب الثاني لتشليع طرف القمة الثاني حسب المخطط برفعك لسقف الصرف بصورة مبالغ فيها، ولو كنت فعلاً حريص علي مصلحة الهلال كما تدعي، ماكنت رعيت أهلي شندي وبقيته مستودع لتمويل تيم عديلك ومكاجرة الهلال سيد البلد…….!!
بس نحنا عاذرنك، مرتين إترشحت والجماهير جدعتك برة النادي بنسبة رسوب 100% (الطيش)، ودي هي نسبة الحب الفضلت ليك في قلوب جماهير الهلال، عشان كدة ركز مع أهليك ومع عديلك وحبيبك وأقرع مشاكل جدة وخليك من موضوع الهلال…….!!
نحنا بالنسبة لينا كردنة هو الرئيس المنتخب بصورة شرعية، والراجل ماقصر وصرف من ماله وصحتة وشغال في مشروع القرن بالنسبة للهلال (الجوهرة الزرقاء حارقة قلوب الكائدين والحاسدين) وإنت كنت عاوز تبيع الإستاد وتودينا صالحة !! وفي حال إترشحت أي شخصية هلالية أخري وجاءت للرئاسة برضو حانساندها ونشجعها، طالما إنها جات بطريقة ديموقراطية، أما إنت ياحبيب الحبيب فماظنيت إنك بعد ده تلقي مركز الطيش زاتو، لأنو جماهير الهلال الواعية عرفت حقيقة الربراب الهارب وأقلامه المأجورة وخطرهم علي مجتمع الهلال……!!
لكمة أخيرة: دعوة المظلوم بتوصل وإنت ظلمك مابفيدك !!