صحيفة كورة سودانية الإلكترونية

كابو عرس

25

في السلك

بابكر سلك
*الامس كان يوما مشهودا
*يوم لن ينساه التاريخ
* ولا المريخ
*كان زواج الاخ كابو
*الآن انا اكتب ولسسسه ما اتوجهنا علي الاحتفالية
*ماشي علي عرس كابو ومامصدق
*فالحبيب كابو يعشق الحرية
*لذا لا اتصور دخوله للحبس برغبته
*القصة ماقادر اصدقها
*ولا استبعد بعد الحفلة كابو يقول لينا كانت معاكم الكاميرا الخفية
*مليون مبروك للحبيب كابو عاشق النيل
*سيفقدك شارع النيل وبرج الاتصالات
*ان شاء الله تغلبها بالمال(البقي ماعندو قيمة ده)
*وتغلبك بالعيال
*تجيب ليك(كبابي ) صغار كتاااااار
*يكون فيهم طرف يمين وصانع العاب ما اناني زي التش
*اتوجه علي الصالة
*وامني النفس بلقاء اهل الرياضة والفن والثقافة واهل الصحافة
*فالحبيب هيثم محبوب شديد
*المهم
*سمعنا قالوا ناس روشا جايبين اتنين عرب كمحترفين
*حكاية عرب وماعرب دي حقو تخلوها ياروشا
*نحن في السودان الجديد
*وبعدين العرب ديل دورهم في ثورتنا وتقريب وجهات نظرنا كان شنو؟؟؟
*والله انا لو علي نمرق السودان ده من الجامعة العربية ونوديهو مامون حميدة او جامعة (الكنداكات ) الاحفاد
*افريقيا العالمية ماذكرتها فوق راي
*المهم
*نرحب بالثمرة محمود امبدة
*السنة دي جنينتنا نجضت فيها ثمرة وااحدة وشلناها
*تتذكروا موسم منقة المدينة؟
*تتذكروا موسم الفراولة الشايلنها في الغربال؟؟؟
*جنينتنا ماقاعدة تقصر معانا
*بس اوصيكم بزراعة الاشجار النادرة فيها
*كي نجني ثمارا نادرة تعيدنا لمنصات التتويج الافريقية
*تعيدنا ياروشا موش توصلنا يادوب
*ايها الناس
*من جيت الاسياد البيت بقي محروس وفطومة تكوس
*وروشا زايغ
*جدادة الخلا طردت جدادة البيت وديك العدة
*اتمني الليلة يجاوروني علي اخيرة الاسياد
*كأس العدالة ده خلاني قاعد برااااااي
*لكن قاعد فوق راي
*المهم
*مبروك لاهلي مروي البقاء
*وهاردلك ميرغنينا ارجنتينا
*لكن كسلا الوريفة تحتاج لتمثيل بالممتاز
*وفي انتظار موردة اهلي عطبرة
*نعشق الموردة ونهوي عطبرة
*وفي عطبرة في موردة
*اللهم ولي الاصلح
*ايها الناس
*رجع النت
*واقف من رمضان
*عشان كده جات رسائل بي حلو مرها
*وجات فيديو هات اريت لو ماجات
*ولكن تثور اسئلة
*لماذا يصور المجرم جريمته وينشرها؟؟؟
*ولماذا تظهر اسماء بعينها متكرره في عدة فيديوهات
*يا فلان ماتدقو؟؟؟
*ولما تظهر قوة عسكرية بعينها تؤدي دور الحنية وتحمي الثوار
*وتظهر قوة اخري بزيها المحدد والواضح بانها الرزيلة المعتدية علي الكنداكات؟
*وهل في نشر تلك الفيديوهات استراتيجية محددة تهدف لاستغلال سرعة استفزاز الشخصية السودانية لتحدث ردة فعل عنيفة تقود البلاد لمربع يتمناه اعداء الثورة؟
*كل ذلك سنعرفه قريبا
*ابقوا معنا
*ايها الناس
*يا شمس الدين
*دور البصري كمدير استاد لاينكره الا مكابر
*ونجاحة وتضحياته لاينكرها الا زول غريب
*ولو دايرين تشيلوهوا
*قول شعب المريخ وافق
*ادوهوا دينو عليكم الصرفوا في تأهيل الاستاد من حر ماله الذي حرم منه اطفاله وفضل المريخ عليهم
*مع علمكم ان البصري هو المدير الوحيد الذي يعمل مجانا متطوعا رافضا الماهية
*كدي ادوا العامل ماهيتو اول بعدين نتكلم عن راتب مدير النادي
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*فتحتوا المدارس لينا
*وين كتبكم
*ووين كنبكم
*ووين كراريسكم
*ووين مواهيكم لآباء الطلاب
*احسن تقفلوها وتجهزوها حتي تفتحوها
سلك كهربا
ننساك كيف والكلب قال مدرسة اساس حكومية في امدرمان القبول ليها جغرافي تطلب عشرة مليون من الطالب للقبول الجديد؟وين الثورة؟؟؟؟؟
والي لقاء
سلك

قد يعجبك أيضا
اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد