صحيفة كورة سودانية الإلكترونية

عندنا مناعة ضد تخدير مجلس الهلال ..!!

1

في الصمت كلام
محمد عثمان بلل
عندنا مناعة ضد تخدير مجلس الهلال ..!!

• تخدير مجلس الهلال بعد كل هزيمة ما بعمل لينا حاجة.
• درج المجلس على تخدير جماهيره بإقتراب التعاقد مع مدرب كبير .. عقب كل هزيمة او إقالة الجهاز الفني.
• (تخديركم دا ما بياكل معانا عيش).
• (بقى لينا زي شراب الشاي).
• تخدير ضارب.
• شبعنا تخدير.
• (عملتو أزمة في التخدير).
• (التخدير دا أولى بيهو ناس المستشفيات).
• (نحن خلاص أصبح عندنا مناعة ضد تخدير المجلس).
• (عارفين الحركات دي).
• الهزيمة عادية في كرة القدم.
• يوم ليك ويوم عليك.
• تغيير الاجهزة الفنية برضو عادي.
• مدرب عالميين عادي تم اقالتهم.
• مافي اي مشكلة.
• المشكلة في مجلس الهلال.
• سمعنا كتير بإستجلاب المحترف ساماتا.
• الكلام دا بتقال في كل موسم.
• بداية التخدير عندما كان هذا اللاعب يبلغ 18 سنة.
• ساماتا دا هسي قرب يعتزل.
• عايز أقول ليكم حاجة واحدة.
• ننهزم عادي.
• نطلع من البطولات الافريقية برضو عادي.
• بس بدون تخدير.
• بدون ما تزرعوا الامل وسط الجماهير.
• وهو أصلا سراب ساي.
• عايزين الامور تمشي كدا.
• بدون تخدير.
• ما عايزين نشعر انو المجلس دا شغال (محضر عمليات جراحية).
• الفريق يتهزم وتعالوا راجعين عادي .. كأنه ماف حاجة حصلت.
• مجلسنا في وادي ونحن في وادي تاني.
• بس ما فقدنا الأمل في فريق الكرة.
• الهلال هو الهلال.
• الهلال باقٍ وسيذهب الجميع.
• عشان دا الهلال.
• رغم كل شي .. نحن الهلال بنريدو جد.

قد يعجبك أيضا

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد