عاااااااااجل .. هلال الابيض يفاجئ الهلال بأمدرمان ويهزمه برباعيه

30
3365

,

فجر هلال الابيض مفاجأه من العيار الثقيل بتحقيق فوز كبير علي مضيفه الهلال بملعبه بأمدرمان بأربعة اهداف مقابل هدفين ضمن مباريات الاسبوع الثاني من الدورة الاولي لدوري سوداني الممتاز في واحدة من اقوي مباريات الممتاز .. واحرز اهداف الضيوف مهند الطاهر ومفضل وفيصل موسي والعاجي موكورو واحرز للهلال الزيمبابوي سادومبا بالنتيجة يرتفع هلال الابيض برصيده الي 31 نقطة ويتجمد الهلال في 49 نقطة.

 

الهلال وهلال الابيض (10)

 

حمل تطبيق كورة سودانية لتصفح اسهل

لزوارنا من السودان  على متجر 1موبايل

http://www.1mobile.com/net.koorasudan.app-2451076.html

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app

لزوارنا من الصين الشعبية

http://www.androidappstore.mobi/EN/displayproduct/112531/playstore

 

 

 

 

 

المشاركة

30 تعليقات

  1. يجب معالجة الاخطاء بعقلانية وبدون انفعال ….الطريق طويل

  2. سلام للجميع الف تريليون مبرووووووك لهلال الابيض ضرب علال الدلاقين فى اامقبرتو ههههههه

  3. هذا هو المستوي الحقيقي للوصيف الذي كاد ان يلاقي نفس المصير امام الشرطة القضارف، هيا واصلوا افراحكم ياوصيفاب وتغزلوا في برشلونة بتاعكم وواصلوا استهتاركم بالزعيم ومبروك لكم بطولة الدوري الممتاز مقدما

  4. تاني اشان تآااااااااامنووو … ياجلافيط ياصفراب … ارررربعه كتيره والله … قال ايه صائد البطولات …. لسه هو النتو شفتو حاجه … شيبوب طلع هبوب … شيبولا شرب كوكاكولا … سادومبا اخد بمبا … كردنه الكوره خلاص حردانه …. مع تحيات لحوم مكسيم …

  5. لكل جواد كبوه..واضح انو المشكله في اللياقه البدنيه.بدات لياقة اللعيبه تدنى في الشوط الثاني بصوره واضحه و جليه.اما ان المشكله في مدرب اللياقه البدنيه او التمارين المتواصله الضاغطه.مبروك تفوق الابن على الاب

  6. اليوم اهل الزعيم الحمدلله فرحكم فرحين والجلافيط زعلم زعلين .. اللهم لاشماته .. وبعد ده مبروك عليكم الكاس … الكمال لله .

  7. نعم استحقينا الهزيمة لان اللعيبة لم يكونو علي قدر المسؤلية .هي كرة القدم فوز وخسارة ولسة المشوار طويل .هي كبوة وسوف تمر كما مرت غيرها كبوات

  8. salah | تم إضافته في يوليو 20th, 2016
    مواسير الوصيف لاتقوي علي مواجهة أي حمام في الممتاز، وعملوا المباراة كلها شلاليت ووقيع ورقيد في في أرضة الملعب……….!
    بعد ده يجي واحد ناطي يقول ليك الوصيف ماخفيف ونزيفه حايقيف !!
    أسي أنا جبت سيرة التحكيم؟ بس عاوزين سيحة الفضيحة يورينا البطاقة الحمراء دي حالتها بتشبه حالة مصعب عمر مع شيبولا ولا لا……أكيد حايمتدح الحكم ويديهو عشرة علي عشرة !!
    أري نزيفاً وتنقيطاً يقترب من مواسير المرخرخ………….
    أخبار إعتذار بكوري شنو؟ ههههههههههههههههه
    ده تعليق واحد وصيفابى اسمه salah علي مباراة المريخ والرابطه

  9. مهند ولدنا … موكورو ولدنا … فيصل موسي ولدنا …. مفضل ماااااا ولدنا نحن زعلانين منو عشان جاب فينا قون … هاك ولادكم ديل .. جلفوطي .

  10. فريق ولائي يضرب الهليل ٤؟ و وين ؟ داخل المعبره؟ صراحه فضيحه ..

    مبروك لي ابراهومه..

  11. فليفرح الطيشاب لأنهم مساكين ودايما منتظرين الفرحة بمجهودات غيرهم. ولكل جواد كبوة. وكرة القدم مليئة بالمفاجآت وليكن دلك درس للأسياد لترك الاستهتار وممارسة الجدية في الدفاع.

