صحيفة كورة سودانية الإلكترونية

لالوبنا

18

في السلك

بابكر سلك
لالوبنا

*مجلس المريخ يبدو أنه يعمل بشعار لالوبنا ولا تمر الناس
*بالذات بعد ما تمر غرزة وبلح ولدو قربوا يودونا النظام العام
*لكن شعار زي ده كي يتم تطبيقه يجب انو يكون لالوبنا في
*مامعقول بدون لالوب نشنف تمر الناس ولو كان مخمر وبودر
*والزول البشتغل بمفهوم زي ده علي الاقل بوفر ضروريات الحد الادني لتسيير النادي بصورة لاتهزه ولا تزعزع الثقة فيه
*ولكن فيما يبدو ان سوداكال ووزير ماليته هما فقط من يعلمان اين اللالوب
*لانهما الوحيدان الذان يعلمان اين الجرجير المفتري به علي الناس والمفتري عليه
*جرجيركم ده يا مادبو لو كان دهب كان عرقو اتلقي وسبايكو مرقت
*غير الاتنين ديل تاني زول عارف حاجة في امة المريخ او مجلس المريخ مافي
*لذا
*حقو تكرمونا بالنظام الاساسي في ميعاده كي نحاول مجتمعين محاولة انتشال المريخ من شوربة الجرجير وشربوت اللالوب
*انتوا ذاتكم ساهموا معانا في عملية التخلص منكم وخلاص المريخ
*بس بالقانون احتراما للديمقراطية تلك القيمة الانسانية السامية
*واحتراما للثورة التي جعلت من دولتنا دولة قانون
*وزي ماقال المثل
*المابتعرف ماتدوها تغرف
*وانتوا جلبغتوا الملاح جلبقة
*وكشحتوا حلة المحشي
*تناقض قرارتكم زي شراب الكلب
*جلبق جلبق جلبق
*ورجغ ورجغ ورجغ
*تقولوا ماشين
*تقيلوا
*تقولوا جايين
*تقبلوا
*وزي البساتم
*واحدات طالعات
*التانيات نازلات
*نصكم يستقيل
*نصكم التاني يسحب الاستقالة
*والمريخ يقع من السقالة يكسر سنو
*لذا
*عليكم الله ساعدونا بالنظام الاساسي سريع
بسم الله الرحمن الرحيم في السلك
لالوبنا
*مجلس المريخ يبدو أنه يعمل بشعار لالوبنا ولا تمر الناس
*بالذات بعد ما تمر غرزة وبلح ولدو قربوا يودونا النظام العام
*لكن شعار زي ده كي يتم تطبيقه يجب انو يكون لالوبنا في
*مامعقول بدون لالوب نشنف تمر الناس ولو كان مخمر وبودر
*والزول البشتغل بمفهوم زي ده علي الاقل بوفر ضروريات الحد الادني لتسيير النادي بصورة لاتهزه ولا تزعزع الثقة فيه
*ولكن فيما يبدو ان سوداكال ووزير ماليته هما فقط من يعلمان اين اللالوب
*لانهما الوحيدان الذان يعلمان اين الجرجير المفتري به علي الناس والمفتري عليه
*جرجيركم ده يا مادبو لو كان دهب كان عرقو اتلقي وسبايكو مرقت
*غير الاتنين ديل تاني زول عارف حاجة في امة المريخ او مجلس المريخ مافي
*لذا
*حقو تكرمونا بالنظام الاساسي في ميعاده كي نحاول مجتمعين محاولة انتشال المريخ من شوربة الجرجير وشربوت اللالوب
*انتوا ذاتكم ساهموا معانا في عملية التخلص منكم وخلاص المريخ
*بس بالقانون احتراما للديمقراطية تلك القيمة الانسانية السامية
*واحتراما للثورة التي جعلت من دولتنا دولة قانون
*وزي ماقال المثل
*المابتعرف ماتدوها تغرف
*وانتوا جلبغتوا الملاح جلبقة
*وكشحتوا حلة المحشي
*تناقض قرارتكم زي شراب الكلب
*جلبق جلبق جلبق
*ورجغ ورجغ ورجغ
*تقولوا ماشين
*تقيلوا
*تقولوا جايين
*تقبلوا
*وزي البساتم
*واحدات طالعات
*التانيات نازلات
*نصكم يستقيل
*نصكم التاني يسحب الاستقالة
*والمريخ يقع من السقالة يكسر سنو
*لذا
*عليكم الله ساعدونا بالنظام الاساسي سريع
*المهم
*تفتكروا قرار ابعاد العقرب عن المنتخب مدي الحياة
*قرار بموجبة يتعاقب بكري
*ام يتعاقب المنتخب؟؟؟.
*وابعاد لاعب عن المنتخب مدي الحياة قرار اظنه لم يحدث الا في السودان
*مرة مع باكمبا
*لكن الوكت داك مابتذكر رئيس الاتحاد كان منو
*والمرة دي مع بكري في عهد بروف شداد
*المشكلة ليست في اننا نغلط
*المشكلة في اننا نشوف الغلط ونسكت
*ونستمر فيه
*هذا القرار يحتاج مراجعة ومعالجة يا اتحاد
*ايها الناس
*نحنا كانصار سنة في حب المريخ
*لانؤمن بالمشايخ الذين تجب مبايعتهم قبل اعتناق المريخ كعقيدة
*واذا غلبك
*امسك في العقيدة قوي وصلي ورا شيخك
*موش تمسك في شيخك وتنسي الصلاة ذاتها
*ودي هي الحاجات المقسمانا والمحزبانا والتعبتنا وديمة تاعبانا
*وكره الناس علي علاتو كده
*واحد من افرازات التبعية للشيوخ
*والتبعية العمياء هذه تجعل الحوار معتمد علي الشيخ في اي شئ
*حتي في اختيار زوجتو
*الامر الذي يخلق من الحيران عاله لاتقدم لانفسها ولا للكيان
*فقط ينتظرون الشيخ الذي يحمل عصا موسي دوما
*ويؤمنون به فقط
*لذا
*حقو نتغير شوية
*فلقد ولي زمن الكرامات والمقامات المتوارثة
*وجاء عهد المدنيااااو ودولة القانون
*المهم
*بفضل المدنية وقوة القانون
*سيفتح نادي الهلال ابوابه امام رواده بعد اغلاق لسنوات
*سنين طويلة والنملة لا تستطيع دخول نادي الهلال
*من زمن شطب سيدا وشعبطة المسافات والبكاء الهستيري في زمن البرير ود قلبا
*ومنذ ذلك الحين والاهلة يقضون امسياتهم اما عند نوش
*او حول بائعات الشاي جوار الاستاد
*وشدة ما ادمنوا الحتة
*في الاعتصام ايام دعاية كوفتي
*ممايقولوا يا اخوانا الشاي
*الشاي بي جاي
*كل زناطير الاعتصام يجروا بدون موية صحة
*لانو الشاي بموية صحة كمان
*مما يقولوا يا اخوانا الشاي
*فول نوش يبور
*لانو الشاي معاهو كيكة
*ولكن
*ناديكم ده ياروشا تجيبوا ليهو عفش من وين؟
*الا تفرشوهوا عربي
*كردنة وزعل
*تكتروا وتقللوا بشيل نجيلتو وجيرو
*بخلي ليكم امتداد لموقف الاستاد
*لتعود حلل الكوارع من جديد
*لذا
*من بدري قلنا فالتخرج الاندية من جيوب الافراد
*لانو الفرد كان زعل او حرد
*او حبه ينعش ذاكرة الناس بحبو وزاغ فجاة
*النادي بتجهجه
*والمديونيات بتجيكم هبطرش
*وتشتهوا النوم
*وحدوا الله
*وارقوا الاندية
*اقيفوا جمب جيب الفرد
*واثناء الرقية قولوا للنادي اخرج
*اخرج يانادينا
*متع ليالينا
*امتع اماسينا
*ردد حكاوينا
*لانك فوق الجميع
*اخرج يانادينا
*نبنيك بايادينا
*نقدم ليك كل العندنا وجل الفهم الفينا
*بس انت تخرج يانادينا
*ايها الناس
*تجربة المريخ مع المجلس الحالي هي نتاج يتحمل وزره الجميع
*لانو لماذهب مصدر الصرف الوحيد
*كل الناس عملت شخيت ووقفت بعيد
*والغريبة انهم نفس الناس الكانوا بحنسوا جمال ليصحبهم في مجالسه
*بعضهم بمشي البيت
*وبعضهم بكسر
*يكسر الوقت
*يكسر الدنيا
*يكسر اي حاجة
*بس في مجلس الوالي يجي
*والآن هم اشد الناس انتقادا لحال المريخ
*اخرج يانادينا
*رتل ياراقينا
*ايها الناس
*حقو نتغير مع التغيير الحاصل
*او
*سيتجاوزنا الزمن
*روشا
*حمدالله علي سلامة كردنة
*ان شاء الله المرة دي قاعد معانا كتير
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الدولة العميقة دست الغاز منينا
سلك كهربا
ننساك كيف والكلب قال المدنية مابتغيركم لو ما انتوا غيرتوا سلوككم لسلوك الثورة الشعبية
والي لقاء
سلك

قد يعجبك أيضا
اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد