• تاني مجلسنا أصدر قرار خاطيء.
• أي خاطيء و(60) خاطيء كمان.
• معقولة الاستغناء عن ثلاثة محترفين حتة واحدة.
• ومسجلين كمان في الكشف الافريقي.
• يا جماعة الهلال تنتظره مباراة حاسمة.
• أمام البركان المغربي.
• الفوز فيها ضروري من أجل الاستمرار في المنافسة.
• الهلال يحتل المركز قبل الاخير.
• برصيد 3 نقاط من ثلاثة تعادلات.
• دا ما بشبه الهلال.
• عشان كدا وجوده الثلاثي كان مهمة للغاية.
• معقولة كل مرة المجلس يصدر قرارات زي دي بدون ما يعرف العواقب شنو.
• العاجي واتارا مدافع مميز دون شك.
• يعتبر صمام آمان للدفاع.
• المدافع الآخر والنيجيري سيرجيو الحكم عليهو لسه بدري.
• أصبح دفاع الهلال وفجأة وبدون مقدمان وبقرار من المجلس يعاني من نقص حاد.
• اي لاعب في الدنيا اذا اخطأ هناك عقوبات اسمها الخصم المالي.
• ليه ما فرض المجلس غرامة على اللاعبين.
• الغرامة صعبة على اللاعبين.
• قرار الاستغناء المجلس سوف يضطر يدفع مرتبات عدة شهور حسب الاتفاق في العقد.
• إنتوا في حاجة لكافة الاسلحة.
• خاصة العاجي متمرس جدا في البطولات الافريقية.
• يااااادوب وجع عدم اضافة الشعلة وبشة الصغير للكشف الافريقي زاد زيادة.
• عايز أطلب من مجلسنا طلب.
• تاني عليكم الله لمن تصدروا قرارات زي دي أرجعوا لينا.
• عشان نقول ليكم الحقيقة.
• او شوفوا نجوم الازرق القدامي.
• ديل كمان عايزين مصلحة الفريق.
• ويظل الازرق هو الازرق.
(صمت اخير) ..
• خايف من ظِـروفي تعيدني لي أسف العواطف تاني.
• وأرحل بي دروب وداره وأغرق في بحر أحزاني.
• إتناسيت زمان المُرة حتى زمانا إتناساني.
• كيف أنسى الملكني هوآهُ كيف تنسي الاماني أماني.