  12. انا هلالابي و لكن عجبني هلال الابيض الذي كشف الزيف ووضع حد للغرور الذي انتاب لاعبي و اداريي واعلاميي الهلال عقب الانتصار على المريخ و هلال كادقلي. و دونكم تصريح مساوي الغير مسئول وقبله احد الاداريين بان الهلال قد حسم الدوري، وايضا كتابات بعض الصحفيين المتبجهة ونسيان ان الكورة بذل و عطاء وليست امنيات. فهذه الضربة القوية جاءت في الوقت المناسب للتبصير بحال الفريق و نقاط الضعف التي تغافل الجميع عن رؤيتها عدا قليلون جدا.

  13. وين صلاح بتاع التعليقات ههههههههههههه اربعة يا راجل

  14. صلاح ده ياكولونيا عامل ليكم ارضي وبضربكم في محل الوجع. لا تفرحوا بهزيمة سيد البلد بواسطة هلال الأبيض الذي حقق ماعجز عنه مرخرخكم والعترة بتصلح المشي.
    مصيبتكم دائماً فرحكم الزائد بنكسات سيد البلد يأتيكم من عرق غيركم ولايزال علو كعب سيد البلد غصة في حلوقكم وسيكون للأبد باْذن الله.

    • صلاح ده ياهجام هو القاعد يفك الخط بتاع عمك أبونجود المندلاوي المستعاري…!!
      نحنا ياهجام ياخوي بنعرف إنو الكورة غالب ومغلوب، مازي جماعتنا المرخرخين، الهزيمة دي لو كانت في الحفرة عندهم كان لحدي أسي شارع العرضة جنوب بكون مقفول، وكان راحوا فيها آلاف الضحايا..!! ولعل من لطف الله بالناس أن هذه الهزيمة الكبيرة حلت بالهلال سيد البلد دون سواه، لأنه فريق قائد وجمهوره واعي وإلا لكانت أرواح كل مواطني شارع العرضة جنوب وماجاورها ستكون معرضة لأخطار جمة من قبل متفلتي المرخرخ…..وزي ماقلت نحنا عترتنا بتصلح مشيتنا والهزيمة جات في وقت مناسب وستجعل الجميع يجلسون مع بعضهم البعض وستكون نتائجها إن شاء الله مرعبة لكل الطيشاب المرخرخين لأنهم عارفين غضبة الهلال كويس…!!
      أبو المستعار الليلة بكون متعشي مع جماعة التعبئة سمك ملح…هههههههههههه

  15. الهلال يلعب على صفحات الجرائد … شاهد مباراة واحدة للهلال وتعال إقراء لكتاب الهلال عن المباراة .. تجد إنهم يتكلمون عن مباراة أخري غير التي حضرتها ،، ويتحدثون عن لعيبة آخرين لم تشاهدهم في المبارارة … مصيبة الهلال في إعلامه … الذي يزيف الحقائق … وأي كاتب لا يطبل للاعبين والمدرب حتى لو كان المستوى في الحضيض فهو خائن خارج عن الملة … يطلقون الألقاب جزافا علي لاعبين في بداية مشوارهم فينتفخون ويظنوا أنفسهم صارو من النجوم الكبار فيسقطوا في أول إمتحان …. الهلال يعاني في جميع خطوطه وقد كشفه المدرب القدير إبراهومة الذي قرأه قراءة جيدة في شوط المدربين … فنجح بإمتياز في إجتياز الهلال وفشل صائد البطولات في إصطياد أولاد الأبيض

  16. ابراهومة وعد فاوفي تسلم البطن الجابتك ياولدنا وحقيقة وريت الصفراب حجمهم الطبيعي وانهم نمور من ورق ويلعبون فقط علي صفحات الجرايد والقادم احلي ولا عزاء لكتاب الهلال الذين جعلوا منه بارسا

  17. يا عبدالله شكلك كنت وارم ورم فظيع بركة الاتفشيت يعني المرخرخ يورمك ونحنا نفشيك بس يا خوي والله النتيجة دي فرحتنا شديد لانو عرفنا الخلل وين وحنعالجو بي نار هاااااادية ورانا شنو ما مستعجلين الفرق كبيييير ولسه حايكبر وورمك برضو حايكبر وتاني مااتوقع حا نقدر نفشيك

  18. فريق يتقدم بالدفع التحكيمي وضربات الجزاء ده مصيرو وعمر النمر من ورق ما ببقى نمر وبعد ده بتلقى بعض الجهله والمتعصبين بيكابرو وبيغالطو
    كسرة أين المدعو صلاح والله عافيت منك هلال التبلدي شربتهم التبلدي وتكلو بدون إزعاج.

  19. فرحة الطيشاب والفرحة الهستيرية التي اصابتهم اليوم تدل علي عظمة سيد البلد ولكن هيهات. ليكم يوم وسنعوض مافقدناه اليوم في حفرة الدخان كعادة سيد البلد.

  20. يا هجام مافي حاجة مخلياكم في الصفر بتاعكم دا غير التكبر والنفخة الكذابة الله يشفيكم

  21. التكبر والنفخ ماركة مسجلة باسم الطيشاب ياجاغوم والصفر أولي بيهو انتو اصحاب الصعود الوحيد لدوري الأربعة الكبار والذي أنساكم السيكافات وكاسات الصفيح وخلاكم تهضربوا بروائح المطار. اذهب واقرا عمود ابوورقة احد كتابكم الذي ترك المكابرة واعترف بعلو كعب سيد البلد في منافسات الكبار.

  22. وأخرجت الأرض أثقالها….!!
    الليلة أبونجود المندلاوي المستعاري ضرب رقم قياسي في إستخدام الأسماء المستعارة، وجاب كمية من الأسماء مع بعض في موضوع واحد بعد غيبة…!! المسكين ليهو فترة طويلة مافرح والتكشيرة ضارباهو بعد ما إنصدم بالواقع في المرخرخ، من ناحية جاهم البتاع الطوالي راجع…..لكن مقشط ! فتبخرت كل أحلام مندله في رؤية داغولو وبقية المحترفين من العيار الثقيل، ومن ناحية أخري حال مرخرخهم الذي لايطمئن (مسالة وقت بس وبعد داك نرجع نضحك معاكم، وفي الوقت داك الفرحة بتكون أحلي)
    وبعدين مستوي الهلال اليوم في الشوط الثاني (شوط الهزيمة) كان سيئ للغاية وهذه حقيقة لاينكرها إلا مكابر وهلال الأبيض إستحق الفوز علي الهلال بمستواه الراقي…..بس نحنا بنعرف إنو الكورة غالب ومغلوب…..جمهورنا مابيفلق ومابندق ونشتم لاعبينا ولابنعتدي علي الحكم والطاقم المساعد، ولا كمان بنزوغ من واقع الخسارة ونمشي نلبد ونطلع بعد يومين تلاتة ونبرر للهزيمة بشماعة التحكيم ونحنا مستهدفننا والإتحاد سوي لينا ووو……. الأهم من ده كوووووووووولو، نحنا لسه متصدرين وفي زحمة من النعم والحمد لله رب العالمين، والتلاتة نقاط الشالوها أولادنا في هلال الأبيض من (التسعة نقاط) بنعرف نعوضها كويس ونزيدها كمان ونجي في نهاية المطاف نحلق للمرخرخين في حفرتهم كالعادة، وبشة يطلع في العراضة ويلوح بكاس الممتاز للطيشاب المرخرخين في حفرتهم !!
    الفرق بينا وبين المرخرخ، إنو نحنا مهزومين وبنتقبل واقع الهزيمة، والأهم من ده كوووولو إنو نحنا مغلوبين وعندنا صافي من النقاط (6 نقاط كاملات علي حسب قول مندله) ولامحتاجين لمساعدة ولا دفرة من تجكيم ولا لجان سمير، أما المرخرخاب غالبين وناقصة ليهم ستة نقاط (حانزيدها إن شاء الله وهم عارفين الكلام ده أكتر من جوع بطنهم) وعاوزين يلتقوها ليهم….شفتوا الفرق ؟ كان تجروا جري الوحوش غير وصافتكم ما بتحوشوا….هههههههههههههههه
    لكمة أخيرة: معناتها الليلة العمود بتاع الدراب بتاع مندلة حايرجع، …..بس بعد مايطلع عمود المرشدي وعمو أبوشيبة وكبكبة وسلكلك وود الجاك عشان يلقط منهم ويلتق العمود !!!

  23. الحكام كانوا وبن .. غريبة ما حسب بلنتيات للهلال امكن قايلو هلال الفاشر ؟

  24. هع. هع. ابوصلاح ظهر ياطيشاب. مش أحسن كان تخلوه بدلا ماتنكتو عِش الدبابير.
    ياحسام خليهم يفشوا ورمهم فهذه فرصة لن تتكرر.هم يعرفون ان القادم أسوأ بالنسبة لهم وراجياهم علقة في حفرة الدخان وناس الوحدات قاعدين ليهم بالمرصاد.

أكتب رد

أدخل تعليقك من فضلك!
أدخل إسمك هنا من فضلك